Andvari - 01.04.1960, Page 26

ÓLAFUR JÓH. SIGURÐSSON:
ÞRJÚ KVÆÐI
AÐ LAUFFERJUM
Frá brostnum turni og brunarúst
þér búið yður að fara
yfir blakka elfi með blóð í streng,
sem beljar djúp milli skara.
Hún þeytir löðri á þögla jörð,
og þungleg brýzt hún og niðar.
En stjarna glóir, og gamalt tungl
slœr geislum á ferjur yðar.
Á ferjur yðar? Á fáein lauf,
sem feyktust hingað í vindum,
af fölri lilju, af feigri rós
hjá fornum brunnum og lindum.
Hvað stoða minjar um morgunilm
á meðal linda og brunna?
Hin blakka elfur með blóð í streng
þeim blöðum sökkvir til grunna!
Hún brýzt og kafar við klofinn turn
með kalda hylji og bitra.
En litlar ferjur af lilju og rós
í Ijóma kvöldhimins titra: