Fréttablaðið - 20.06.2009, Blaðsíða 70
50 20. júní 2009 LAUGARDAGUR
sport@frettabladid.is
PEPSI-DEILD KARLA
Besta frammistaða leikmanna í 1. til
7. umferð Pepsi-deildar karla.
Steinþór Freyr Þorsteinsson Stjarnan
7 leikir 7,57 í meðaleinkunn
Valur Fannar Gíslason Fylkir
6 leikir 7,0
Arnar Már Björgvinsson Stjarnan
4 leikir 7,0
Atli Guðnason FH
7 leikir 6,86
Daði Lárusson FH
7 leikir 6,71
Jónas Guðni Sævarsson KR
7 leikir 6,71
Daníel Laxdal Stjarnan
7 leikir 6,57
Hjörtur Logi Valgarðsson FH
7 leikir 6,57
Ásgeir Gunnar Ásgeirsson FH
6 leikir 6,5
Lasse Jörgensen Keflavík
7 leikir 6,43
Alen Sutej Keflavík
7 leikir 6,43
Kristján Valdimarsson Fylkir
7 leikir 6,43
Einar Pétursson Fylkir
7 leikir 6,43
Bjarni Guðjónsson KR
7 leikir 6,43
Halldór Orri Björnsson Stjarnan
7 leikir 6,43
Lægsta meðaleinkunn. Lágmark 4
leikir spilaðir.
Þórarinn B. Kristjánsson Grindavík
5 leikir 4,2
Joe Tillen Fram
5 leikir 4,2
Óli Baldur Bjarnason Grindavík
4 leikir 4,25
Pape Mamadou Faye Fylkir
7 leikir 4,29
Olgeir Sigurgeirsson Breiðablik
6 leikir 4,33
Matthías Guðmundsson FH
5 leikir 4,4
Árni Kristinn Gunnarsson Breiðablik
5 leikir 4,4
Besta frammistaða liða:
Stjarnan 6,24
FH 6,16
Fylkir 5,9
Keflavík 5,78
KR 5,58
ÍBV 5,4
Þróttur 5,38
Breiðablik 5,36
Valur 5,27
Fram 5,23
Fjölnir 5,19
Grindavík 5,13
> Pepsi-deildin á fullu um helgina
Það er skammt stórra högga á milli
hjá knattspyrnustrákunum en áttunda
umferð Pepsi-deildarinnar hefst á
sunnudag með fjórum leikjum. Fram og
KR hefja leik á Laugardalsvelli klukkan
16.00. Hinir þrír leikir dagsins hefjast
svo allir klukkan 19.15. Þá tekur FH á
móti Þrótti, Keflavík fær Fjölni í heim-
sókn og Grindvíkingar heimsækja
Fylkismenn. Lokaleikir umferðarinnar
eru svo á mánudag en þá sækir ÍBV lið
Vals heim og Breiðablik tekur á móti
Stjörnunni. Leikjunum verður öllum lýst
beint á Boltavakt Vísis og Fréttablaðsins.
Fylkir vann á fimmtudag einhvern ótrúlegasta sigur í sögu
íslenskrar knattspyrnu er liðið mætti Stjörnunni í 32 liða úrslitum
VISA-bikars karla.
Lið Fylkis var nær meðvitundarlaust í upphafi leiks og lenti
fljótlega þrem mörkum undir. Héldu margir þá að dag-
skránni væri lokið en leikmenn Fylkis voru ekki þar á meðal.
Þeir spýttu heldur betur í lófana og svöruðu mörkunum
þremur frá Stjörnunni með sjö mörkum og unnu ótrúlegan
stórsigur, 7-3.
„Strákarnir rifu sig upp á rassgatinu og keyrðu svo yfir
Stjörnuna. Strákarnir sýndu enn og aftur að þeir hafa
mikinn karakter og það var frábært að verða vitni að þessu.
Þetta hefur verið frábær skemmtun fyrir áhorfendur sem og
leikmenn að fá að upplifa þetta. Þessi leikur sýndi svo ekki
verður um villst að það er allt hægt í fótbolta,“ sagði Ólafur
Þórðarson, þjálfari Fylkis, en hann hefur heldur betur komið
með ferska strauma í Árbæinn.
Liðið er ekki bara komið í sextán liða úrslit í bikar-
keppninni heldur situr það þess utan í fjórða sæti Pepsi-
deildarinnar, hefur unnið fjóra leiki, gert tvö jafntefli og aðeins
tapað einum leik. „Ég þakka strákunum þetta góða gengi.
Þeir eru duglegir, leggja sig fram og vilja ná árangri. Það er
nákvæmlega það sem þetta snýst um. Okkur gekk vel í undir-
búningsmótunum og þessi spilamennska er bara beint fram-
hald af því sem við vorum að gera í vor. Það er samt mikið
eftir af mótinu og spurning hvort þessir ungu strákar
halda þetta út,“ sagði Ólafur sem hrósar strákunum
sínum í hástert og segist ekki hafa neina trú á öðru en að
þessir strákar muni spýta í lófana þegar á móti blæs.
Ólafur er gamall refur í boltanum og kemur aftur
inn í þjálfunina eftir árshlé en þar áður var hann
á hliðarlínunni hjá Fram. Er hann mikið breyttur
sem þjálfari?
