Sjómannablaðið Víkingur - 01.06.1994, Page 38

VÍKINGUR
Árni Kjartansson, skipstjóri á Hafnarey:
Verðum varir við
mikið af þorski
„Við erum í landi núna,“ sagði Árni
Kjartansson, skipstjóri á Hafnarey SF
36, þegar við höfðum samband við
hann. „Við erum eingöngu á trolli og
okkur hefur gengið alveg þokkalega
miðað við að við höfum þurft að vera
að leita að vissum kvikindum. Við
megum bara veiða sjö tonn af þorski í
túr. í síðasta túr fengum við 40 tonn af
blönduðu eftir fjóra daga, aðallega af
ufsa, ýsu og karfa.“
Þetta bjargast einhvem
veginn
„Við höfum reynt að sneiða hjá
þorski eins og hægt er. Við höfum
orðið varir við mikinn þorsk.
Annaðhvort er þetta eitthvað breyti-
legt hjá honum eða það er svona
mikið magn af honum blessuðum.
Annars veit maður það ekki, það er
víða þorskur og eins á mjög óvenju-
legum slóðum. Við höfum verið mikið
í Berufjarðarál og einnig austur af
Öræfagrunni.
Eg endurtek að það hefur verið hægt
að fá mikinn þorsk í vetur.“
En hvernig er afkoman þegar þið
þurfið að vera í þessum ódýrari teg-
undum?
„Ég veit ekki, þetta bjargast ein-
hvern veginn, við höfum fengið að
senda eitthvað út og eins er selt á
markaði hér heima. Ýsan hefur farið á
markað hér en karfinn fer til Þýska-
lands, það bjargar þessu aðeins.“
Hefur verið rólegt
„Við erum þrettán á, en annars hefur
þetta verið rólegt hjá okkur í vetur.
Við höfum verið mikið á sjó og við
höfum reynt að teygja á þessu eins
mikið og hægt er. Ég held að við náum
að vera að út fískveiðiárið, það hefst
með svona leikaraskap. Við höfum
stóran ýsukvóta og með því að reyna
að hanga á þessu er hægt að stunda
þetta án þess að lenda í sektum,“ sagði
Árni Kjartansson.
„Pað hefst með svona leikaraskap, “ sagði Árni Kjartansson, skipstjóri á Hafnarey, þegar hann var að lýsa hvemigþeim
tekst að halda sér á veiðum út fiskveiðiárið.
38