Fréttablaðið - 20.06.2009, Blaðsíða 24

32 20. júní 2009 LAUGARDAGUR
H
ér eru mikil tækifæri en
það þarf að leggja fram
skýra framtíðarsýn og
segja hvert við ætlum að
stefna. Það getum við. En við verð-
um að hugsa hlutina svolítið upp á
nýtt og nýta okkur tækifærin.“ Svo
mælir Kristín Pétursdóttir, for-
stjóri fjárfestingarfélagsins Auðar
Capital.
Hún hélt þrumandi erindi á fundi
Félags viðskiptafræðinga og hag-
fræðinga í vikunni þar sem hún
lýsti eftir framtíðarsýn, skýrri leið
úr rykmekki hrunsins.
Hún sagði aðild að Evrópusam-
bandinu (ESB) og upptöku evru á
næstu árum leið til þess að auka til-
trúa alþjóðasamfélagsins á Íslandi
á nýjan leik og reisa atvinnulífið við
í kjölfar þess að efnahagslífið fór á
hliðina í fyrrahaust.
Hún segir afturhvarf til sama
hugarfars og fyrir efnahagshrunið
það versta sem geti komið fyrir á
næstunni. Slíkt sé ekki ákjósanlegt
enda hafi skammtímahugsun og
ákveðið skeytingarleysi ráðið ríkj-
um. „Ég vona að það gerist ekki.
Við verðum að hugsa hlutina upp á
nýtt,“ segir hún.
Kristín hóf störf hjá Kaupþingi
árið 1997 og var aðstoðarforstjóri
Singer & Friedlander, banka Kaup-
þings í Bretlandi, þegar hún hætti
störfum hjá bankanum í árslok
2006.
Hún stofnaði Auði Capital ásamt
Höllu Tómasdóttur, fyrrverandi
framkvæmdastjóra Viðskiptaráðs,
fyrir tveimur árum.
Ný og sjálfbær hugsun
Kristín segir sjálfbærni í fyrir-
tækjarekstri það sem koma skuli
hér á landi. Hugtakið hefur verið
til í alþjóðlegum viðskiptaheimi
um nokkurra ára skeið. Hana rak á
land hér fyrir nokkru en ekki vakið
mikla athygli fyrr en fyrir nokkr-
um mánuðum.
Kristín lýsir sjálfbærum fyrir-
tækjum á þann veg að þau séu fjár-
hagslega arðbær, sýni samfélags-
lega ábyrgð og séu umhverfislega
meðvituð. Þau gangi um umhverfið
og samfélagið þannig að þau skerði
ekki möguleika komandi kynslóða.
Hættulegt sé þegar fyrirtæki leggi
byrðar á framtíðina, börnin. „Fyrir-
tæki mega ekki verða fjárhagslega
arðbær á kostnað framtíðarinnar,“
segir hún og bendir á að síðustu ár
hafi stjórnendur fyrirtækja í raun
og veru tekið út framtíðarhagnað
fyrirtækja með gríðarlegri skuld-
setningu. Sá hagnaður hafi í allt of
mörgum tilvikum ekki verið sjálf-
bær.
Hún bendir á að í venjulegum
fyrirtækjarekstri snúist allt um
að skila hluthöfum arði og sé það
skammtímahugsun. Hugmyndin um
sjálfbærni í fyrirtækjarekstri feli
hins vegar í sér langtíma arðsemi
þar sem líka sé hugsað um við-
skiptavininn, starfsmennina og
samfélagið sem fyrirtækið starf-
ar í.
„Þetta snýst um að hafa hags-
muni allra aðila að leiðarljósi í
fyrirtækjarekstri. Það er ekki hægt
að reka fyrirtæki með arðsemi hlut-
hafa eina að leiðarljósi,“ segir hún.
Neytendur vakna
Kristín segir neytendur orðna mjög
meðvitaða um sjálfbæra hugsun.
Þeir horfi til þess hvar vörur eru
framleiddar, hvort þær eru lífræn-
ar eður ei og við hvaða aðstæður
þær eru búnar til. Sem dæmi vilji
fáir orðið kaupa vörur sem unnar
eru hjá fyrirtækjum sem vitað er
að stundi barnaþrælkun.
