Náttúrufræðingurinn - 1936, Side 31
NÁTTÚRUFRÆÐINGURINN 187
Eftir ósk minni fór Sigurður Guttormsson í Vestmannaeyjum
aftur upp á Yztaklett 28. júní 1936, og mér til mikillar gleði fann
hann tvær minni háttar nýlendur af sæsvölu. Egg þau og fuglar,
sem hann var svo vænn að senda mér, töldust einnig öll til stærri
tegundarinnar.
Að dæma eftir þeirri þekkingu, sem við höfum nú til brunns að
bera, er stóra sæsvalan (Oceanodroma leucorrhoa) langtum al-
gengari varpfugl við eyjarnar en litla sæsvalan (Hydrobates pela-
gica), ef að sú litla verpir þar yfirleitt, en fyrir því eru engar
fullgildar sannanir ennþá. Stóra sæsvalan verpir áreiðanlega í
Yztakletti, í Elliðaey og Bjarnarey. Af sæfuglategundum, sem yf-
irleitt eiga sunnar heima, er litli svartbakur algengur sumargest-
ur í eyjunum, og að öllum líkindum verpir hann þar. Auk litla
svartbaks, hefir einnig silfurmáfur sézt í eyjum um varptímann.
Fyrir framtíðar fuglarannsóknir íslands hefði það talsverða
þýðingu, ef þeir Vestmanneyingar, sem þekkja vel fugla, hefðu
augun vel opin í framtíðinni fyrir þeim viðfangsefnum, sem hér
hefir verið hreyft, og athuguðu einnig, hvort nýjar tegundir bætt-
ust í hópinn. Lega eyjanna fyrir sunnan fsland, og hæð þeirra,
sem gerir það að verkum að þær sjást langa leið, dregur vitan-
lega til þeirra margar tegundir fugla, og þess vegna eru þær sér-
staklega vel fallnar til fuglafræðilegra athugana.
G. Timmermann.
Sauðnautafréttir.
Eg hefi nýlega fengið fregnir af sauðnautunum, sem flutt hafa
verið til Svalbarða og Noregs, í bréfi frá Adolf Hoel dósent, en
fyrir hans atbeina var það gert. Hann segir svo í bréfinu:
„Sauðnautin á Svalbarða eignuðust enn þá kálfa í vor, nú í
fimmta sinn, og hjörðin hefir aukizt mikið. Við vitum ekki með
vissu, hve mörg dýrin eru orðin, en í vetur sást hópur, sem í voru
30 dýr, og eg áætla, að þar muni vera alls um 40 dýr.
í Dofrafjöllum hefir ekki orðið annað tjón á dýrunum en slys-
ið í fyrra, og rétt nýverið hefi eg fengið tilkynningu um, að ein
kýrin hafi eignazt kálf í vor. Hún sást nú í haust, og öll dýrin,
sem enn eru á lífi, virðast þrífast ágætlega".
Um slysið á dýrunum segir svo í eldra bréfi frá sama manni:
„1 fyrra voru snjóalög mikil í Ðofrafjöllum, þar sem dýrin