Fréttablaðið - 11.11.2009, Blaðsíða 10

10 11. nóvember 2009 MIÐVIKUDAGUR
Auglýsingasími
– Mest lesið
SUÐUR-KÓREA, AP Átök milli her-
skipa frá Norður- og Suður-Kóreu
hafa ekki orðið í sjö ár. Á þriðju-
daginn skiptust herskip frá ríkj-
unum á skotum úti af vesturströnd
ríkjanna.
Samkvæmt frásögn Suður-Kór-
eumanna sigldi norður-kóreska
skipið yfir landhelgislínu, sem
deilur hafa lengi staðið um. Suður-
Kóreumenn segjast hafa skotið á
skipið frá Norður-Kóreu, sem hafi
þó komist undan illa laskað.
Norður-Kóreustjórn neitar
því að skipið hafi siglt yfir lín-
una. Þvert á móti hafi skipið frá
Suður-Kóreu verið komið norð-
ur yfir línuna og skotárásin því
verið algerlega ástæðulaus. Norð-
ur-Kóreumenn segjast strax
hafa brugðist við og stökkt skipi
andstæðingsins á flótta. Norður-
Kóreumenn krefjast afsökunar-
beiðni frá Suður-Kóreumönnum
vegna þessa atviks.
Átökin urðu þegar Bandaríkja-
menn skýrðu frá því að Barack
Obama myndi senda sérstakan
fulltrúa sinn til Norður-Kóreu
til að eiga beinar viðræður við
stjórnina þar um kjarnorkuáform
landsins.
Þetta yrðu fyrstu beinu viðræð-
urnar við Norður-Kóreumenn frá
því Obama tók við völdum í janúar
síðastliðnum.
„Þetta var vísvitandi ögrun af
hálfu Norður-Kóreumanna til þess
að vekja athygli áður en Obama
kemur,“ sagði Shin Yul, stjórn-
málafræðingur við háskóla í Seúl,
höfuðborg Suður-Kóreu.
Hann segir einnig að stjórnvöld
í Norður-Kóreu séu með þessu að
senda Obama skilaboð um að þau
vilji að varanlegur friðarsamning-
ur verði gerður við Suður-Kóreu,
sem fæli í sér að Norður-Kórea
fengi að halda kjarnorkuvopnum
sínum.
Bandaríkjastjórn hefur jafnan
haldið fast við þá afstöðu að Norð-
ur-Kóreumenn verði að losa sig
við öll kjarnorkuvopn áður en af
friðarsamningi geti orðið.
Kóreuríkin hafa ekki náð sam-
komulagi um legu landhelgismarka,
meira en hálfri öld eftir að Kóreu-
stríðinu lauk. Friðarsamningur var
aldrei gerður, heldur aðeins vopna-
hléssamningur sem enn er í gildi.
Strangt til tekið eiga ríkin því enn
í stríði. gudsteinn@frettabladid.is
Orrusta herskipa
við strendur Kóreu
Átök urðu milli herskipa frá Norður- og Suður-Kóreu úti af vesturströnd ríkjanna,
þar sem landhelgislína er umdeild. Suður-Kóreustjórn segir herskip að norðan
hafa siglt yfir línuna. Norður-Kóreumenn neita því og krefjast afsökunarbeiðni.
SUÐUR-KÓRESK HERSKIP Þessi skip eru sömu gerðar og herskipið sem lenti í átökum við skip frá Norður-Kóreu. FRÉTTABLAÐIÐ/AP
Apótekið Hólagarði, Apótekið Spöng,
Apótekið í Hagkaupshúsinu Skeifunni
og á Akureyri
50gr
100gr
TONI & GUY
20%
AFSLÁTT
UR
í nóvembe
r
VIÐSKIPTI Novator, félag í eigu
Björgólfs Thors Björgólfssonar,
helsta eiganda fjarskiptafyrirtæk-
isins Nova, lagði Nova til tæpa 2,9
milljarða króna í aukið hlutafé á
síðasta ári.
Í fyrirvara endurskoðenda við
ársreikning Nova vegna afkomu
síðasta árs segir að vegna óvissu í
íslensku efnhahagslífi eftir hrun-
ið í fyrra og þeirra breytinga sem
hafi orðið á íslensku viðskiptalífi í
kjölfarið hafi óvissa um framtíðar-
vöxt Nova aukist. Því hafi hlutafé
fyrirtækisins verið bætt verulega.
Þá segir að stjórnendur félagsins
hafi nægt fjármagn til að fjár-
magna áætlaðan taprekstur fram
á fjórða ársfjórðung á þessu ári,
gangi áætlanir eftir.
Liv Bergþórsdóttir, framkvæmda -
stjóri Nova, segir efnahagshrunið
ekki hafa sett það skarð í rekstur-
inn líkt og óttast hafi verið. Þvert
á móti stefni í að viðskiptavinir
verði sextíu þúsund í lok þessa árs
en það er tvöföldun á milli ára. Þá
er gert ráð fyrir að tekjur nemi 2,5
milljörðum króna fyrir árið, sam-
anborið við 1,3 milljarða í fyrra.
Nova tapaði 1,3 milljörðum í fyrra,
á fyrsta rekstrarárinu.
„Við gerðum ráð fyrir því að
síðasta ár yrði á þessum nótum.
Rekstraráætlanir ársins hafa geng-
ið eftir þrátt fyrir hrunið,“ segir
Liv og þakkar það meðal annars
aukinni verðvitund neytenda að
viðskiptavinum hafi fjölgað þetta
mikið á árinu.
- jab
Afkoma Nova batnaði mikið í hruninu, segir framkvæmdastjóri fyrirtækisins:
Hlutafé aukið um þrjá milljarða
LIV BERGÞÓRS-
DÓTTIR
Segir stefna í
að viðskipta-
vinir Nova verði
sextíu þúsund í
lok ársins.