Stúdentablaðið - 01.12.1969, Blaðsíða 4

Reykjavík 16.11.‘69.
A Háskóli íslands einhverjum skyldum að gegna við atvinnuvegi
þjóðarinnar ? Allt fram á þennan dag hefðu margir hinna bóklœrðu
svarað þessari spurningu neitandi. Nú er viðhorfið breytt. Skyndi-
legir erfiðleikar hafa vakið okkur upp af vcerum blundi. Hefur
íslenzkt þjóðfélag ekki skort ákveðna stétt, háskólamenntaðra
starfskrafta, sérhœfða í þágu atvinnulífsins ? Menn, sem treyst
geta stöðu fyrirtœkjanna og haldið þeim í takt við tímann. Má ekki
aó einhverju leyti rekja erfiðleika atvinnuveganna og um leið
þjóðarinnar til skorts á mönnum, er hafa tileinkað sér þá þekkingu
og tœkni, sem fyrirtœki nútímans krefjast ?
Þegar við lítum yfir atvinnusögu okkar Islendinga verður það
deginum Ijósara, að Háskólinn hefur að mestu brugðizt því hlut-
verki að veita straumum nútíma þekkingar inn í hið virka þjóðlíf
Þetta andvaraleysi hefur orsakað óeðlilega þróun í framleiðslu-
atvinnuvegum þjóðarinnar.
Því aðeins getum við haldið efnahagslegu sjálfstœði í framtíð-
inni, að við bvggjum upp heilbrigt efnahagskerfi, sem sjái þegn-
unum fyrir álíka lífskjörum og í nágrannalöndunum. Undirstaðan
hlýtur að vera vel menntað og framsœkið vinnuafl og afkastamikil
framleiðsla byggð á íslenzkri tœknikunnáttu. Hlutverk Háskólans
í uppbyggingu atvinnuvega íslendinga getur því verið mikið og er
aðkallandi, þörfin fyrir nýjar námsleiðir knýjandi. Nýjar náms-
brautir eru því ekki neyðarráðstöfun vegna fjölgunar stúdenta,
heldur þjóðhagsleg nauðsyn. Samhliða hagnýtum námsleiðum
verður að efla rannsóknir í þágu atvinnuveganna, í tengslum við
hinar ýmsu deildir Háskólans. Markið á að vera efling íslenzkra
atvinnuvega og hagnýting náttúruauðlinda okkar hrjóstruga lands.
Rannsóknir merkra, íslenzkra vísindamanna hafa þegar sýnt og
sannað, hvað hér er í húfi.
Sjálfstœðisbarátta lítillar þjóðar verður harðari en nokkru sinni
fyrr, þegar þjóðir heimsins hqfa sameinazt í stórar efnahagsdeildir.
Leiðin til þess að mceta harðnandi scimkeppni er ekki einangrun,
heldur alhliða efiing framleiðslu atvinnuveganna og íslenzkra
vísinda.
Góðir stúdentar.
Með því að helga 1. des. þessu mikilvœga verkefni, undirstrikum
við þýðingu þess fyrir þjóðinni. Um leið minnum við stjórnvöld
Háskólans á, hina tafarlausu þörf fyrir nýjar hagnýtar náims-
leiðir. Hagsmunir þjóðarinnar allrar eru að veði.
Magnús Gunnarsson, stud. oecon.
STÚDEIMTABLAÐ
4