Stúdentablaðið - 01.12.1960, Qupperneq 45

og hagsmunamál og loks kvikmyndasýningar, venju-
Jega um læknisfræðileg efni. A októberfundi í haust
var sá háttur á hafður, að fimm læknanemar fluttu
erindi um krabbamein í maga. Voru síðan umræður
um málið, og loks endurskoðaði einn okkar mætu
prófessora það, sem fram hafði verið flutt. Tókst
þetta allt hið bezta nema almennar umræður, enda
virðast læknanemar sverja sig í þjóðarsálina, ömur-
lega lítt hneigðir lil fjörugra umræðna í fjölmenni,
þótt þeir þenji sig þindarlaust í fámenni. Þennan
fund sótti fullur helmingur félagsmanna. Verður
væntanlega efnt til fleiri slíkra.
í apríl sl. efndi félagið til vísindaleiðangurs. Var
haldið til Keldna, Kópavogshælis og sjúkrahúss
Keflavíkurflugvallar. Voru móttökur alls staðar liin-
ar ágætustu. Ekki var unnt að gefa fyrsta hluta stúd-
entum kost á lilutdeild í förinni, þar eð aðeins var
hægt að leiða takmarkaðan fjölda um þessa staði.
Verður vonandi úr því bætt næst.
Málgagn félagsins, „Læknaneminn“, kom út 3
sinnum í fyrravetur og varð flestum til fróðleiks og
skemmtunar. Hefur tekizt að láta útgáfuna bera sig
nokkurn veginn með styrk frá Háskólaráði auk ár-
gjalda fastra áskrifenda og auglýsenda. Enda er nú
blaðið afhent öllum félagsmönnum endurgjaldslaust.
Gerast stöðugt fleiri læknar áskrifendur, enda helzt
von að finna húmanistískan anda hjá læknastúdent-
um, áður en þeir drukkna í fræðapolli Hippókratesar,
en sá pollur líkist nú meir og meir stóru stöðuvatni.
Aðalbaráttumál félagsins eru og hafa verið um-
bætur á kennslufyrirkomulagi í deildinni og bættur
hagur námsmanna. Er vakandi áhugi fyrir þessu
meðal stúdenta, þótt lítið hafi þokazt áleiðis. Taka
þyrfti alla kennsluháttu í deildinni til ítarlegrar end-
urskoðunar. En það verður ekki nema hálfkák, fyrr
en launakjör og vinnuskilyrði kennara verða svo
stórbætt, að þeir geti eingöngu helgað sig vísinda-
störfum og kennslu. Sömuleiðis er brýn þörf mikils
viðbótarhúsrýmis. — Mjög mikil bót var það, er í
fjárlögum 1959 var veitt sérstök lánveiting innan
lánasjóðs stúdenta til handa læknanemum. Þó hlýtur
að vera lokatakmarkið að fá laun fyrir skylduvinnu
á sjúkrahúsum. I flestum atvinnugreinum er svo til
lragað, að vinna unnin á námstíma er að einliverju
leyti launuð. Ætti það ekki sízt að gilda um jafn-
langt og dýrt nám og læknisfræðin er.
Frumskilyrði góðrar Iæknisþjónustu er góð rnennt-
un læknastéttarinnar, en hennar verður sífellt erfið-
ara að afla sér með lrverju ári, sem líður, vegna stór-
stígra framfara læknavísinda. Vonandi opnast skjót-
lega augu ráðanranna þjóðarinnar fyrir þessu, svo
að ofantéðar óskir rætist, verðandi læknunr og þjóð-
inni allri til heilla.
Stjórnir stúdentafélaga
í hóskólanum
Stúdentafélag háskólans: Steingrím-
ur G. Kristjánsson, stnd. jur., formaður,
Heirnir Steinsson, stud. mag., ritari, Þór
Guðmundsson, stud. oecon., gjaldkeri,
Friðjón Guðröðarson, stud. jur. og
Kristján O. Jónasson, stud. oecon. með-
stjórnendur.
Deildarfélög:
Félag guðfræðinema: Bolli Gústavs-
son, formaður, Brynjólfur Gíslason, rit-
ari, Bernharður Guðmundsson, gjald-
keri, Lárus Þorvaldur Guðmundsson og
Bjarni Guðjónsson meðstjórnendur.
Orator, félag laganema: Magnús
Þórðarson, formaður, Guðrún Erlends-
dóttir, ritari, Stefán M. Hirst, gjaldkeri,
Þórður Guðjohnsen og Skúli Pálsson
meðstjórnendur.
Félag verkfræðinema: Haraldur
Sveinhjörnsson, formaður, Sigurður
Þórðarson, gjaldkeri, og Stefán Örn
Stefánsson, ritari.
Mímir, félag stúdenta í íslenzkum
fræðum: Einar Sigurðsson, formaður,
Heimir Steinsson, ritari, og Aðalsteinn
Davíðsson, gjaldkeri.
Félag læknanema: Árni Kristinsson,
formaður, Ólafur Stephensen, ritari, og
Magnús Karl Pétursson, gjaldkeri.
Félag tannlæknanema: Kjartan Þor-
bergsson, formaður, María Olafsdóttir,
ritari, og Haukur Þorsteinsson, gjald-
keri.
Félag viðskiptafræðinema: Þór Guð-
mundsson, formaður, Hörður Sigur-
gestsson, ritari, og Garðar Siggeirsson,
gjaldkeri.
Kristileg stúdentafélög:
Kristilegt stúdentafélag: Frank Hall-
dórsson, cand. theol., formaður, Ingólf-
ur Guðmundsson, stud. theoL, ritari, og
Sigurður K. G. Sigurðsson, stud. theol.,
gjaldkeri.
Bræðralag, kristilegt félag stúdenta:
Séra Kári Valsson formaður, Ólafur B.
Thors, stud. jttr., ritari, og séra Jón Is-
feld, gjaldkeri.
STUDI' NTABLAÐ
45