Fréttablaðið - 20.06.2009, Blaðsíða 6

6 20. júní 2009 LAUGARDAGUR
STANGVEIÐI Stofn stórlaxa á Íslandi
er enn í sögulegu lágmarki og hætt
á að stórlax hverfi að óbreyttu alveg
úr ám þar sem
honum er ekki
hlíft við veiði,
að því er segir í
ályktun Lands-
sambands veiði-
félaga (LV).
Aðalfundur LV
fól stjórn sam-
bandsins undir
forystu Óðins
Sigþórssonar for-
manns að kæra
til umhverfisráðherra þá ákvörðun
Skipulagsstofnunar að undanþiggja
umhverfismati eldi á norskum laxi.
„Aðalfundur LV samþykkti að vara
við stórfelldum áformum um sjókví-
aeldi á norskættuðum laxi í Dýra-
firði og átelja þá ákvörðun Skipu-
lagsstofnunar að undanþiggja eldið
umhverfismati þar sem um væri
að ræða erlendan, innfluttan laxa-
stofn,“ segir í ályktuninni.
Landssambandið hvetur veiði-
félög og leigutaka til átaks um að
veiðimenn sleppi stórlaxi og að um
það verði settar reglur. „Sigurður
Guðjónsson, forstjóri Veiðimála-
stofnunar, fjallaði um svokallaðan
stórlax í erindi á aðalfundinum, lax
sem verið hefur að minnsta kosti
tvö ár í sjó. Hann sagði að stór-
laxi hefði fækkað stórlega í flest-
um ám og veruleg hætta væri á að
laxinn hyrfi alveg á næstu áratug-
um. Veiðifélögum bæri skylda til að
grípa til aðgerða, til dæmis með því
að veiðimenn slepptu stórlaxi og að
netaveiði yrði tímastýrð,“ segir í
frétt frá LV. - gar
Landssamband veiðifélaga segir stórlaxa að hverfa og kærir eldi á norskum laxi:
Stórlaxinum verður að sleppa
SJÓKVÍAELDI Eldi á norskættuðum
laxi er varasamt, segir Landssamband
veiðifélaga.
ÓÐINN
SIGÞÓRSSON
Bílahreinsivörur
Þú sparar
4.590.-
TILBOÐ
2.990.-PAKKI 2Verð áður 7.580.-
DAGSKRÁ Hjólastóladans er meðal
þess sem boðið verður upp á í
skemmtidagskrá sem MND félag-
ið heldur í miðbæ Hafnarfjarðar í
tilefni af alþjóða MND-deginum á
morgun, sunnudag.
Dagskráin hefst á Thorsplani
í Hafnarfirði klukkan 14 með
hjólastólarallíi. Meðal annars
er keppt í svonefndum stjörnu-
flokki, þar sem þjóðkunnir
Íslendingar leysa þrautir sem fólk
sem bundið er við hjólastóla þarf
að glíma við alla daga ársins.
Milli klukkan 17 og 19 verður
boðið upp á skemmtun í Hafnar-
fjarðarleikhúsinu við Strandgötu.
Um kvöldið verða síðan tónleikar
á Thorsplani þar sem úrvals-
lið listamanna og hljómsveita
skemmtir gestum. - kg
Alþjóðlegi MND-dagurinn:
Hjólastóladans
og tónleikar
DANS Dansararnir Steven Fenech &
Mandy Ghio frá Möltu sýna hjólastóla-
dans í Kringlunni klukkan 12 í dag, til að
vekja athygli á MND-deginum.
ÚTIVIST Skátafélagið Landnemar
heldur í dag heimsóknardag á
skátamóti sínu í Viðey. Þangað
eru allir velkomnir og munu
gestir sem leggja leið sína í eyna
fá að kynna sér skátastörf og sjá
hvernig stemning er á stórum
skátamótum.
Meðal þess sem verður á dag-
skránni í Viðey eru ýmsir leikir,
til dæmis ratleikur og víkinga-
leikir, en deginum lýkur svo á
sólstöðuballi og söng. Ferja fer
í land rétt eftir klukkan 22. Þá
mun Kvennahlaup ÍSÍ verða
þreytt í fyrsta sinn í Viðey í dag.