„Öll þessi vitund er farin að
skipta neytendur miklu máli.
Þeir horfa ekki aðeins á verð og
gæði,“ segir Kristín og bætir við
að Íslendingar geti komið sterkir
inn í sjálfbæru vakninguna.
„Fyrirtæki verða að svara þess-
ari eftirspurn neytenda. Í þessu
felast viðskiptatækifæri þar sem
bæði hluthagar og samfélagið
hagnast,“ segir hún.
Samfélagsleg ábyrgð
„Heimurinn er allur að breytast,“
bætir hún við og vitnar til þess
að í fyrirtækjarekstri nútímans
sé samfélagsleg ábyrgð lykilorð-
ið. Það hafi áhrif á ímynd fyrir-
tækja sem geti skilað sér í aukn-
um viðskiptatækifærum.
Hún telur miklar líkur á að
mannauður framtíðarinnar, ungt
fólk, vilji fremur vinna hjá fyrir-
tækjum sem séu samfélagslega
ábyrg en hjá hinum sem hugsi ein-
göngu um hag hluthafa.
Styrkur í fjölbreytni
Hún segir engum blöðum um
að fletta að ákveðin einsleitni í
íslensku atvinnulífi hafi átt þátt í
því hvernig fór hér í haust. Mikil-
vægt sé að endurtaka ekki leikinn
og tjalda þá lengur en til einnar
nætur og reisa fleiri stoðir undir
hagkerfið en fyrir hrun.
„Íslendingar hafa ekki verið
mjög framsýnir. Hér hefur ríkt
vertíðarstemning þar sem gjarn-
an er horft eitt ár fram í tímann.
Við verðum að horfa lengra, jafn-
vel til tíu ára,“ segir hún.
Áhersla á byggingu álvera er
dæmi um einsleitnina. Hún telur
ekki skynsamlegt að bæta við
fleiri álverum, skynsamlegra sé
að selja raforku til tíu mismun-
andi minni fyrirtækja sem skapa
jafnmörg störf og eitt álver.
„Hér eru mjög mikið af áhuga-
verðum sprotafyrirtækjum og
fólki sem er að hugsa um spenn-
andi hluti. Það skiptir máli að
sprotarnir komast á legg og fái
að vaxa og dafna,“ segir Kristín.
Hún segir sprotafyrirtækin mörg
hafa goldið fyrir góðærið þar sem
þeim tókst ekki að keppa við há
laun í fjármálageiranum.
Auður Capital vinnur að stofn-
un fjárfestingarsjóðsins Bjark-
ar, sem fjárfestir í sprotafyrir-
tækjum sem komin eru á legg og
hafa náð ákveðnum áfanga. Stefnt
er að því að sjóðurinn muni hafa
yfir að ráða um tveimur milljörð-
um króna og fjárfesta til allt að
tíu ára.
„Það er margsannað að í efna-
hagslægð verða oft bestu hug-
myndirnar til en þá kennir neyðin
naktri konu að spinna.
Fólk neyðist til að hugsa út fyrir
boxið og í nýjum lausnum. Við það
verða til nýir hlutir og frjór jarð-
vegur verður til fyrir nýsköpun.
Bestu tækifærin verða til við þær
aðstæður,“ segir Kristín Péturs-
dóttir að lokum.
Forstjórinn sem boðar nýja hugsun
KRISTÍN PÉTURSDÓTTIR Á skrif-
stofu Auðar Capital er einn veggur
með myndum af öllum börnum
starfsfólksins. Það er auður
fyrirtækisins, að sögn Kristínar.
FRÉTTABLAÐIÐ/VILHELM
„Þetta gefur okkur byr undir báða
vængi og gerir okkur kleift að byggja
fræðslumiðstöð,“ segir Ruth Gylfa-
dóttir, stofnandi og stjórnarformaður
hjálparsamtakanna Enza.
