Sjómannablaðið Víkingur - 01.09.2002, Blaðsíða 60

Þjónustusíður
Atlas hf. með yfir 100 fermetra sýningarsxœði
Mustad og fleiri
þekkt vörumerki
Á Islensku sjávarútvegssýningunni
verður Atlas hf. með stóran sýningarbás,
yfir 100 fermetra, sem skiptist í tvo
hluta. í öðrum hlutanum verður Atlas og
ýmsir erlendir meðsýnendur fyrirtækis-
ins, en í hinum hlutanum verður
Mustad. Fjölmargir erlendir aðilar sækja
sýninguna í samvinnu við Atlas, sem hef-
ur ávallt tekið þátt í Sjávarútvegssýning-
unni.
„Við erum meðal annars með utnboð
fyrir hið þekkta og rótgróna fyrirtæki
Mustad sem sýnir þarna beitningavélar
og kynnir nýjungar í frantleiðslunni.
Mustad er eitt þekktasta fyrirtæki heims
á sínu sviði og stærstu krókaframleið-
endur t heimi. Salan í vörunt frá þeim
gengur meira og minna í bylgjum hér á
landi, sent stjórnast af þessum sveiflum i
sjávarútvegi okkar þar sem menn eru
ýmist í stórgróða eða stórtapi. En engu
að síður hefur verið ágæt sala í nýjum
búnaði frá Mustad undanfarið, þótt það
séu tiltölulega fáar útgerðir sem stunda
krókaveiðar eingöngu,“ sagði Gísli Ás-
geirsson markaðsstjóri Atlas í spjalli við
blaðið.
Gísli sagði að meðal þess sem kynnt
verður á svæði Atlas væru Palfinger
skipakranar og dælur frá Spáni. Þá kynna
skipasmíðastöðvar frá Spáni og Póllandi
sína starfsemi. Atlas hefur lengi boðið
fram plastbáta frá Awiboats í Færeyjum
og þeir verða meðal þess sem kynnt
verður. „Við bjóðum alla hjartanlega vel-
komna að koma og heimsækja svæðið
okkar á Sjávarútvegssýningunni," sagði
Gísli.
Atlas hf er fjölskyldufyrirtæki sem
stofnað var árið 1969 og hefur vaxið og
dafnað síðan. Fyrirtækið flytur einkum
inn stór tæki fyrir togara og önnur skip.
Pá hefur það utnboð fyrir skipasmíða-
stöðvar á Spáni og í Póllandi sem hafa
einkum annast viðgerðir og breytingar
fyrir íslenskar útgerðir. Pólverjar er
þekktir fyrir vera mjög færir í allri stál-
vinnu og þar sem kaupgjald hefur verið
lágt í landinu hafa þeir getað boðið gott
verð. Skipasmíðastöðvarnar þar eru nú
að komast í einkaeign og ýmis hagræð-
ing fylgir í kjölfarið. Nú hefur Atlas nú
haslað sér völl í útflutningi þar sem er
útflutningur á saltfiski til Spánar.
Atlas er til húsa að Borgartúní 24 í Reykjavílt
60 - Sjómannablaðið Víkingur