„Það eru alltaf ákveðnar áherslubreytingar
hjá manni á hverju ári. Maður er alltaf að spá og
spekúlera í því sem maður er að gera. Maður róast
og þroskast með aldrinum, hægt og rólega reyndar,“
sagði Ólafur léttur.
ÓLAFUR ÞÓRÐARSON: ER AÐ GERA FRÁBÆRA HLUTI MEÐ HIÐ UNGA OG EFNILEGA LIÐ FYLKIS
Maður þroskast hægt og rólega í þessu starfi
FÓTBOLTI Steinþór Freyr Þorsteins-
son er leikmaður fyrstu sjö umferða
Pepsi-deildar karla að mati blaða-
manna Fréttablaðsins. Leikmönn-
um er gefin einkunn fyrir frammi-
stöðu sína í hverjum leik og fékk
Steinþór langhæstu meðaleinkunn-
ina fyrir fyrsta þriðjung mótsins
eða 7,57. Óvenjulegt er að leikmenn
séu með yfir sjö í meðaleinkunn.
Hann segist vissulega sáttur
við frammistöðu sína og liðsins til
þessa en Stjarnan er í öðru sæti
deildarinnar, aðeins tveimur stig-
um á eftir toppliði FH. Liðið hefur
aðeins tapað einum leik í deildinni
í vor en féll reyndar úr leik í bikar-
keppninni í fyrradag eftir stórt tap
fyrir Fylki, 7-3.
„Þessi leikur var eins og gott
sirkusatriði,“ sagði hann í léttum
dúr. „Við byrjuðum á því að skora
þrjú og þá hélt ég að við ætluðum
að valta yfir þá. En svo fengum við
þetta allt í andlitið aftur.“
En hann hefur litlar áhyggjur af
því að úrslit þessa leiks hafi áhrif á
gengi liðsins í deildinni. „Ég held að
þetta kenni mönnum að það dugar
ekki að vera 3-0 yfir. Leikurinn er
þar með ekki búinn.
Við fengum líka svona stóran
skell á okkur skömmu fyrir mót er
við töpuðum fyrir HK, 6-1, og svo
töpuðum við aftur nokkuð stórt
fyrir FH, 5-1.
Alltaf höfum við náð að koma
sterkir til baka og ég held að við
munum ekki dvelja lengi við þetta
tap heldur.“
Næsti leikur Stjörnumanna
verður gegn Blikum á mánudaginn
en Steinþór er uppalinn hjá Breiða-
bliki. Hann gekk til liðs við Stjörn-
una nú í vetur.
„Ég er mjög spenntur fyrir
þessum leik. Ég varð líka fyrir
nokkrum tæklingum í gær og bað
til guðs að ég myndi ekki meiðast.
Þetta verður örugglega skrýtinn
leikur fyrir mig.“
Steinþór fékk mismikið að spila
með Breiðabliki á sínum tíma og
óhætt að segja að hann hafi fundið
sig vel hjá nýju félagi. „Dæmin hafa
sýnt að oft þarf að skipta um félag
til þess að leikmaður fái tækifæri
til að sýna sitt rétta andlit. Stjarnan
spilar allt öðruvísi knattspyrnu en
Breiðablik og sú hentar mér miklu
betur. Ég fæ mikið frelsi í Stjörn-
unni og er með fljóta kantmenn
sem gera mér lífið mjög auðvelt. Í
Breiðabliki var ég oftast settur á
kantinn þar sem ég naut mín ekki
jafn vel.“
Steinþór verður 24 ára gamall á
árinu og viðurkennir að hann vildi
gjarnan fá tækifæri til að gerast
atvinnumaður. „Það hefur alltaf
verið draumurinn að komast út.
Sagan hefur sýnt að þegar menn
standa sig vel fá þeir tækifæri. Ég
mun allavega gera allt sem í mínu
valdi stendur til að láta það gerast.“
eirikur@frettabladid.is
Draumurinn að fá
tækifæri erlendis
Steinþór Freyr Þorsteinsson er besti leikmaður fyrstu
sjö umferða Pepsi-deildar karla að mati Fréttablaðsins.
Hann fékk hæstu meðaleinkunn allra í deildinni.
FRÁBÆR Steinþór Freyr Þorsteinsson hefur algjörlega farið á kostum í spútnikliði
Stjörnumanna í sumar. FRÉTTABLAÐIÐ/ANTON
KÖRFUBOLTI Körfuknattleiksdeild
Stjörnunnar hefur gengið frá
samningi við Bandaríkjamann-
inn Justin Shouse um að hann
spili áfram í herbúðum félagsins
á næstu leiktíð. Hann mun einnig
þjálfa áfram hjá félaginu.
Stjarnan hafði áður gengið
frá nýjum tveggja ára samningi
við Makedóníumanninn Jovan
Zdravevski. - hbg
Gleðitíðindi fyrir Stjörnuna:
Shouse áfram í
Garðabænum
SHOUSE Spilar áfram í Garðabænum.
FRÉTTABLAÐIÐ/STEFÁN
MasterCard
Mundu
ferðaávísunina!