Fréttablaðið - 11.11.2009, Blaðsíða 19
Sölufulltrúi Jóna María Hafsteinsdóttir jmh@365.is 512 5473
GönGuSkíðaferð verður farin á vegum Ferðaþjónustu
bænda 30. janúar til 6. febrúar. Ferðinni er heitið til Oberstdorf í
þýsku Ölpunum sem er jafnframt syðsti bær Þýskalands. Þar er frá-
bært gönguskíðasvæði en heimsmeistaramótið í norrænum greinum
var haldið þar árin 1987 og 2005. www.baendaferdir.is
„Ég hef aldrei lent í öðru eins. Og
hef ég nú lent í ýmsu,“ segir Ægir
Sævarsson, sölumaður hjá Bet-
ware á Íslandi, sem gripið hefur í
leiðsögumennsku flest sumur síð-
ustu sautján ár eða svo. Ein slík
ferð í júlí síðastliðnum er Ægi
minnisstæð.
Ægir var leiðsögumaður í svo-
nefndri VIP-ferð þar sem við-
skiptavinir, í þessu tilfelli fjögurra
manna fjölskylda frá Frakklandi,
panta jeppa með leiðsögumanni í
heila viku til að ferðast um landið
þvert og endilangt.
„Eldsnemma einn morguninn
ákváðum við að keyra út í Ing-
ólfshöfða, klettahöfðann suður af
Öræfajökli, eins og ákveðið hafði
verið. Keðja hafði verið sett fyrir
vegarslóðann út í höfðann en ég
hugsaði ekki mikið út í það, hélt
að um varúðarráðstöfun væri að
ræða,“ segir Ægir. „Þar sem við
erum að keyra í makindum okkar
sé ég skyndilega í baksýnis-
speglinum hvar LandRover-jeppi
kemur brunandi á brjálaðri ferð á
eftir okkur. Svo veit ég ekki fyrr
til en jeppinn keyrir þvert í veg
fyrir mig og snarstoppar.“
Ægir þurfti að nauðhemla og lá
við að hann fengi alla fjölskylduna
á mælaborðið hjá sér. Hann steig
út úr bílnum og ætlaði að ræða
við manninn á jeppanum. „Hann
er svona rosalega reiður og engu
tauti né rauli komandi við hann.
Áður en ég vissi hvað var að ger-
ast var hann búinn að vinda sér
inn í bílinn hjá okkur, taka lykil-
inn úr svissinum og keyra burt.“
Ægir segist ekki hafa vitað sitt
rjúkandi ráð þegar þarna var
komið við sögu. „Mér datt í hug
að sýna þessum ágætu ferða-
mönnum smá sýnishorn af þjóð-
aríþróttinni, íslenskri glímu, og
stökkva upp á bakið á mannin-
um. En ég hætti nú við það. Í ljós
kom að þarna var á ferð maður
sem rak þarna ferðaþjónustu og
keyrði ferðamenn á dráttarvél út
í höfðann. Í einfeldni minni hélt
ég að gengið hefði verið frá öllum
hnútum varðandi þennan mann,
en svo var ekki.“
Ægir hringdi í ferðaþjónustuna
sem hann vann hjá og bað um
aðstoð. Svo tók við heil klukku-
stund þar sem fjölskyldan og leið-
sögumaðurinn sátu á sandinum og
veltu fyrir sér næsta skrefi. „Ég
vissi svo sem að þetta myndi redd-
ast, enda kom eiginkona mannsins
um síðir á traktor út á sandinn og
skilaði lyklunum.
En það sem stendur upp úr eru
viðbrögð mannsins. Vel má vera
að ég hefði ekki átt að losa keðj-
una og nota aðstöðu sem hjónin
höfðu byggt upp, en þetta voru
algjörlega fáránleg viðbrögð við
lítilfjörlegum glæp, ef um glæp
var þá að ræða. Ábyrgðarleysið er
algjört. Maður veit aldrei hvern-
ig fólk maður hefur í bílnum og
milljón hlutir geta komið upp á,“
segir Ægir.
Hann segir frönsku fjölskyld-
una hafa verið töluvert skelk-
aða, en þó tekið hlutunum með ró.
„Þau sögðu mér að þau hefðu lent
í alls kyns skakkaföllum á ferð-
um sínum um heiminn. Greinilega
fyrirtaks hrakfallabálkar þarna á
ferð.“ kjartan@frettabladid.is
Hasarinn við Höfðann
Ægir Sævarsson hefur starfað í og með sem leiðsögumaður um ísland í ein sautján ár. Áætluð ferð út á
Ingólfshöfða með fjögurra manna fjölskyldu frá frakklandi er honum minnisstæðari en flestar aðrar.
Ægir Sævarsson lenti í hremmingum með fjögurra manna hrakfallabálkafjölskyldu frá Frakklandi í sumar.
Fréttablaðið/gva
UPPLÝSINGAR O