Stúdentablaðið - 01.12.1969, Blaðsíða 35

Háskólaannáll
Fyrsta vetrardag, þann 25. október var Há-
skóli íslands settur í samkomuhúsi skólans og
hófst þar með 58. starfsár hans. Voru þar saman
komnir stúdentar, jafnt nýir sem eldri ásamt
kennurum sínum. Þá voru og viðstödd forseti
íslands, herra Kristján Eldjárn og frú og
menntamálaráðherra, Gylfi Þ. Gíslason og frú.
Hinn nýkjörni rektor Magnús Már Lárusson
flutti setningarræðuna og hóf mál sitt með því,
að lesa upp skeyti frá fyrirr nnara sínum,
Ármanni Snævarr. Sendi Ármann þar alúðar-
kveðjur sínar til rektors, kennara og stúdenta.
Þegar Ármann lét af embætti hafði hann gegnt
því í níu ár samfleytt og lauk Magnús Már rektor
miklu lofsorði á hann og störf hans í þágu
skólans. Síðan sagði rektor, að hann hefði tekið
við kjöri þann 14. maí s.l. og þá með nokkru
hiki. Nú gengi hann til þessa starfs með þeim
einlæga ásetningi, að leggja sig allan fram og
vildi hann gera að kjörorðum sínum: „Miskunn
og sannindi, réttvísi og friðsemi". Næst vék
rektor að ýmsum þáttum í hinu margþætta
starfi Háskólans og verður nokkuð að því
vikið hér.
Álit Háskólanefndar.
í ræðu sinni gat rektor hins ýtarlega nefndar-
álits Háskólanefndar, sem kom út í haust. Er
það ærið yfirgripsmikið og eiga nú ráðamenn
Háskólans eftir að ræða það sín í milli og gera
þær tillögur, er þeim þykja standa til nokkurra
úrbóta. Vilja þeir hraða þvi sem mest, að tillögur
nefndarinnar komist til framkvæmda og er það
enn eitt dæmið um þann hug, sem nú er í mönn-
um um þróun Háskólans. Taldi rektor, að tvennt
í þessu nefndaráliti yrði þó, að láta sitja í fyrir-
rúmi fyrir öðru. Væri það annars vegar bygg-
ingarþjónustan og hins vegar samstarfsnefnd
Háskólans við menntamálaráðuneyti og fjár-
málaráðuneyti.
Húsnæði Háskólans.
í byrjun þessa vetrar var hið nýja hús, Árna-
garður tekið í notkun. Hefur það verið í smíðum
í nokkur ár og var enn ekki að fullu lokið, er
kennsla hófst í haust. Var því vinnu haldið á-
fram og má nú segja, að smiðshöggið hafi verið
rekið á þessa langþráðu byggingu Háskólans.
Árnagarður hefur leyst mikinn vanda, jafnvel
alveg komið í veg fyrir það vandræðaástand, að
prófessorar þurfi í byrjun kennslustundar að
arka um skólann með nemendur sína í leit að
kennslustofu. Gera ráðamenn skólans sér vonir
um að innan fárra ára verði þarna fullmótaðar
stofnanir í sögu, bókmenntasögu og málvís-
indum. Hefur Orðabók Háskólans fengið þarna
fastan sess fyrir nokkru. En Árnagarður er
hvorki lokatakmark né endanleg lausn því að á
hverju ári skýtur upp fleiri og fleiri hvítum koll-
um. Háskólinn á því fyrir höndum, að reisa hús-
næði fyrir lagadeild og verkfræðideild og ekki
sízt tannlæknadeild. Og ekki má gleyma „vand-
ræðabarni Háskólans“, læknadeildinni, sem
fyrir löngu hefur sprengt af sér gömlu flíkurnar.
Allur aðbúnaður í Atvinnudeildarhúsinu hefur
batnáð mikið og standa vonir til að hægt verði,
að fá allt húsið til notkunar á næsta hausti.
Háskólinn hefur einnig fengið leiguhúsnæði í
gamla iðnskólahúsinu í Vonarstræti. Er sá
leigusamningur til fjögurra ára. Þá fékk Háskól-
inn í byrjun þessa vetrar nokkur húsgögn, sem
hafa bætt mikið aðstöðu stúdenta í kennslu-
stofum og fyrirlestrarsölum.
Háskólabókasafn.
Á síðast liðnu hausti komu hingað út tveir
merkir safnmenn til þess að skipuleggja og
leggja drög að þjóðarbókhlöðu. Eru þetta þeir
Harald Tveterás, ríkisbókavörður Norðmanna
og Edward Carter frá Bretlandi. Hófu þeir starf
með landsbókaverði og háskólabókaverði.
Vænta menn mikils af þeirra hingaðkomu og
að Háskólabókasafnið njóti góðs af, en starfs-
skilyrði þess eru nú heldur bág. Safnið er ætlað
ölluin þeim stúdentum, sem við skólann eru
auk 200 manna kennaraliðs og annarra utanað-
komandi notenda, en við safnið vinna aðeins
þrír fastir menn, auk stúdenta í bókasafns-
fræði. Safnið er og ætlað sem lesstofa, en engin
tök eru á að allir sem vilja komist að.
Gjafir og styrkir.
Háskólanum hafa borizt margar góðar gjafir.
M.a. 10.000 krónur fyrir afnot af kapellunni.
Þá komu frá Alexander von Humbolt stofnun-
inni ultramikrotom-tæki til afnota á Keldum
35
STÚDENTABLAÐ