Fréttablaðið - 10.10.2009, Síða 82

54 10. október 2009 LAUGARDAGUR
Todmobile heldur tuttugu ára afmælistónleika í
Íslensku óperunni 4. nóvember. „Ég hlakka mikið
til. Við höfum ekki haldið tónleika þarna síðan okkar
fyrstu fimm starfsár. Þá var þetta fastur liður eins og
venjulega, alltaf á haustin,“ segir gítarleikarinn Þor-
valdur Bjarni Þorvaldsson. „Fyrstu tónleikarnir sem
við héldum voru þar, þannig að við berum afskaplega
hlýjar tilfinningar til þess sem húsið hefur upp á að
bjóða.“
Ný safnplata frá Todmobile kemur út 2. nóvember
og þar verða tvö ný lög sem eru í vinnslu um þess-
ar mundir. Annað þeirra nefnist Ertu ekki að djóka
í mér? „Það er alltaf skemmtilegra þegar menn eru
að fara í svona upprifjun að koma með eitthvað smá
krydd,“ segir Þorvaldur um nýju lögin og bætir við að
þau séu í anda hins vinsæla Lof mér að sjá.
Tæp tvö ár eru liðin síðan Todmobile hélt síðast tón-
leika. Þá spilaði sveitin í beinni útsendingu í Sjónvarp-
inu en áður var hún ein þeirra sem stigu á svið á stór-
tónleikum á Laugardalsvelli í boði Kaupþings. Næstu
tónleikar sveitarinnar verða á Nasa 28. október þar
sem stemningin verður vafalítið gríðarleg. - fb
Ný plata og afmælistónleikar
Nemendur myndlistardeildar
Listaháskóla Íslands standa fyrir
flóamarkaði í nemendagalleríinu
Kaffistofunni í dag.
„Markaðurinn hófst í gær og
það gekk vonum framar. Við erum
að þessu til að styrkja okkur sjálf
í náminu því efniskostnaðurinn
getur verið ansi hár,“ segir Krist-
ína Aðalsteinsdóttir listnemi og
einn aðstandenda flóamarkaðar-
ins.
Á flóamarkaðinum verður hægt
að kaupa flíkur, málverk og ýmis-
legt annað smádót og verður verð-
inu að sjálfsögðu stillt í hóf.
Markaðurinn er opinn í dag frá
klukkan 12.00 til 18.00. - sm
Flóamarkaður í Kaffistofu
FLÓAMARKAÐUR Kristína Aðalsteins-
dóttir listnemi vonar að skemmtileg
markaðsstemning myndist í dag.
Sautján ára rappari sem
kallar sig Gummzter gefur
á næstunni út sína fyrstu
plötu, Erkiengill. Hann á
ekki langt að sækja tónlist-
arhæfileikana því foreldrar
hans eru í Sinfóníuhljóm-
sveit Íslands.
„Ég er í aðeins öðruvísi stefnu en
þau, en tónlist er tónlist,“ segir
Gummzter, eða Guðmundur Snorri
Sigurðsson. Foreldrar hans eru
píanóleikarinn Anna Guðný Guð-
mundsdóttir og Sigurður Ingvi
Snorrason klarinettuleikari.
Anna sendi einmitt frá sér plötu
fyrir stuttu sem kom út á vegum
útgáfufyrirtækis eiginmannsins,
Musis, og fékk hún fullt hús stiga í
Morgunblaðinu. Plata Guðmundar
kemur einnig út hjá fyrirtækinu
og því má með sanni segja að fjöl-
skyldan haldi vel á spöðunum hvað
tónlistina varðar.
Guðmundur er yngstur í fjög-
urra systkina hópi og sá eini sem
hefur lagt tónlistina fyrir sig.
Hin þrjú eru öll önnum kafin í
rallíkrossi og Guðmundur útilok-
ar ekki að spreyta sig á því þegar
hann hefur aldur til.
Átta ára byrjaði hann að spila á
hljóðfæri eftir að hafa verið hvatt-
ur til þess af foreldrum sínum.
