Stúdentablaðið - 01.12.1957, Síða 37

STÚDENTABLAÐ
27
þegar sólskin er eða hlýtt í veðri, þrjár klst. í senn
þrjá daga í röð. Síðan þynnt út í vínanda og vatni og
tekið inn.
Og að lokum þetta þrennt: Ef þú þyrftir nú skyndi-
lega á tvö hundruð króna Iáni að halda hjá kunningja
þínum, þá berðu þig svona að: Fáðu þér muskatduft
og taktu það inn með salti og sírópi, og mun þér auk-
ast áræði og kjarkur. A leiðinni skaltu hafa í munn-
inum dágóðan skammt af engifer (Zingiber offici-
nale), því að það hefir þá góðu náttúru, að orð þess
manns, sem borðar það, verða þeim, sem á hlýða,
kærkomin og ljúf. í þriðja lagi þetta: Nú kynni svo
að fara, að þú hefðir „timburmenn“, þegar tvö-
hundruðkallinn væri horfinn úr veskinu. í því tilfelli
skaltu fá þér nokkrar fjólur (Viola), kremja þær og
ná úr þeim safanum, blanda hann síðan eftir hlutfall-
inu 1:2:2 með vínediki og hunangi. Eftir þessa inn-
töku hverfa „hinir illu andar“.
19. nóvember 1957.
BOLLI ÞÓRIR GÚSTAVSSON stud. theol.:
Hvort erum við þursar?
Sú er skoðun allflestra, er nám stunda við Háskóla
íslands, að næsta lítils félagsþroska gæti innan þeirr-
ar stofnunar. Helzt sé þar um stj órnmálaáhuga að
ræða, fyrst á haustum. Flapurfimi sé þreytt í andlitl-
um kosningaritlingum, kátlegri eftiröpun þeirra
spilltu málgagna stjórnmálaflokkanna, sem vefa
landslýðnum blekkingarhjúp á degi hverjum. En að
afstöðnum kosningum séu loforðin gleymd og grafin,
þessi litla sápukúla sprungin. Hneykslun gagnrýn-
enda nær sjaldan lengra en til fjargviðris og lítillar
báru, sem brotnar við barm kaffibollanna í litlum
kunningjahópi. A ekkert er bent, sem til úrbóta megi
verða. Þessir menn liggja á liði sínu eins og ormar á
gulli.
í haust örlaði fyrir skímu, er boðaður var stofn-
fundur stúdentakórs. Ekki er séð, hvernig starf hans
muni blessast, en óskandi er, að skíman megi verða
að skæru ljósi.
Stúdentum er öllum kunnugt um, að innan veggja
skólans er kapella. Er hún vel úr garði gerð og veg-
legur helgidómur. Hafði Nessöfnuður kapelluna
leigða til helgihalds, þar til á þessu ári, er kirkja
safnaðarins var fullgerð og tekin í notkun. Nú er kap-
ellan einungis notuð af guðfræðistúdentum. Eiga þeir
þar stuttar helgistundir á morgnum. Þá fer þar fram
kennsla í messugjörð og að lokum má geta þess, að
guðfræðideildin starfrækir þar sunnudagsskóla fyrir
börn úr nágrenni Háskólans.
Háskólaborgarar, að guðfræðistúdentum undan-
skildum, koma sjaldan eða aldrei í guðshús þetta,
nema ef þeir láta vígjast þar í heilagt hjónaband eða
þurfa að bera börn sín að skírnarlauginni.
Meðinþorri íslendinga er vígður kristninni í skírn,
en oftla ná trúarafskipti manna ekki lengra. Á seinni
tímum hefur kristin trú átt erfitt uppdráttar hér á
landi. Vísindunum fleygir fram í heiminum og í stað
þess að byggja allt það starf, sem þeim er tengt, á
kristilegum grundvelli, nota þau í þágu kærleikans,
hafa menn varpað kristinni trú fyrir borð og starfa
eftir eigin duttlungum og taumlausri valdafíkn. Þess
vegna hvílir helköld feigðarloppa ófriðar og tortím-
ingar yfir heiminum í dag.
Angurgapar vilja tolla í tízkunni og hyggja, að það
sé augljóst þroska- og menningarmerki að halda sig
undir skikkjulafi efnishyggjunnar. Hún er í þeirra
augum alvöld vizkugyðja, sem sveiflar sprota sínum
og sveipar um þá gáfnaljóma.
Þeir, sem stunda hér háskólanám, eru engin undan-
tekning frá þessu. Kristindómurinn er of mörgum
þeirra fjarlægt hugtak. Menn fylgjast heldur með
gangi gervitungla og dýrka breyska hjáguði, sem lýsa
blessun sinni yfir hvers kyns siðblindu. Sigurður
Guðmundsson skólameistari sagði þessi orð um ungu
kynslóðina í hugvekjustúf, er hann flutti árið 1915:
. . . „Fjörlogar hennar verða, að nokkru, að rasa og
rása. En lengi má hún eigi gleyma, að eldar hennar
geta orðið að háska-báli, er breyta veglegustu hugar-
höllum í brunarúst. Lengi má enginn æskumaður
gleyma því, að verstu fjendur hans liggja oft í felum
í sjálfs hans hugskoti og gera þar hinn mesta usla,
ginna á glapstigu, glepja hann í líferni hans og göf-
ugustu viðleitni."
Orsakir þær, er til þess lágu, að ég minntist á Há-
skólakapelluna, eru, að þeirri hugmynd hefur skotið