Boðið verður upp á þriggja kíló-
metra langt hlaup. - þeb
Heimsóknardagur í Viðey:
Skátamót fyrir
almenning
Brot 256 ökumanna voru mynduð í
Hvalfjarðargöngum á einni viku, frá
11.-18. júní. Þarna er 70 kílómetra
hámarkshraði. Nítján óku á 90 kíló-
metra hraða eða meira, en sá sem
hraðast ók mældist á 103.
LÖGREGLUMÁL
Rúmlega 250 óku of hratt
STJÓRNMÁL Guðmundur Hálfdánar-
son sagnfræðingur segir að umræð-
an um Icesave-samninginn ætti
fyrst og fremst að snúast um það
hvort þörf væri á því að gera þenn-
an samning eða ekki. Umræðan
um að Íslendingar afsali sér að ein-
hverju leyti fullveldi með samn-
ingnum sé á misskilningi byggð því
afsal á fullveldisrétti sé ekki afleið-
ing af samningnum heldur afleiðing
hegðunar stjórnvalda, bankamanna
og þeirra sem ofurskuldsettu sig.
„Í þessari stöðu sem við erum
í þá erum við ekki alveg full-
valda, það að þurfa að leita á náðir
Alþjóðagjaldeyrissjóðsins skerðir
okkar fullveldi,“ segir hann. „Það
er alveg ljóst að okkar efnahags-
stefna er ekki fullkomlega í höndum
íslenskra stjórnvalda eins og sakir
standa heldur í höndum þeirra sem
veita okkur þetta lán. En það er ekki
Alþjóðagjaldeyrissjóðurinn sem
gerir það að verkum að við þurfum
að taka þetta lán heldur okkar eigin
hegðun. Það sama á við um Icesave-
samninginn, það eru ekki lánveit-
endur sem skerða fullveldi okkar
heldur hegðunin sem gerir það að
verkum að við skulum þurfa að
semja við þá. Það er að segja hegð-
un íslenskra stjórnvalda, sem áttu
að hafa eftir lit með því sem var að
gerast, bankamanna og einhverra
þeirra sem skuldsettu sig of mikið.
Það er þessi hegðun sem vegur að
fullveldinu nú.“
Hann segir að umræðan ætti
fyrst og fremst að snúast um það
hvort við þurfum virkilega að taka
lánið. „Þeir sem halda því fram að
við ættum að fara með málið fyrir
dómstóla hafa enn ekki sannfært
mig, því ég veit ekki fyrir hvaða
dómstól væri hægt að fara með
málið. En það er ekki svo að mér
hugnist lánið. Þetta eru náttúrlega
gríðarlegar upphæðir og það er það
sem vekur mér ugg fyrst og fremst.
Að öðru leyti tel ég, eftir því sem ég
hef heyrt, að þarna sé um eðlilegan
lánasamning að ræða.“
Jakob Möller hæstaréttarlögmaður
segist ekki geta séð að það styðjist
við nein lögfræðileg rök að með
samningnum séu Íslendingar að
afsala sér neinum hluta sjálfstæðis
síns eða fullveldis. „Það má ekki
gleyma minnisblaði fyrrverandi rík-
isstjórnar frá í október þar sem fjár-
málaráðherrann, fyrir hönd ríkisins,
viðurkenndi skyldu Íslendinga til að
greiða fyrir Icesave-skuldbinding-
arnar. Þáverandi forsætisráðherra
lýsti því einnig yfir opinberlega að
Íslendingar bæru ábyrgð á þeim.
Þetta er vandamálið. Samningarn-
ir nú eru um efndir á skuldbinding-
um Íslands,“ segir Jakob Möller.
jse@frettabladid.is
kjartan@frettabladid.is
Segir Íslendinga sjálfa
hafa skert fullveldið
Sagnfræðingur segir Icesave-samninginn ekki skerða fullveldi Íslendinga, það
hafi Íslendingar gert sjálfir. Hæstaréttarlögmaður segir samningana snúast um
efndir á skuldbindingum sem þáverandi ráðherrar hafi viðurkennt í október.
ÍSLENSKI FÁNINN BLAKTIR VIÐ HÚN
Guðmundur Hálfdánarson segir umræð-
una um að Íslendingar afsali sér að
einhverju leyti fullveldi með samningun-
um vera á misskilningi byggða.
GUÐMUNDUR
HÁLFDÁNARSON
SAMFÉLAGSMÁL Jón Rafn Valdimars-
son og Elín Rósa Guðmundsdóttir
fóru ekki hefðbundnar leiðir þegar
þau gengu í það heilaga á sjálfan
þjóðhátíðardaginn. Þau voru gefin
saman á golfvelli eftir að hafa
leikið holurnar átján.
„Ég hef aldrei þurft að ganga
svo langt til minna embættis-
verka,“ segir Hjálmar Jónsson,
dómkirkjuprestur, sem lét ekki sitt
eftir liggja og fór holurnar átján
ásamt hjónunum og fleiri kepp-
endum. „Nítjánda holan var síðan
hjónavígslan sjálf,“ segir hann
kankvís.
„Við ákváðum þetta tíu dögum
fyrir stóra daginn,“ segir Jón
Rafn. Þá rákust þau á séra Hjálm-
ar á Urriðakotsvelli í Garðabæ og
kvaðst hann hafa tíma, tök og vilja
til að ganga til verksins. Þegar
búið var að slá kúlur í átján holur
var slegið til veislu í skálanum við
völlinn. Jón Rafn lenti í fjórða sæti
í sjálfu mótinu. „Elín Rósa var eitt-
hvað aðeins neðar þó hún sé efst
hjá mér,“ segir Jón Rafn. „Prestur-
inn átti reyndar ekki sérlega góðan
dag en þó var stundum eins og að
hann fengi hjálp að ofan þegar
hann var kominn í klandur.“
Við athöfnina lagði séra
Hjálmar út af 23. Davíðssálmi
en hann hefst á þessa leið: Drott-
inn er minn hirðir, mig mun ekk-
ert bresta. Á grænum grundum
lætur hann mig hvílast ...“ Svona
er það með golfið, það leynist alls
staðar,“ segir guðsmaðurinn, sem
þótti sálmurinn eiga sérlega vel
við. - jse
Voru gefin saman á golfvelli eftir að hafa slegið átján holur með prestinum:
Giftu sig á nítjándu holunni
ÁST VIÐ NÍTJÁNDU HOLU Jón Rafn og Elín Rósa eru miklir golfunnendur eins og
presturinn sem gaf þau saman á Urriðakotsvelli þann 17. júní. MYND/EYJÓLFUR JÓHANNESSON
STJÓRNSÝSLA Skýringar við allar
greinar Icesave-samningana við
Hollendinga og Breta hafa verið
birtar á upplýsingavef stjórn-
valda, island.is. „Þar er samning-
urinn skýrður lið fyrir lið. Sömu-
leiðis eru fjölmörg lögfræðileg
hugtök og heiti skýrð eftir því
sem við á og sett í samhengi
alþjóðlegra samninga. Staldrað
er stuttlega við þau ákvæði samn-
ingsins sem teljast hefðbundin,
en reynt að skýra með nákvæm-
ari hætti þau sem telja má að
skipti Ísland sérstöku máli. Sér-
staklega er vikið að þeim atriðum
sem mjög hafa verið til umræðu
svo lögum og lögsögu og friðhelgi
og fullveldi,“ segir í tilkynningu
forsætisráðuneytisins. - gar
Upplýsingavefur stjórnvalda:
Icesave útskýrt
á íslensku máli
EFNAHAGSMÁL Í nýju frumvarpi
sem Ragna Árnadóttir dómsmála-
ráðherra lagði fyrir ríkisstjórn-
ina í gær er lagt til að þrír sjálf-
stæðir saksóknarar verði skipaðir
við hlið sérstaks saksóknara.
Einnig er í frumvarpinu lagt til
að skipaður verði sérstakur rík-
issaksóknari sem muni starfa við
hlið sitjandi ríkissaksóknara og
sinna málum sem snúa að rann-
sókn bankahrunsins.
Ekki er ljóst hvort frumvarpið
verði afgreitt á sumarþingi. Gert
er ráð fyrir að auglýst verði í þau
fjögur embætti sem um ræðir. - kg
Frumvarp dómsmálaráðherra:
Leggur til skip-
un sjálfstæðra
saksóknara
Hefur þú prófað kannabisefni?
Já 32,8%
Nei 67,2%
SPURNING DAGSINS Í DAG
Ætlar þú að ferðast innanlands
um fyrstu helgina í júlí?
Segðu skoðun þína á Vísir.is
JAKOB MÖLLER
KJÖRKASSINN