Náttúrufræðingurinn - 1953, Blaðsíða 42

102
NÁTTtJRUFRÆÐINGURINN
24. nóvember: Jón Eyþórsson, veðurfræðingur: „Rannsóknarleiðangurinn á Vatna-
jökul, veturinn 1951“. Árni Stefánsson, bifvélavirki, sýndi kvikmynd, er hann gerði
af leiðangrinum. Ennfremur sýndi Guðmundur Einarsson, myndhöggvari, kvik-
mynd, er hann hafði gert á þessum slóðum.
Með erindunum voru sýndar skuggamyndir eða kvikmyndir, og um sum þeirra
ui-ðu nokkrar umræður. Að meðaltali sóttu 53 manns hverja samkomu.
Farnar voru 3 ferðir á sumrinu, og voru þær þessar:
7. júní: Farið í Heiðmörk og gróðursettar 1500 trjáplöntur, i landi, sem félag-
inu hafði verið úthlutað þar. Þátttakendur voru 23.
13. júlí: Fræðsluferð til Krísuvikur undir leiðsögn Guðmundar Kjartanssonar,
mag. scient. og Matthíasar Þórðarsonar, þjóðminjavarðar. Þátttakendur voru 33.
7. september: Fræðsluferð út í Viðey. Leiðbeinendur voru þeir Ingimar Öskars-
son, grasafræðingur, Steindór Steindórsson, menntaskólakennari og dr. Sigurður H.
Pétursson. Matthias Þórðarson, þjóðminjavörður, flutti erindi um sögu staðarins.
Þátttakendur voru 43.
Útgáfustarf semi
Félagsskýrslan. Skýrslurnar fyrir árin 1944—1946 komu út í einu lagi árið
1951. Voru þær skrifaðar af dr. Finni Guðmundssyni, og eru það siðustu skýrsl-
ur félagsins, sem gefnar eru út sérstaklega. Skýrslurnar fyrir árin 1947—1949,
skrifaðar af dr. Sigurði Þórarinssyni, birtust í Náttúrufræðingnum s.l. ár, og
skýrslur áranna 1950—1952 birtast nú hér. Næsta ár birtist svo skýrsla ársins 1953,
og er þess að vænta, að skýrslurnar birtist þannig reglulega á hverju ári eftirleiðis.
NáttúrufrœSingurinn. Utgáfa timaritsins „Náttúrufræðingurinn" hefur verið
með svipuðu sniði á árunum 1950—1952 og á undanförnum árum. Stærð og frá-
gangur texta og kápu er óbreytt, en bætt var við 2 myndasíðum s.l. ár. Er sérstak-
lega til þessara mynda vandað, og er ætlunin að birta þannig flokk mynda af is-
lenzkum fuglum, en siðan aðra flokka. Sér dr. Finnur Guðmundsson um útgáfu
þessa fyrsta flokks. Við það, að Náttúrufræðingurinn var gerður að félagsriti, leiddi
það af sjálfu sér, að skýrslur félagsins yrðu birtar þar. Skýrslur þessar hafa tekið
nokkuð mikið rúm núna fyrstu tvö árin, meðan verið var að vinna upp þær tafir,
sem orðið höfðu á útgáfu þeirra, en eftirleiðis mun skýrslan aðeins taka örfáar síður
í Náttúrufræðingnum ár hvert. Samkvæmt lögum félagsins skal og birta í Nátt-
úrufræðingnum félagatal 5. hvert ár, og verður það gert i fyrsta sinn næsta ár.
Sá einstæði atburður skeði í nóvember 1952, að mjög rausnarleg gjöf var gefin
til styrktar Náttúrufræðingnum. Var það Þorsteinn Kjarval, sem færði ritinu að
gjöf 45 þúsund krónur í peningum. Er fé þetta ávaxtað í sparisjóðsbók með 6%
vöxtum, og verður vöxtunum varið til þess sérstaklega að standa straum af mynda-
flokkum Náttúrufræðingsins, en höfuðstóllinn verður ekki skertur, nema mikið
liggi við.
Styrkir úr félagssjóði til útgáfu Náttúrufræðingsins hafa verið þessir: Árið 1950
kr. 3000,00, árið 1951 kr. 6000,00 og árið 1952 kr. 11000,00. Hefur útgáfukostnað-
urinn farið stöðugt vaxandi, m. a. vegna hins nýja myndaflokks. Ekki mun þó út-
gáfan verða dregin saman á neinn liátt, en reynt verður að finna nýjar leiðir til
spamaðar og tekjuöflunar. Undanfarin 6 ár hefur tímaritið verið prentað í Hóla-
prenti h.f., en um síðustu áramót var það flutt í prentsmiðju Leifturs h.f.
Ritstjóri Náttúrufræðingsins 1950—1952 hefur verið dr. Sigurður Þórarinsson,
en i fjarveru hans dr. Hermann Einarsson.