Ruth var hæstánægð í gær en þá
hlutu samtökin styrk úr AlheimsAuði,
góðgerðasjóði Auðar Capital. Sjóður-
inn var settur á laggirnar í mars á
þessu ári og stefnt að því að veita úr
honum árlega. Það var gert í fyrsta
sinn í gær.
Auður Capital leggur eitt prósent
af hagnaði sínum í sjóðinn ásamt
frjálsum framlögum viðskiptavina.
Á sama tíma var Guðrúnu Margréti
Pálsdóttur, formanni og stofnanda
ABC barnahjálpar, veitt sérstök viður-
kenning fyrir ötult starf sem hefur
gefið um tólf þúsund börnum tæki-
færi til menntunar í fátækari löndum
heimsins síðastliðin 21 ár. Um sjö
þúsund stuðningsaðilar styðja börn á
vegum ABC í dag og stendur aðeins
einn aðili að baki hverju barni.
Hjálparsamtökin Enza, sem voru
sett á laggirnar fyrir tæpu ári, vinna
að því að styðja konur og stúlkur
í Mbekweni-fátækrahverfinu við
Höfðaborg í Suður-Afríku og hvetja
þær til athafna og frumkvæðis.
Ruth ólst að hluta upp þar í landi
og er nú búsett á Höfðasvæðinu,
sem er skammt frá Wellington og er
næsti bær við fátækrahverfið.
Stúlkurnar sem hjálparsamtökin
aðstoða eru stúlkur, allt niður í ellefu
ára gamlar, sem hafa orðið barns-
hafandi í kjölfar nauðgunar. Í sumum
tilvikum var gerandinn nánasti
ættingi stúlknanna, faðir eða bróðir.
Stúlkurnar bera sjálfar allar byrðar
af þessari hræðilegu reynslu og eru
oft nauðbeygðar til að yfirgefa eigið
samfélag í kjölfarið. Þangað eiga þær
ekki afturkvæmt. Oft eru þær ekki
heldur í aðstöðu til að halda börnum
sínum.
Hjálparsamtökin ProCare veita
stúlkunum húsaskjól á meðan á
meðgöngu stendur og tekur Enza
við móður og barni þegar barnið er
komið í heiminn.
Enza stóð í fyrra fyrir því að safna
fartölvum og kom Icelandair þeim
á áfangastað ásamt sængurfatnaði
sem Icelandair Hotels gaf samtök-
unum. Ruth segir tölvurnar hafa nýst
mjög vel og gera það að verkum að
stúlkurnar verða hæfari til að bjarga
sér sjálfar og standa á eigin fótum
síðar meir.
HJÁLPARSAMTÖK VERÐLAUNUÐ
FRÁ AFHENDINGUNNI Í GÆR Margrét Pálsdóttir frá ABC barnahjálp, Sigríður
Guðlaugsdóttir, talskona Enza á Íslandi, og Ruth Gylfadóttir, stofnandi Enza, taka á
móti styrknum úr hendi Guðrúnar Pétursdóttur, formanns AlheimsAuðar, og Höllu
Tómasdóttur, starfandi stjórnarformanns Auðar Capital. FRÉTTABLAÐIÐ/ARNÞÓR
Fyrirtæki og fjárfestar
hafa horft of skammt
fram á veg. Mikilvægt
er að skoða hlutina
upp á nýtt og innleiða
sjálfbærni í hugsun og
hátterni. Jón Aðalsteinn
Bergsveinsson ræddi við
Kristínu Pétursdóttur,
forstjóra Auðar Capital,
um framtíð lands og
þjóðar í tilefni af því að
fjárfestingarfélagið, sem
nýverið fagnaði tveggja
ára afmæli, afhenti í
fyrsta sinn úr samfélags-
sjóði sínum í gær.
FR
ÉT
TA
B
LA
Ð
IÐ
/A
R
N
ÞÓ
R
Íslendingar hafa ekki verið mjög
framsýnir. Hér hefur ríkt vertíðar-
stemning þar sem gjarnan er horft
eitt ár fram í tímann. Við verðum
að horfa lengra, jafnvel til tíu ára.