Samvinnan - 01.04.1984, Qupperneq 30

Aðalfundur Samvinnubankans:
100 % aukning hlutafjár með
útgáfu jöfnunarhlutabréfa
Aðalfundur Samvinnubankans
fyrir starfsárið 1983 var haldinn
að Hótel Sögu laugardaginn
24. mars s. 1. Fundarstjóri var kjörinn
Hörður Zóphaníasson, skólastjóri, en
fundarritari Margeir Daníelsson, hag-
fræðingur. Formaður bankaráðs, Erl-
endur Einarsson, forstjóri flutti að
venju mjög ítarlega skýrslu um starf-
semi bankans á s. 1. ári auk þess sem
hann rakti þróun efnahags- og pen-
ingamála á árinu 1983.
Kom þar meðal annars fram, að
áframhald hefði orðið á þeim sam-
drætti í þjóðarbúskapnum, sem hófst
á árinu 1982 og ætti einkum rætur að
rekja til minnkandi framleiðslu sjá-
varafurða. Með sama áframhaldi
stefndi í ennþá meiri samdrátt en á erf-
iðleikatímabilinu 1967/1968 og hefði
mönnum þá þótt nóg um. Allar
aðstæður væru nú mun erfiðari en árin
þar á eftir.
Hins vegar taldi hann, að efnahags-
aðgerðirnar á s. 1. ári hefðu skilað
skjótum árangri í baráttunni við verð-
bólguna og stuðlað að meiri stöðug-
leika í allri efnahagsstarfsemi.
Tekjusamdrátturinn á liðnu ári
hefði óumflýjanlega komið þungt
niður á láglaunafólkinu. Því hefði að
undanförnu verið unnið að lausn
þeirra mála, þótt alltaf mætti betur
gera.
Erlendur kvað það trú sína og von,
að hægt væri að tryggja hinum verr
settu þjóðfélagsþegnum viðunandi
kjör ef allir samningsaðilar í þjóðfé-
laginu legðust á eitt þar um.
Hvað stöðu atvinnuveganna varð-
aði virtist einsýnt, að undirstöðu-
atvinnuvegirnir, sjávarútvegur og
landbúnður, ættu erfiða tíma fram-
undan, en starfsskilyrði iðnaðar
hefðu aftur á móti snúist til betri
vegar. Ljóst væri hinsvegar, að næg
atvinna og batnandi lífskj ör hér á landi
yrðu ekki tryggð á komandi tímum
nema með aukinni iðnvæðingu og
framleiðslu. Til þess að svo mætti
verða þyrfti að skapa iðnaðinum betri
starfsskilyrði en áður.
30
Þróun peningamála kvað formaður
hafa mótast af áframhaldandi rýrnun
lausafjárstöðu innlánsstofnana og
miklum greiðsluhalla ríkissjóðs.
Miðað við þann tekjusamdrátt, sem
orðið hefði í þjóðfélaginu mætti þróun
inn- og útlána samt teljast viðunandi.
Þá taldi hann, að vaxtalækkanir á
s. 1. ári hefðu tvímælalaust bætt
greiðslustöðu atvinnuvega og einstak-
linga. Nú væri í fyrsta sinn um árabil
hægt að tala um jákvæða raunvexti, og
hlyti slík þróun þegar frammí sækti að
efla sparnað og stuðla að auknu jafn-
vægi á lánsfjármarkaði.
Þessu næst vék formaður að starf-
semi Samvinnubankans.
Miðað við allar aðstæður hefði
rekstur bankans á árinu 1983 gengið
vel, þótt ýmsar ytri aðstæður hefðu
haft neikvæð áhrif á þróun innlána.
Staðreyndin væri sú, að bankinn stæði
á krossgötum og miklir umbrotatímar
væru framundan. Þjónustusvið bank-
ans hefði aukist og í garð væri að ganga
allsherjar tæknivæðing á sviði tölvu-
mála.
• Heildarvelta
Fjármagnsstreymið gegnum bankann
eða heildarveltan nam á árinu 29.1
miljarði kr. ogjókst um 73.3%. Færslu
og afgreiðslufjöldi var 3.1 miljón og
hafði vaxið um 7.6%. Viðskiptareikn-
ingar voru í árslok orðnir 74.199 og
fjölgaði um 3.972.
Starfsmenn við bankastörf voru 183
í árslok, þar af 29 í hlutastarfi.
Pétur Erlendsson aðstoðarbankastjón (
Samvinnubankans ásamt Geir Magnús-
syni, seni ráðinn hefur verið eftirmaður
Kristleifs Jónssonar bankastjóra, en hanU
mun láta af störfum vegna aldurs í lo^
þessa árs.
J