Fréttablaðið - 11.11.2009, Blaðsíða 6
6 11. nóvember 2009 MIÐVIKUDAGUR
FISKVEIÐAR Ríkið mun selja viðbótar-
kvóta á skötusel á 120 krónur hvert
kíló og afla sér þannig 240 milljóna
króna tekna næstu tvö ár ef frum-
varp sem Jón Bjarnason sjávarút-
vegsráðherra lagði fyrir Alþingi
í gær verður að lögum. „Þetta er
mjög sérstakt,“ segir Friðrik J.
Arngrímsson, framkvæmdastjóri
Landssambands íslenskra útvegs-
manna. „Þarna er bara verið að
fara fyrningarleiðina með eina
fisktegund.“
Viðbótarkvótinn verður ófram-
seljanlegur. Útgerðum allra skipa
gefst kostur á að kaupa allt að
fimm tonn fyrir hvert skip.
Frumvarpið gerir ráð fyrir að
ríkið eigi að verja fjörutíu prósent-
um af þeim 240 milljónum króna
sem fáist við kvótasöluna í rann-
sóknarsjóð til að auka verðmæti
sjávarfangs. Sextíu prósent eiga
að renna til byggðaáætlunar til að
stuðla að atvinnuþróun og nýsköp-
un í sjávarbyggðum.
Friðrik J. Arngrímsson segir að
ríkið hafi aldrei áður selt kvóta
á nytjastofna með þeim hætti
sem frumvarpið gerir ráð fyrir.
„Ég held að þetta hljóti að verða
endurskoðað í ljósi þeirra loforða
sem ríkisstjórnin hefur gefið í
tengslum við gerð stöðugleikasátt-
málans. Ef þetta á að ganga fram
eru það algjör svik við þau loforð
sem gefin hafa verið.“
Friðrik vísar þar til yfirlýs-
ingar forsætis- og fjármálaráð-
herra frá 28. október síðastliðnum
um að engin breyting hafi orðið
varðandi þann „sáttafarveg sem
endurskoðun fiskveiðistjórnunar-
innar var sett í með skipun nefnd-
ar sjávarútvegs- og landbúnaðar-
ráðherra í sumar, þar sem forsenda
nefndarstarfsins er að skapa sjáv-
arútveginum góð rekstrarskilyrði
til langs tíma“. Hann segir vandséð
hvernig ákvæði frumvarps Jóns
Bjarnasonar samrýmist þeirri
yfirlýsingu.
Smábátasjómenn bregðast með
öðrum hætti en LÍÚ við frum-
varpi sjávarútvegsráðherra. Sam-
tök þeirra hafa undanfarið hvatt
til þess að gefinn verði út aukinn
skötuselskvóti. Mun meira hafi
veiðst af skötusel en áður og á áður
óþekktri veiðislóð undan Vestur-
og Norðurlandi þar sem hann hafi
komið sem meðafli við línu- og
grásleppuveiðar. Kvótaskortur
hafi valdið vandræðum.
Arthur Bogason, framkvæmda-
stjóri Landssambands smábátaeig-
enda, sagðist í samtali við Frétta-
blaðið fagna því að búið væri að
stíga þetta skref til þess að auka
kvóta á skötusel. „En það á eftir
að koma í ljós í framkvæmdinni
hvort þetta er rétta lausnin,“ segir
Arthur. peturg@frettabladid.is
SKÖTUSELUR Í stað þess að úthluta viðbótarafla á skötusel til þeirra sem eiga kvóta
fyrir mun ríkið selja kílóið á 120 krónur og geta allar útgerðir fengið allt að fimm
tonn hverju sinni. FRÉTTABLAÐIÐ/GVA
Ríkið selji kvótann
á 120 krónur kílóið
Samkvæmt stjórnarfrumvarpi á að selja 2.000 tonna kvóta af skötusel og afla
ríkinu 240 milljóna króna. Verið að fara fyrningarleiðina með eina fisktegund,
segir framkvæmdastjóri LÍÚ og telur aðferðina andstæða stöðugleikasáttmála.
Búið er að veiða rúman helming
þess 2.500 tonna kvóta af skötu-
sel sem gefinn var út við upphaf
fiskveiðiársins 1. september. Verð á
kvóta hefur rokið upp.
Skilyrði í hafinu eru hagstæð
skötusel og hefur útbreiðsla hans
aukist mikið. Skötuselur veiðist nú á
áður óþekktri slóð undan Vestur- og
Norðurlandi og kemur í miklum
mæli sem meðafli við grásleppu- og
línuveiðar hjá bátum sem ekki hafa
gert út á skötusel og eiga ekki kvóta
í tegundinni.
Eftirspurn eftir kvóta á skötusel
hefur verið mikil af þessum sökum
og markaðsverðið hefur hækkað
verulega.
Í gær seldist kílóið á 270 krónur
en um sama leyti í fyrra á um 110
krónur á kíló. Meðalleiguverð á
kvóta í tegundinni er 120 krónur sé
horft til síðustu átján mánaða.
120 krónur er verðið sem frum-
varp sjávarútvegsráðherra miðar við
að Fiskistofa taki fyrir hvert kíló af
2.000 tonna viðbótarkvótanum. Það
þýðir að þessi kvótasala ríkisins mun
skila 240 milljóna króna tekjum í
ríkissjóð næstu tvö fiskveiðiár. Kvóti
á nytjastofna hefur ekki áður verið
seldur með þessum hætti heldur
úthlutað til útgerða í samræmi við
svokallaða aflahlutdeild þeirra.