Hann lærði á harmóniku, píanó,
klarinett og rafmagnsgítar en
það var ekki fyrr en hann fór að
semja sína eigin texta að hip-hopið
tók völdin. Tónlistarstefnan hefur
verið í nokkurri lægð undanfarið
og því vill Gummzter breyta. „Það
er voðalega lítill markaður fyrir
þetta á Íslandi en maður verður að
vera aktívur svo að orðið komist
út,“ segir hann og nefnir Eminem
og Promo sem sína helstu áhrifa-
valda.
Erkiengil tók hann upp í 23
daga lotu í 12 til 14 tíma á dag með
aðstoð félaga síns Tonis. Einn-
ig komu við sögu gestasöngvar-
arnir Delta, Prins Leó, Spek og
Ragnheiður Erla, sem eru öll úr
Mosfellsbænum eins og þeir Guð-
mundur og Toni. Sextán lög eru
á plötunni, þar á meðal hið gríp-
andi Svona á mér að líða, sem
hefur notið töluverðra vinsælda.
Með plötunni fylgir 24 blaðsíðna
bæklingur með textum og ljós-
myndum sem Guðmundur lagði
mikla vinnu í.
Útgáfudagur plötunnar er 22.
október og verður hún fáanleg í
Skífunni, 12 Tónum og Smekk-
leysu. freyr@frettabladid.is
SPILAR Á FJÖGUR HLJÓÐFÆRI
OG FORELDRARNIR Í SINFÓ
GUMMZTER Rapparinn Gummzter gefur út sína fyrstu plötu 22. október næstkomandi. FRÉTTABLAÐIÐ/GVA
HVAÐ? HVENÆR? HVAR?
Laugardagur 10. október 2009
➜ Tónleikar
15.00 Karlakór Kjalnesinga heldur tón-
leika í Guðríðarkirkju í Grafarholti.
21.00 Þursaflokkurinn verður með
tónleika á Græna Hattinum við Hafnar-
stræti 96 á Akureyri.
21.30 Hljómsveitin Æfing frá Flateyri
verður með tónleika á Catalinu við
Hamraborg í Kópavogi.
23.00 Hljómsveitirnar Bloodgroup og
Sykur verða með tónleika á Sódóma
Reykjavík við Tryggvagötu.
➜ Opnanir
16.00 Í Menningarmiðstöðinni Skaft-
felli við Austurveg á Seyðisfirði, opnar
Pétur Kristjánsson sýningu í verkefna-
rýminu Bókabúðin.
➜ Fyrirlestrar
16.00 Í tilefni af alþjóða
geðheilbrigðisdeginum
mun Sigursteinn Másson
flytja erindið „Andleg
sjálfsvörn“ hjá Geðhjálp við
Túngötu 7.
➜ Sýningar
Sýning Libiu Castro og Ólafs Ólafssonar
hefur verið framlengd til 18. okt. Suð-
suðvestur, Hafnargötu 22 í Reykjanes-
bæ. Opið lau. og sun. kl. 14-17.
Heidi Strand hefur opnað sýningu á
nýjum textílverkum í Tjarnarsal Ráðhúss-
ins í Reykjavík. Opið virka daga kl. 08-19
og um helgar kl. 12-18.
➜ Kvikmyndir
Japönsk kvikmyndavika í boði Kvik-
myndasafns Íslands og Sendiráðs
Japans á Íslandi. Sýningar fara fram í
Bæjarbíói við Strandgötu í Hafnarfirði.
Aðgangur er ókeypis.
16.00 Sýnd verður teiknimyndin „Tíma-
flakkarinn“ (Tokoi o kakeru shojo) Frá
leikstjóranum Mamoru Hosoda.
➜ Dansleikir
Greifarnir verða á Skemmtistaðnum
SPOT við Bæjarlind í Kópavogi.
Papar verða á Valaskjálf á Egilsstöðum.
Sérstakur gestur verður Gylfi Ægisson.
Lúdó og Stefán leika fyrir dansi á
Kringlukránni í Kringlunni.
GCD verður á Sjallanum við Geislagötu
á Akureyri.
