Fréttablaðið - 10.10.2009, Side 66

38 10. október 2009 LAUGARDAGUR
S
kúli Gunnar Sigfússon, eig-
andi Subway á Íslandi, kynnt-
ist bátunum frá Subway á náms-
árum sínum í Bandaríkjunum.
Strax fyrsta árið, 1988, var hann
kominn á bragðið.
„Ég gat ekki hugsað mér að læra hér
heima svo ég fór til Phoenix að læra við-
skiptifræði,“ segir hann. „Útskrifaðist
þaðan 25 ára árið 1991. Ég varð strax
mjög hrifinn af matnum frá Subway og
var fastakúnni. Ég sagði við sjálfan mig
að ég myndi koma með þetta heim. Þegar
ég kom svo heim eftir skólann fór ég að
vinna sem verðbréfadrengur í fyrirtækja-
ráðgjöf hjá Landsbréfum. Mér hundleidd-
ist það svo ég fór á stúfana með leyfi fyrir
Subway og það gekk upp.“
Hvernig var skyndibitakeðjubransinn á
Íslandi þegar þú byrjaðir 1994?
„Það voru færri keðjur en núna og því
var stemningin fyrir nýrri keðju góð
– maður sér að það er miklu erfiðara að
koma inn núna. Það voru bara KFC og
Pizza Hut, og McDonalds og Dominos
höfðu opnað árið á undan.“
Fékkstu svo Davíð Oddsson til að borða
fyrsta skammtinn, eins og McDonalds
gerðu?
„Nei, ég hafði engan áhuga á því. Það
voru dóttir mín og móðir sem borðuðu
fyrsta bátinn sem var búinn til á Íslandi.
Mér fannst það miklu meira viðeigandi.“
Engir þorrabátar á leiðinni
Fyrsta Subway-útibúið var í Faxafeni á
sama stað og það er í dag. „Þetta gekk
mjög vel frá fyrsta degi, það var reynd-
ar algjör sprenging. Ári seinna opnuðum
við í Austurstræti og svo hefur þetta verið
hægur en öruggur vöxtur, einn til tveir
nýir staðir á ári. Við erum með átján staði
núna. Þetta hefur bara gerst eftir efnum
og ástæðum.“
Átján útibú? Er það ekki með því mesta
á Íslandi?
„Jú, við erum stærsta veitingahúsa-
keðja á Íslandi með langflest útibú. Ég
held við séum að selja Íslendingum mesta
magnið af mat, hátt í tvær milljónir báta
á ári. Af því eru kannski hundrað þúsund
„bátar mánaðarins“ í mánuði, sérstaklega
ef það er skinkubátur. Hann er vinsælast-
ur. Þetta er mjög gott. Í Subway-kerfinu
erum við einn af þeim mörkuðum sem best
gengur.“
Hvernig stendur Subway á heimsvísu?
„Í Bandaríkjunum er Subway stærsta
keðjan. Það eru komin ein sex ár síðan Sub-
way fór fram úr McDonalds í fjölda staða.
Það sama er að gerast á heimsvísu.“
Þetta er merkilegt! Ég hélt alltaf að
McDonalds væri langstærsta keðjan.
„Jú, jú. En McDonalds þurfa að vera
með stærri staði og við komumst af með
minni af því við þurfum ekki jafn mikið
pláss til að framreiða bátana.“
Sem sérleyfishafi, þá máttu væntanlega
ekki gera neitt upp úr sjálfum þér?
„Jú, reyndar mættum við það með þeirra
samþykki. Ef það væri eitthvað staðbund-
ið á Íslandi mættum við gera tillögu að
þannig báti.“
Er þá lifrarpylsubátur í bígerð?
„Nei! Okkur hefur aldrei þótt þorramat-
urinn passa og eiginlega ekki lambakjötið
heldur. Það væri einna helst rækjusalatið
sem gæti passað.“
Fæðið frá Subway er talið með því heilsu-
samlegra í skyndibitabransanum og fræg
er herferðin með Jared Fogle sem léttist
um 110 kíló með því að borða eingöngu
hjá Subway. „Það er jú engin steiking hjá
Subway, en það var enginn að spá í heilsu-
þáttinn í byrjun,“ segir Skúli. „Síðar hafa
margir leikið afrek Jareds eftir, meira að
segja einn verslunarstjóri hjá okkur gerði
þetta og tók sig verulega niður.“
Kann að selja samlokur
Saga Subway er bandarísk uppgangssaga
eins og þær gerast bestar. Skúli kann hana
vel: „Þeir sem stofnuðu Subway árið 1965
eru enn þá eigendur. Þá var Fred De Luca
sautján ára og fékk lánaða 1000 dollara
til að hefja reksturinn hjá fjölskylduvini,
Peter Buck, sem var prófessor í háskóla.
Fred þennan langaði nú bara til að eignast
peninga og Peter stakk upp á því að hann
opnaði samlokustað. Þúsund dollarar var
sæmilegur peningur árið 1965 og nóg til
að opna fyrsta staðinn. Síðan þá eiga þeir
50/50 í fyrirtækinu. Til að gera langa sögu
stutta varð Subway smám saman að því
stórveldi sem það er. Í dag eru um 32.000
Subway-staðir í níutíu og einu landi og það
opnar nýr Subway-staður einhvers staðar í
heiminum á fimm klukkustunda fresti.“
Hvernig komst þú út úr hruninu svo-
kallaða?
