Fréttablaðið - 10.10.2009, Síða 58

8 FERÐALÖG
Þ
að eru kannski ekki margir
á Íslandi sem gera sér grein
fyrir hversu stór tónlistar-
senan er þarna úti,“ segir
Nee Bing, eigandi Lychee Productions
og plötusnúður með meiru. „Það hefur
ýmislegt gerst á undanförnum árum
og það hefur orðið mikil uppbygging í
tónlistarlífinu. Ungir Kínverjar fara
mjög gjarnan út að skemmta sér og
það er mikið um risastóra teknóstaði
í Sjanghæ og Peking.“ Nee Bing lýsir
því hvernig heilu verksmiðjunum hefur
verið breytt í „reif“-staði sem eru opnir
allan sólarhringinn og segir að ungir
Kínverjar séu mjög duglegir við að fara
út að skemmta sér. „ Rokksenan er líka
mjög öflug þarna úti. Þar tengist hún
listalífinu sterkum böndum og það er
afskaplega mikil og spennandi sköpun
í gangi. Af einhverjum ástæðum er síð-
pönkið orðið að mjög stórri bylgju hjá
okkur og við eigum marga fræga tón-
listarmenn í þeim geira. Þess má geta að
Brit-poppið er líka vinsælt hér í Kína en
þá eru textarnir á einhvers konar blöndu
af kínversku og ensku. Hljómsveitirn-
ar herma líka algerlega eftir klæða-
burði bresku popparanna og eins eru
stórsniðugar „mod“-hljómsveitir að gera
það gott.“ Nee Bing segir að hin íslenska
Björk hafi sett strik í reikninginn í Kína
þegar hún lýsti yfir andstöðu sinni á
aðgerðum Kínverja í Tíbet á tónleikum
þar fyrir rúmu ári. „Hún var búin að
skrifa undir samning um að segja ekki
neitt slíkt en gerði það samt. Nú eru
yfirvöld hræddari við að fá erlenda tón-
listarmenn til að spila, sem er afar leitt.“
Það er þó algengara núna að hljómsveit-
ir frá Evrópu eða Bandaríkjunum fari í
tónleikaferðalög um Kína og Nee Bing
hvetur Íslendinga til að skoða möguleik-
ana. „Kína er auðvitað gífurlega stór,
ungur og spennandi markaður.“
ROKKAÐ Í KÍNA
Tónlistarsenan í austrinu blómstrar en í Kína er að fi nna allt frá síðpönki upp í tuttugu og fjög-
urra tíma „reif“. Anna Margrét Björnsson hitti Nee Bing hjá Lychee Productions sem var stadd-
ur hérlendis fyrir skömmu á ráðstefnunni You Are in Control.
Síðpönk Kínversk lista-
kona sem nú er einnig
orðin frægur síðpönkari.
Klúbbamenning Ungir
Kínverjar hafa mjög
gaman af að fara á
teknó klúbba.
Hjálpaðu umhverfinu með
Blaðberanum
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...