Samvinnan - 01.09.1974, Blaðsíða 26

Verðlauna-
krossgáta
Samvinnunnar
Lausn þessarar krossgátu er vísa, sem
falin er í tölusettu reitunum (1-70). Þeg-
ar búið er að ráða gátuna eins og venju-
lega krossgátu, er stöfunum í númeruðu
reitunum raðað saman og þá fæst vísan,
sem er lausn gátunnar. Veitt verða ein
verðlaun, 1000 krónur, og nægir að senda
vísuna á blaði ásamt nafni og heimilis-
fangi sendanda. Utanáskrift er: Samvinn-
an, Suðurlandsbraut 32, Reykjavík.
VÍSNASPJALL
Sumarið hefur verið gott og fagurt og
geta því ugglaust margir tekið undir með
Þorsteini Erlingssyni, er hann kveður
þessa dýru sólarlagsvísu:
Sléttu bæði og Horni hjá,
heldur Græðir anda,
meðan hæðir allar á
aftanklæðum standa.
En senn svífur haustið að, vetur geng-
ur í garð og þá skilst vel, hvernig séra
Birni Halldórssyni í Sauðlauksdal var
innanbrjósts, er hann kvað þessa skamm-
degisvísu:
Girnast allar elfur skjól
undir mjallarþaki.
Þorir varla að sýna sól
sig að fjallabaki.
Tvíræðar vísur eru jafnan vel þegnar,
og hér kemur ein af því taginu. Bóndi
nokkur var við silungsveiðar uþpi á heiði
og saltaði aflann. Hann hafði lofað konu
sinni að senda henni nýjan silung, ef
ferðamenn ættu leið hjá. Nú brá svo við,
þegar hann var að fara til þess að vitja
um netin, að tveir ferðamenn áttu leið
hjá. Notaði hann því tækifærið og sendi
konu sinni silung, þótt hann ætti engan
nýjan — og þessar línur með:
Úr því nú er ágæt leið,
elsku hjartans vina,
sendi ég þér salta reyð,
seinna færðu hina.
Sigurður Pétursson er bjartsýnn og
æðrulaus, en hann kveður um illkynjað
fótarmein:
Þótt ég fótinn missi minn,
mín ei rénar kæti,
hoppað get ég í himininn
haltur á öðrum fæti.
Það mun hafa verið fyrir um hálfri öld
eða laust eftir að tilbúinn áburður kom
fyrst til landsins, að á einum bæ á Aust-
fjörðum var verið að dreifa áburði á tún-
Gamalli húsfreyju á bænum þótti lítið til
nýjungarinnar koma. Og þegar henm
hafði verið sagt, að þessi hreinu og fallegu
smákorn væru að mestu unnin úr loftinu,
heyrðist gamla konan tauta:
Mörg sú nú er ráðin rún,
sem rökkrið áður faldi.
Guðs frá englum tað á tún
taka þeir með valdi.
Margir hafa gaman af að botna vísur,
og skulum við því slá botninn í þetta
hefti Samvinnunnar með þvi að birta
fyrripart. Honum fylgir áskorun til allra
hagyrðinga um að bregðast nú vel við og
senda okkur botn með fyrstu ferð:
Ef ég lítinn óskastein
ætti í fórum mínum.
26