Tecno.is stendur fyrir klúbbakvöldi á Nasa
við Austurvöll. Ókeypis inn til kl. 01.00.
➜ Tónlist
Sýningin Trommarinn 2009 verður hald-
in í sal Tónlistarskóla FÍH við Rauðagerði
27, kl. 13-18.
Sunnudagur 11. október 2009
➜ Tónleikar
15.15 Íslenski flautukórinn flytur
verk eftir Þuríði Jónsdóttur, Þorkel
Sigurbjörns son, Giancarlo Scarvaglieri
o.fl. á tónleikum í Norræna húsinu við
Sturlugötu.
17.00 Barbörukórinn verður með tón-
leika í Hafnarfjarðarkirkju við Strandgötu
í Hafnarfirði. Á efnisskránni verða perlur
úr íslenska tónlistararfinum í útsetning-
um Smára Ólafssonar.
➜ Félagsvist
14.00 Félagsvist verður spiluð í
Breiðfirðingabúð við Faxafen 14. Allir
velkomnir.
➜ Sýningar
14.00 Opið verður í Sveinssafni (Sveins
Björnssonar) í Krýsuvík þar sem boðið
verður upp á leiðsögn um sýninguna
„Charlottenborgarárin“.
➜ Kvikmyndir
15.00 Sýndur verður fyrri hluti kvik-
myndarinnar „Flóttinn“ sem byggð er á
verkum Mikhaíls Búlgakov um atburði
í borgarastyrjöldinni í Rússlandi um
1920. Sýningin fer fram í MÍR við Hverf-
isgötu 105. Seinni hlutinn verður sýndur
mánudaginn 12. okt. kl. 20. Enskur texti
og aðgangur ókeypis.
➜ Leikrit
14.00 Í Menningarmiðstöðinni Gerðu-
bergi (Gerðubergi 3-5) sýnir Möguleik-
húsið barnaleikritið Alli Nalli og tunglið.
Sýningin er ætluð áhorfendum á aldrin-
um 1-8 ára.
➜ Leiðsögn
14.00 Sigríður Melrós Ólafsdóttir verð-
ur með leiðsögn um sýninguna Falinn
fjársjóður: gersemar í þjóðareign sem
nú stendur yfir í Listasafni íslands við
Fríkirkjuveg.
14.00 Guðrún Ásmundsdóttir og Krisín
Anna Valtýsdóttir verða með fjölskyldu-
leiðsögn um sýninguna Rím sem nú
stendur yfir í Ásmundarsafni við Sóltún.
14.00 Í Hafnarborg við Strandgötu
í Hafnarfirði verður boðið upp á fjöl-
skylduleiðsögn og ratleik í tengslum við
sýninguna „Lífróður“ sem nú stendur
þar yfir.
Upplýsingar um viðburði sendist á
hvar@frettabladid.is.
TODMOBILE Hljómsveitin heldur upp
á tvítugsafmælið sitt með tónleikum í
Íslensku óperunni.
Akralind 9
201 Kópavogur
Sími 553 7100
www.linan.is
LAGERSALA Seljum eingöngu beint af lager okkar sem er aðeins opinn um helgar. Lítil yfirbygging = betra verð
Bono - Borðstofuborð stækkanlegt 166 / 266 x 100 cm
Kr. 145.800 I Lagersöluverð kr. 87.500
Slim 3ja sæta sófi kr. 169.800 I Nú kr. 135.840
Slim 2ja sæta sófi kr. 132.600 I Nú kr. 106.000Madison skenkur kr. 131.400 I Nú kr. 65.700
Edge - Hornsófi 280x200 kr. 298.700
Lagersöluverð kr. 238.900
Litir: Sand og Night
Skoðið úrvalið á heimasíðu okkar
www.linan.is
OPIÐ UM HELGINA
Laugardag 12 - 16
Sunnudag 13 - 16
2401 3ja sæta sófi kr. 324.800 I Nú kr. 194.800
2401 2ja sæta sófi kr. 310.000 I Nú kr. 186.000