Samvinnan - 01.09.1974, Blaðsíða 12
$ Samvinnan
heimsækir Kaupfélag Héraðsbúa og ræðir
við Þorstein Sveinsson, kaupfélagsstjóra
Menn urðu
að taka höndum
saman
Kirkjan á Egilsstöðum er nýtízku-
leg og setur svip á staðinn.
Svipmynd úr gamla mjólkursam-
laginu á Egilsstöðum. Nú er bygg-
ing nýs mjólkursamlags hafin.
„Á Egilsstöðum var um eitt
skeið sveitaverzlun, fyrst pönt-
unarfélag, síðan einkafyrir-
tæki. Nú er i landi þeirrar
jarðar fyrirhugað að mynda
þorp, — víst báðum megin veg-
ar austur af bænum. Fær það
hið fegursta umhverfi með
hlíðar og hóla skógarins að
baki, en Fljótið og umhverfi
þess fram undan . . .“
Þannig kemst Gunnar skáld
Gunnarsson að orði í Árbók
Ferðafélags íslands, sem út
kom lýðveldishátíðarárið 1944.
Þrjátíu árum siðar er risið
á þessum stað myndarlegt
kauptún með hátt á níunda
hundrað íbúa. Það vekur undr-
un aðkomumanns, að hinn
blómlegi bær í sínu undurfagra
umhverfi skuli ekki vera eldri
en raun ber vitni.
Friður og ró hvíldi yfir bæn-
um, þegar Samvinnan flaug
austur sólríkan júlídag á því
herrans þjóðhátíðarári 1974 til
að kynna sér starfsemi Kaup-
féiags Héraðsbúa á Egilsstöð-
um og Reyðarfirði.
Kaupfélag Héraðsbúa stend-
ur á gömlum merg. Það var
stofnað árið 1909 og er því 65
ára á þessu ári. Fyrsti kaup-
félagsstjóri þess var Jón Bergs-
son, en árið 1916 tók sonur
hans við, Þorsteinn Jónsson,
og annaðist rekstur félagsins
af alkunnum skörungsskap og
reisn samfleytt í 44 ár. Árið
1960 varð Björn Stefánsson
kaupfélagsstjóri og gegndi
starfinu, þar til núverandi
kaupfélagsstjóri, Þorsteinn
Sveinsson, tók við því.
Þorsteinn tók á móti okkur
á flugvellinum, ók með okkur
í jeppa sínum til Egilsstaða og
sýndi okkur bæinn í glamp-
andi sólskini. Staldrað var við
hjá kirkjunni, sem er nýtízku-
leg í hæsta máta, smekklega
innréttuð og setur svip á stað-
inn. Við nýtt verzlunarhús
kaupfélagsins voru vinnupall-
ar, og þar stóð Hringur Jó-
hannesson, listmálari, og vann
að mikiili veggskreytingu.
Þetta er mósaikmynd, um
þrjátíu metrar að lengd og