Öllum útgerðum sem eiga skip
sem hafa heimild til veiða mun
nú gefast kostur á að kaupa allt að
fimm tonn af viðbótarkvótanum fyrir
hvert skip. Ekki má hins vegar nýta
viðbótarkvótann til veiða á upp-
haflegri veiðislóð skötusels undan
Suðurlandi.
VIÐBÓTARKVÓTINN VERÐI SELDUR
FASTEIGNIR Björgólfur Thor Björg-
ólfsson og Kristín Ólafsdóttir, kona
hans, eiga sumarbústaðina þrjá í
Gjábakka í Þingvallaþjóðgarðinum
sem sagt var frá í Fréttablaðinu á
mánudag. Upplýsingar úr þjóðskrá
að Ólafur H. Jónsson, faðir Krist-
ínar, væri eigandi tveggja einka-
hlutafélaga sem eiga sumarhúsin
reyndust ekki vera réttar.
Fram hefur komið að Þingvalla-
nefnd ætlar að óska eftir skýr-
ingum á því að vegi í grennd við
sumarhúsin, sem standa á leigulóð-
um í eigu ríkisins, hefur verið lokað
með keðju og almenningi bægt frá
með skilti um að um einkaveg sé
að ræða. Ólafur H. Jónsson, eini
stjórnarmaður félagsins Gjábakka
sem á tvö húsanna og félagið Vatns-
vík sem á þriðja húsið, sagði ekkert
um málið þegar Fréttablaðið leitaði
til hans.
Félagið Gjábakki ehf. var stofn-
að árið 2003 og keypti sumarhús
SÍBS í Gjábakkalandi 3 á árinu
2004. Í desember 2006 keypti
félagið síðan sumarbústaðinn í
Gjábakkalandi 5. Einnig á félagið
Vatnsvík ehf. sem eignaðist sum-
arbústaðinn á Gjábakkalandi 1 á
árinu 2004. Björgólfur Thor og
Kristín voru búin að kaupa Gjá-
bakkaland ehf. – og þar með húsin
þrjú – á árinu 2007. Fyrri eigandi
Gjábakkalands ehf. var Þorsteinn
Steingrímsson. Um síðustu ára-
mót skuldaði félagið níutíu millj-
ónir króna af fasteignaláni. Hús-
eignir félagsins standa þar á móti.
- gar
Rangt að Ólafur H. Jónsson eigi Þingvallahúsin sem hann var skráður fyrir:
Björgólfur Thor á húsin í Gjábakka
SJÁVARÚTVEGUR Útgerðum verður
aðeins heimilt að flytja tíu pró-
sent af aflaheimildum milli fisk-
veiðiára í stað 33 prósenta nú,
samkvæmt frumvarpi sem sjávar-
útvegsráðherra lagði fyrir Alþingi
í gær. 2008 var þessi heimild
hækkuð úr tuttugu prósentum í
33 en verður lækkuð í tíu prósent
þetta árið og í fimmtán prósent til
frambúðar.
Meðal annarra breytinga sem
frumvarpið felur í sér er aukin
veiðiskylda; nýta þurfi helming
af kvóta hvers árs og ekki megi
flytja meira en helming af kvóta
árs yfir á önnur skip. Markmiðið
er að þeir sem fái aflaheimildum
úthlutað veiði sem mest sjálfir. - pg
Breytt fiskveiðistjórnunarlög:
10% í stað 33%
kvóta geti flust
LÖGREGLUMÁL Lögreglan á höfuð-
borgarsvæðinu stöðvaði kanna-
bisræktun í íbúð í fjölbýlishúsi í
Kópavogi síðdegis í fyrradag. Við
húsleit fundust rúmlega tuttugu
kannabisplöntur á lokastigi rækt-
unar. Íbúðin var mannlaus þegar
lögreglan kom á vettvang en hún
veit hver stendur að baki ræktun-
inni. Það er karlmaður á þrítugs-
aldri sem hefur áður komið við
sögu lögreglu.
Lögreglan biður fólk um að
hafa augun opin og koma upplýs-
ingum um fíkniefnamál áfram á
framfæri. Það má gera nafnlaust
í fíkniefnasímann 800 5005.
- jss
Kannabis í Kópavogi:
Lögreglan tók
tuttugu plöntur
BJÖRGÓLFUR
THOR Á mánu-
dag var sagt frá
því í Fréttablað-
inu að Þing-
vallanefnd teldi
óheimilt að hefta
för almennings
um leigulóðir
undir sumarhús
í friðlandinu í
Gjábakka.
Ættu stjórnvöld að endurskoða
stefnu sína gagnvart hælisleit-
endum?
Já 41,3%
Nei 58,7%
SPURNING DAGSINS Í DAG:
Ertu tilbúin(n) til að taka á þig
aukna skattbyrði vegna efna-
hagsástandsins?
Segðu þína skoðun á visir.is
KJÖRKASSINN
Hringdu í síma 551 1200 eða
smelltu þér á leikhusid.is ÞJÓÐLEIKHÚSIÐ
ALLRA SÍÐUSTU
SÝNINGAR!
AUKASÝN
INGAR
LAU. 14. N
ÓV KL. 16
FIM. 19. N
ÓV KL. 20