„Mjög vel. Lykilatriðið í því er eigin-
lega það að við misstum af góðærinu. Ég
gleymdi að taka þátt í því. Fyrir vikið er
ég með skuldlaust fyrirtækið í dag.“
Hvernig gastu gleymt góðærinu?
„Með því að skuldsetja mig ekki. Það
hefur verið sami eigandi frá upphafi. Við
byggðum okkur bara upp og borguðum
niður skuldir í góðærinu. Það voru nátt-
úrulega skuldir í byrjun því ég átti engan
pening þegar ég startaði þessu. En það er
búið í dag. Það er ekki ein króna í skuld.“
En var ekki pressa á þér að „gera eitt-
hvað sniðugt“?
„Jú, jú, og ég er mjög þakklátur fyrir
að hafa hvorki selt né tekið þátt í hinu og
þessu sem var verið að bjóða manni.“
Hverju þakkarðu það helst að hafa misst
af góðærinu?
„Áhugaleysi á að skuldsetja mig og bara
vantrú á því sem var í gangi. Ég kann að
selja samlokur og skil að maður geti haft
hagnað af mismuninum á því að kaupa
inn og selja út – en ég skildi aldrei þessa
gjörninga og skil þá ekki enn þá. Þetta var
bisness sem ég skil ekki og ég fer ekki út
í bisness sem ég skil ekki. Á tímabili í
mesta góðærinu var maður alveg hættur
að skilja þetta og var aðallega að spá í það
hvað maður væri tregur.“
Má kannski segja að það hafi hjálpað
þér að vera „gamaldags“?
„Já, en það þykir ekki „gamaldags“
lengur. Það skiptir miklu máli í dag að
við séum ekki skuldsett því þá getum við
boðið vöruna á almennilegu verði. Við
þurfum ekki að leggja á vöruna af því við
erum að hugsa um hundruð milljón króna
skuldir hér og þar. Þetta gerir okkur kleift
að halda verðinu niðri. Bátur mánaðarins,
sem er næg máltíð fyrir flesta, er á 349 kr.
Þú finnur þannig verð ekki víða.“
Bátur daglega
Skúli rekur að auki níu Subway-staði í
Finnlandi og tvo Sbarro-staði á Íslandi í
samstarfi við Steingrím Bjarnason. Skúli
er með um 300 manns í vinnu á Íslandi en
hann segist langt frá því að þekkja þá alla
með nafni. „Nei, nei, ég er nú bara eigandi
og stjórnarformaður. Ég er með frábæran
framkvæmdastjóra, Gunnar Skúla Guð-
jónsson, sem stjórnar fyrirtækinu, mjög
góðan starfsmannastjóra sem sér um
starfsmannamálin og mjög gott starfsfólk
í heildina.“
Ert þú eins og Jóhannes í Bónus og
kemur og setur á einn og einn bát?
„Nei, en ég var í því þegar staðurinn
opnaði. Sérfræðingarnir frá Subway sem
voru við opnunina sögðu strax að ég ætti
að fá aðra til að búa til báta. Ég var ekki
mjög snöggur og þótti ekki efnilegur. En
ég versla mjög oft á stöðunum. Eiginlega
daglega. Það eru ekki margir sem þekkja
mig svo ég er algengur leynigestur. Ég
fylgist mjög vel með að allt sé í lagi. Ég
er búinn að borða þessa báta í 21 ár og fæ
ekki leiða á þeim.“
Hvernig bát færðu þér?
„Núna er ég að hugsa um línurnar svo
ég fæ mér kjúklingabringu og sinneps-
sósu. Það er engin fita í henni. Og allt
ferska grænmetið með. Fyrstu árin borð-
aði ég ekkert nema túnfisk og helst með
beikoni. Þá var maður ekkert að hugsa um
línurnar.“
Gleymdi að taka þátt í góðærinu
Fyrsti Subway-staðurinn á Íslandi var opnaður 11. september 1994 og því er haldið upp á 15 ára afmæli keðjunnar á Íslandi um
þessar mundir. Fyrirtækið er skuldlaust og eigandinn Skúli Gunnar Sigfússon þakkar það helst skilningsleysi á góðærinu. Dr.
Gunni spjallaði við hann.
ÞAÐ BORGAÐI SIG AÐ VERA GAMALDAGS Skúli Gunnar Sigfússon við fyrsta Subway-staðinn á Íslandi í Faxafeni. FRÉTTABLAÐIÐ/ANTON
1 iPod nano á ári
fyrir Aukakrónur
Þú getur keypt þér einn 8 GB iPod nano á ári í Apple-búðinni fyrir Aukakrónurnar
sem safnast þegar þú notar A-kortið þitt – eða eitthvað annað sem þig langar í hjá
samstarfsaðilum Aukakróna.

*
M
.v
. 1
5
0
þ
ú
su
n
d
k
r.
in
n
le
n
d
a
ve
rs
lu
n
á
m
án
u
ð
i,
þ
.a
. 1
/3
h
já
s
am
st
ar
fs
að
ilu
m
. /
S
já
n
án
ar
á
w
w
w
.a
u
ka
kr
on
u
r.i
s.
*
AUKAKRÓNUR | landsbankinn.is | 410 4000
Sæktu um A-kort á www.aukakronur.is
N
B
I h
f.
(L
an
d
sb
an
ki
n
n
),
k
t.
4
71
0
0
8
-2
0
8
0
.
E
N
N
E
M
M
/
S
ÍA
/
N
M
3
9
3
0
5