Stúdentablaðið - 01.12.1969, Blaðsíða 41

datar frá deildinni, þeir Einar Jónsson
og Sigurður Örn Steingrímsson. En í
stað þessara ágætismanna, er kvöddu,
bættust deildinni 11 nýstúdentar.
Félagsstarf vetrarins hófst á kynningar-
kvöldi: Kaffi, kökur og skemmtilegheit.
Nú um mánaðamótin okt.-nóv. var hald-
in þriggja daga ráðstefna guðfræðinema
og prófessora í Reykjakoti, Seli M.R.
Félag guðfræðinema gefur út rit er
ORÐIÐ nefnist. Er blaðið hið vandað-
asta og flytur fjölbreytt efni. Var það
haft til sölu í andyri Háskóla Islands s.l.
vor. EKKERT blað seldist.
Meðal menntamanna frændþjóða vorra
þykir það hlýða að kunna nokkur skil á
trúmálum. Hafa yfir að ráða fræðilegri
þekkingu á málefninu og þekkja e.t.v.
merkustu guðfræðinga samtímans, vera
almennt viðræðuhæfur á þessu dviði
þekkingar. Nokkuð frábrugðnir þessu
virðast mér stúdentar Háskóla íslands
vera. Auk þess að vera hinir ófóðustu
um þær megingreinar er kenndar eru við
guðfræðideildina gjóa þeir varfærnum
augum til kapellu Háskólans þá er guð-
fræðistúdentar ganga þar til morgun-
bæna hvern virkan dag kl. 10. Einnig
virðast stúdentar almennt gleyma að í
umræddri kapellu eru stúdentamessur
að jafnaði einu sinni í mánuði.
Ágætu skólasystkin. Innst inni í með-
vitund mannsins er ætíð neisti trúar. Oft
er hann byrgður amstri og puði hvun-
dagslífs okkar. En þegar rækt er lögð við
þennan neista þá lyftir hann mönnum,
gerir þeim veraldarvafstrið léttara.
Þá er að geta landvinninga deildar-
innar. Fram til þessa hefur öll kennsla
farið fram í stofu V, en í haust fékk
deildin stofu IV til umráða. Var þetta
mikil bót og góð, þar eð nú getur öll
kennsla deildarinnar farið fram árdegis.
Notast þá V stofa sem lestrarstofa allan
síðari hluta dagsins.
í nóvember 1969.
Gylfi Jónsson.
Frá OMEGA,
félagi stúdenta
í verkfræðideild
Aðsókn að verkfræði og raunvísinda-
deild hefur vaxið mjög sl. tvö ár. Stafar
sú aukning einkum af nýhafinni kennslu
í náttúrufræðum við deildina, sem hófst
haustið 1968.
Á sl. ári höfðu stúdentar við deildina
sameiginlegt félag, Félag stúdenta í Verk-
fræðideild. Tókst þetta fyrirkomulag
framar vonum, en ljóst varð brátt, að
nauðsyn bæri til að stofna félag náttúru-
fræðinema. Undirbúningur að stofnun
þess félags hófst snemma í október og
stofnfundur haldinn 23. okt. sl. Samt sem
áður munu deildarfélögin hafa nána
samvinnu með ýmis mál, er snerta beggja
hagsmuni.
Húsnæðisvandamál verkfræðideildar
hafa heldur rénað eftir að Árnagarður
komst í gagnið. Teiknistofa sú, er deildin
hafði í húsnæði vélsmiðjunnar Héðins
var lögð niður og húsnæði Orðabókar
tekið undir teiknistofu, ennfremur hafa
1. árs menn flutzt í Árnagarð úr Tjarnar-
götu.
Um þessar mundir er byggingarnefnd
nýs Verkfræðideildarhúss að taka til
starfa. Góðar horfur eru á, að bygging
hússins geti hafizt að vori ef skipulag
háskólalóðar hefur þá séð dagsins Ijós.
Brýn nauðsyn er á, að hefjast handa með
byggingu þessa vegna þess hve illa horfir
með verklega kennslu og einnig vegna
stóraukinnar aðsóknar að Verkfr.deild
á næstu árum.
Áætlað er að hefja kennslu í efnaverk-
fræði í Verkfræðideild n.k. haust. Hingað
til hafa þeir sem lagt hafa stund á þá
grein orðið að afla sér menntunar er-
lendis. Þetta er þó aðeins frumskrefið í
áætlun um aukna kennslu í verkfræði
við deildina og er m.a. áætlað, að kennsla
í síðari hluta hefjist fyrir 1975. Vonandi
verður þessu marki náð, en vegna sér-
stöðu íslenzkra staðhátta þarf í auknum
mæli að mennta verkfræðinga hérlendis.
