Fréttablaðið - 20.06.2009, Blaðsíða 48

6 FERÐALÖG
2004
DAGUR 1
Hjóluð Landmannaleið inn að
Landmannahelli.
Á
rið 2004 fengum við félag-
arnir þá hugmynd að búa
til árlega síðsumarsferð.
Hún varð að vera í lok
sumars, enda erum við flestir með
börn og eyðum sumarfríum með
fjölskyldunni,“ segir Benedikt Ingi
Tómasson, einn hjólagarpanna.
Hjólamassinn varð því til utan
um vinahóp og vini vina, sem allir
hafa það sameiginlegt að hafa
unun af hjólaferðum og skemmt-
anahaldi. Um þrjátíu manns hafa
farið í ferðirnar, en að jafnaði eru
þeir á bilinu fimmtán til tuttugu í
hverri ferð.
Ferðirnar hafa verið hverri
annarri eftirminnilegri, að sögn
Benedikts. Stundum hefur hópur-
inn komist í hann krappann, meðal
annars þegar stefnt var að því að
hjóla á Sveinstind frá Hólaskjóli.
Hjólað var að tindinum í nokkra
tíma í stanslausri snjókomu. Að
lokum var snúið við, enda átti
hópurinn á hættu að snjóa inni.
Naumlega tókst að koma bílnum
aftur að Hólaskjóli.
Þótt hópurinn fari upp um fáfar-
in fjöll og firnindi, í ýmiss konar
færð og veðrum, eru hverfandi
líkur á að kalla þurfi út björgunar-
sveitina hans vegna. Lendi menn í
vanda bjarga þeir sér sjálfir, enda
vill svo vel til að flestir þeirra eru
meðlimir björgunarsveita.
Oft hefur reynslan úr björgunar-
sveitunum komið sér vel. „Fyrsta
árið okkar, þegar við vorum að
koma niður á Mælifellssand í skíta-
veðri, keyrðum við fram á rennandi
blautan, ískaldan og villtan Spán-
verja. Hann hafði fest bílinn í á og
hafði ráfað tíu kílómetra frá bíln-
um. Hann var ekki með kort, ekk-
ert staðsetningartæki og almennt
illa búinn. Hann hefði örugglega
dáið þarna ef við hefðum ekki rek-
ist á hann. Við tókum hann upp í bíl-
inn okkar, fundum svo bílinn hans í
ánni og drógum hann upp.“
Þótt Hjólamassarnir séu flestir
í góðu líkamlegu formi er það ekki
algjört skilyrði fyrir þátttöku.
Trússbíll er alltaf með í för. Hinir
lötu og þreyttu, svo ekki sé talað
um þá ryðguðu eftir kvöldvökur á
milli átaka, geta valið að fara með
bílnum. Það þykir þó ekki sérstak-
lega hetjulegt. - hhs
Á hverju hausti fer félagsskapur hjóla- og skemmtanaglaðra ungra manna í
ævintýraför um landið sem þeir kalla Hjólamassann.
Lætur ekkert stöðva sig Benedikt Ingi Tómasson, viðmælandi Fréttablaðsins og talsmaður
hópsins, dembir sér ofan í á.
Smáslökun Trússbíll er alltaf með í för. Í honum fá þeir þreyttu og lúnu að sitja af og til.
UPPSKRIFTIR AÐ GÓÐUM FERÐUM HJÓLAMASSANS
DAGUR 2
Hjólað frá Landmannahelli fram
hjá Sátubarni upp Pokahryggi.
Hjólað niður í Reykjadali vestan
Hrafntinnuskers og niður að
Laufafelli og að Álftavatni. Farið
um Hvanngil inn Mælifellssand í
skálann Strút.
DAGUR 3
Hjólað frá Mælifelli út Mælifells-
sand og niður meðfram Öldufelli
og Öldufellsjökli sem gengur
norðaustur úr Mýrdalsjökli. Farið
hjá Hólmsárfossi og endað í
Hrífunesi.
2005
DAGUR 1
Hjólað upp Austurdal sem gengur
upp af Miðfirði og upp á Arnar-
vatnsheiði og að Arnarvatni stóra.
Snúið við vegna torfærðar. Planið
var að hjóla Skagfirðingaveg yfir
Stórasand inn á Kjöl og niður á
Hveravelli. Öllu pakkað í bílinn
og byrjað aftur við Blöndustöð.
Hjólað meðfram Blöndulóni niður
Kjöl og endað á Hveravöllum.
DAGUR 2
Hjólað frá Hveravöllum inn í Kerl-
ingafjöll.
DAGUR 3
Hjólað um Hrunamannaafrétt.
Farið frá Kerlingafjöllum um
Leppistungur fram hjá Svínárnesi
og nánast alla leið niður að Gull-
fossi austanmegin. Stoppað rétt
ofan við Tungufellsdal.
2006
DAGUR 1
Byrjað í Setrinu, skála 4X4, austan
við Kerlingarfjöll og sunnan við
Hofsjökul. Hjólað um Gnúpverja-
afrétt niður um Botna og yfir
Miklalæk. Hjólað um Gljúfurleit
á vesturbökkum Þjórsár. Komið
niður að Sultartangalóni og Sultar-
tangavirkjun og hjólað fram hjá
Bjarnalóni og Búrfelli og endað á
Ásólfstöðum.
DAGUR 2
Farið frá Hólaskógi fram hjá
Háafossi og Granna. Farið um
Fossölduver, sunnan við Geld-
ingarfell og niður í Tungufellsdal.
Farið yfir Hvítá við Brúarhlöð og
yfir Tungufljót við Fossavað og
endað í Úthlíð.
DAGUR 3
Hjólað frá Úthlíð upp að Miðfelli.
Farið að Högnhöfða og um Helli-
skarð og hjólað yfir Rótarsand og
endað við Hlöðufell.
2007
DAGUR 1
Hjólað frá Hólaskjóli í áttina að
Sveinstindi. Hjólað af stað en eftir
nokkra tíma af stanslausri snjó-
komu var ákveðið að snúa við,
enda hópinn að snjóa inni. Tókst
með naumindum að koma bílnum
aftur að Hólaskjóli.
DAGUR 2:
Hólaskjól – Þjóðvegur 1
Hjólað í suðurátt frá Hólaskjóli
eftir mikla snjókomu, endað við
þjóðveginn um það bil tuttugu
kílómetrum austan við Vík í Mýr-
dal.
2008
DAGUR 1
Hjólað úr Jökulheimum. Farið
yfir Tungnaá við Botnaver. Hjólað
um Tungnárfjöll upp á Breiðbak
norðan við Langasjó. Hjólað
um Skaftártunguafrétt fram hjá
Sveinstindi um Skælinga að
Hólaskjóli.
DAGUR 2
Farið frá Hólaskjóli að Álftavötn-
um. Hjólað um Álftavatnskróka
farið yfir Hólmsá og inn á Mæli-
fellssand. Hjólað fram hjá Mæli-
felli. Farið hjá Hvanngilskrókum
fram hjá Hattfelli og endað við
Markarfljót.
HETJUFERÐ Á HVERJU HAUSTI
Kafbylur Árið 2007 var ætlunin að hjóla á
Sveinstind. Snúið var við eftir margra tíma
stanslausa snjókomu, enda hópurinn við
það að snjóa inni.
Á hálendinu Hópurinn í
Kerlingarfjöllum árið 2005.