Stúdentablaðið - 01.12.1960, Side 50

Ferðaþjónusta
Starfsemi Ferðaþjónustu stúdenta
eykst jafnt og þétt. Nýstúdentar frá
Laugarvatni nutu fyrirgreiðslu varðandi
ferð til Norðurlands sl. vor. Fyrsta utan-
ferð á vegum þjónustunnar var svo
farin 23. júlí, og var haldið til Færeyja
til að sækja hina vinsælu Ólafsvöku. í
förinni voru níu þátttakendur, var farið
með ffeklu báðar leiðir, og tók ferðin
12 daga. Tókst förin ágætlega.
Ferðaþjónustan hyggst efna til hóp-
ferða erlendra stúdenta hingað næsta
sumar, og er gert ráð fyrir 2 ferðum um
landið, annarri 16 daga, hinni 9 daga.
Stjórn ferðaþjónustunnar skipa:
Njörður P. Njarðvík, stud mag., Hörður
Einarsson, stud. jur. og Vilborg Harð-
ardóttir, stud. philol.
Karlakór stúdenta
Karlakórinn starfaði undir stjórn
Höskuldar Ólafssonar, og var æft af
miklu kappi undir þær skemmtanir, sem
kórinn söng á. Stúdentaráð styrkti kór-
inn með 2000 kr. framlagi. Æskilegt
væri, að fleiri söngmenn gengju í kór-
inn.
Leikfélag
Leikfélag stúdenta, sem var endur-
vakið 1958, hugðist taka leikrit til með-
ferðar á vetrinum sem leið.
Gylfi Baldursson og Jakob Möller
þýddu leik eftir Samuel Beckett, og var
búið að ráða Helga Skúlason sem leik-
stjóra. Ur æfingum varð þó ekki og þar-
afleiðandi ekki sýningum, en e. t. v.
verður það hægt í vetur.
Breytingar ó kennslukröftum
Prófessor Trausti Ólafsson, efnafræð-
ingur, sem kennt hefur efnafræði í
læknadeild síðan 1921, hefur látið af
starfi.
Dr. Steingrímur Baldursson hefur
verið skipaður prófessor í efnafræði.
M. Sc. Magnús Magnússon hefur ver-
ið skipaður prófessor í eðlisfræði.
Cand. oecon. Guðlaugur Þorvaldsson
hefur verið settur prófessor í stað Gylfa
Þ. Gíslasonar.
Dr. Halldór Ifalldórsson hefur tekið
við kennslu í íslenzkudeild á ný.
Próf. Einar Ól. Sveinsson hefur leyfi
frá kennslu í vetur, en í stað hans kenn-
ir Þórhallur Vilmundarson cand. mag.
Við störfum sendikennara í þýzku,
Hermanns Höhner, hefur tekið dr. phil.
Johann H. J. Runge.
Bo Almquist, fil. mag., sendikennari
í sænsku, hefur hætt starfi, en við tekur
Jan Nilsson, fil. mag.
Sendikennari í norsku, Odd Didrik-
sen, cand. mag., kemur í stað Ivars Org-
land, cand. philol.
Prófessor David R. Clark flytur fyrir-
lestra um amerískar bókmenntir í vetur.
Doktorsvörn
Ein vörn fyrir doktorsnafnbót í heim-
spekideild fór fram á árinu. 16. jan.
varði frú Selma Jónsdóttir ritgjörð
sína, Byzönzk dómsdagsmynd í Flata-
tungu.
Andmælendur voru dr. Kristján Eld-
járn, þjóðminjavörður og dr. Wormald
frá Lundúnaháskóla.
þeir Ölafur Egilsson, stud. jur., og Þór-
arinn Ólafsson, stud. med.
Aðrar utanfarir
Sigmundur Böðvarsson, stud. jur.,
sótti ráðstefnu, sem haldin var í Oxford
á vegum WAY í júlí. — Ólafur Egils-
son, stud. jur., og Þórarinn Ólafsson,
stud. med., sóttu Hringborðsráðstefnu
í Basel 17.—19. ágúst og sömuleiðis al-
þjóðaþing stúdenta ISC—COSEC x
Klosters í Sviss dagana 31. ágúst—2.
sept.
Gestir
Af gestum háskólans má nefna dr.
Lárus Einarsson frá Árósum og próf.
Daskalakis frá Aþenu, komu þeir báðir
í apríl, sá síðarnefndi á vegum Evrópu-
ráðs, ennfremur próf. Turvey frá há-
skólanum í London, er hingað kom í
kennaraskiptum á vegum British Coun-
cil.
1 júlí kom hingað medisinal direktör
Fransen frá Danmörku og í ágúst rektor
polytekniska skólans í Kaupmannahöfn,
dr. Knudt-Vinterfeld.
Nýlega var á ferð próf. Regin Prenter
frá Arósum.
Á síðasta háskólaári voru flutt nálægt
20 ýmiss konar erindi í háskólanum.
F ormannaráðstefnur
voru tvær. Hin fyrri var haldin í Kaup-
mannahöfn 26.—27. marz. Hana sóttu
fyrir hönd stúdentaráðs Árni Grétar
Finnsson, stud. jur., Vilhorg Harðar-
dóttir, stud. philol., og Ilörður Sigur-
gestsson, stud. oecon.
Formannaráðstefna norrænu stúd-
entasambandanna var haldin í Kaup-
mannahöfn í ágústmánuði. Þangað fóru
'50
STUDENTABLAÐ