Félagslíf meðal verkfræðistúdenta hef-
ur farið vaxandi undanfarin ár, en erfitt
er að halda uppi mikilli félagsstarfsemi
vegna anna stúdenta við nám.
í nóvember 1968 var haldinn kynn-
ingarfundur stúdenta í deildinni, farið
var í vísindaleiðangur í Álverksmiðjuna
í Straumsvík og framkvæmdir þar skoð-
aðar undir kunnugra leiðsögn. I desember
var haldinn fundur með kennurum deild-
arinnar um námskipan og kennslutækni
og var hann fjölsóttur. Félagið gekkst
fyrir fundi um síðarihlutanám í verk-
fræði og mættu þar verkfræðingar frá
mismunandi löndum. Þá var og haldin
kvikmyndasýning á vegum félagsins í
febrúar um geimferðir.
Árshátíð vegleg var haldin í febrúar í
Dansskóla Hermanns Ragnars. Margt
var þar til skemmtunar, m.a. söng tvö-
faldur kvartett stúdenta úr deildinni
stúdentasöngva og Leo Kristjánsson flutti
rabb kvöldsins. Veizlustjóri var Páll
Jensson.
Haldið var austur að Búrfelli í marz í
boði Fosskrafts og Landsvirkjunar. Er-
indi voru þar flutt um virkjunarstörf á
íslandi og um framkvæmdir þar á staðn-
um. Síðan voru mannvirki öll skoðuð
undir leiðsögn verkfræðinga. Mjög voru
rómaðar allar móttökur þar efra.
Omega, blað stúdenta í verkfræðideild
kom út í apríl. Flutti það ýmsar greinar
vísindalegs eðlis eftir kennara og stúd-
enta, auk ýmiss konar frétta. Var blaðið
fróðlegt og efnismikið og hið vandaðasta
að frágangi. Ritstjóri Omega var Stefán
Ingólfsson.
Stúdentar deildarinnar hafa haft 2 her-
bergi til umráða í gömlu loftskeytastöð-
inni s.l. 2 vetur. Hefur húsnæðið einkum
verið notað fyrir ýmis félagsstörf, en ó-
heppilegt hefur reynzt að nota það til
lestrar, og bera brýna nauðsyn til að
skapa viðunandi lestraraðstöðu fyrir
verkfræðistúdenta hið fyrsta.
Á sl. vetri hófu verkfræðinemar söfn-
un fjár til kennslutækjakaupa. Auk þessa
fjár lögðu Sjóvá og Háskólinn fram upp-
hæðir og fjölritunartæki, stenzilgerðar-
vél, ljósprentunartæki og myndvörpur
keypt fyrir féð. Sáu verkfræðinemar um
rekstur fjölritunartækjanna s.l. vetur.
Urðu tæki þessi stúdentum til mikils
gagns í námi, en kröfðust mikillar vinnu.
Var því ákveðið, að Háskólinn eða
Félagsstofnun tæki yfir rekstur fjölrit-
unartækjanna. Hefur þeim verið komið
fyrir í Árnagarði og eru nú undir umsjá
Félagsstofnunar. Er vonandi að stúdent-
ar í öðrum deildum notfæri sér tæki þessi
á sem beztan hátt. Fáist nægjanleg verk-
efni mun í ráði að ráða sérstakan starfs-
kraft a.m.k. hálfan daginn við tækin, en
nú um sinn annast skrifstofustúlka
Félagsstofnunar tækin.
Eins og áður höfðu verkfræðinemar
töluverð samskipti við I.A.S.T.E. þ.e.
alþjóðleg samtök um stúdentaskipti verk-
fræðistúdenta. Á aðalfundi 28. okt. s.l.
var komið á fót vinnumiðlun verkfræði-
stúdenta og eru miklar vonir bundnar
við starf hennar. Einnig var lögum félags-
ins breytt og ný stjórn kosin. í henni eiga
sæti:
Árni Gunnarsson, formaður, Egill B.
Hreinsson, ritari, Hallgrímur Gunnars-
son, gjaldkeri, Þórir Sigurðsson og
Gunnar Guðmundsson, meðstjórnendur.
Úr stjórn gengu Helgi Bjarnason,
Rúnar Sigfússon, Stefán Eggertsson,
Kristján Már Sigurjónsson og Sigrún
Guðnadóttir.
Helgi Bjarnason.
41
STÚDENTABLAÐ