Samvinnan - 01.10.1963, Blaðsíða 3

Aðalfundur Stéttarsambands bænda var haldinn snemma í síðasta mán-
uði, ogf að þessu sinni í Bændahöllinni, hinni glæsilegu byggingu bænda-
samtakanna í Reykjavík. Sóttu fundinn nærri fimmtíu fulltrúar úr öllum
héruðum landsins, auk margra gesta. Þar eð hagur bænda undanfarin ár
hefur farið mjög versnandi miðað við kjör annarra stétta, höfðu ýmsir
búist við að þessi fundur yrði róstusamur, en það fór á aðra leið. Bændur
ræddu mál sín af stillingu að vanda, enda þótt réttlát gagnrýni kæmi fram
á því misrétti, sem þeir hafa orðið fyrir síðastliðin ár. — Af störfum eða
ályktunum fundarins verður ekki sagt hér, enda hefur það löngu verið
gert bæði í útvarpi og dagblöðum. Hér birtum við hins vegar nokkrar mynd-
ir, sem Kári Jónasson tók á fundinum fyrir Samvinnuna. Á efstu myndinni
sést hin nýkjörna stjórn Stéttarsambandsins, talið frá vinstri: Einar Ól-
afsson, Lækjarhvammi, Páll Diðriksson, Búrfelli, Gunnar Guðbjartsson,
Hjarðarfelli, formaður, Vilhjálmur Hjálmarsson, Brekku og Bjarni Hall-
dórsson, Uppsölum. Á næstu tveimur myndum sjást nokkrir þingfulltrúa,
en á myndinni til vinstri er Sverrir Gíslason, Hvammi, fyrrv. formaður
Stéttarsambandsins, en hann lætur nú af störfum að eigin ósk. Sverrir
hefur verið formaður sambandsins undanfarin 18 ár og tvímælalaust átt
meiri þátt í að móta það og efla en nokkur annar maður, enda þótt margir
aðrir hafi átt þar góðan hlut að máli.
SAMVINNAN 3