Fréttablaðið - 11.11.2009, Blaðsíða 8

8 11. nóvember 2009 MIÐVIKUDAGUR
Hvítt fyrir sparsama.
Gull.
Silfur.
Hvítt.
1Miðað við venjulegar glóperur | 2 Kveikingar: 90 mín kveikt, 15 mín. slökkt
Eiginleikar vöru
DULUXSTAR®
Stick
DULUXSTAR®
Mini Twist
DULUXSTAR®
Mini Ball
DULUXSTAR®
Mini Candle
DULUXSTAR®
Reflector
R63
Orkusparnaður
allt að
80 %1 80 %1 80 %1 80 %1 80 %1
Meðallíftími 10.000 klst. 8.000 klst. 10.000 klst. 10.000 klst. 10.000 klst.
NÝR ljóslitur!
Warm comfort já já já já já
Kveikingar 20.000 2 5.000 2 10.000 2 10.000 2 20.000 2
Vött (W) 5-30 5-23 5-20 5-10 11-13
Sökkull E14, E27 E14, E27 E14, E27 E14, E27 E27, R63
OSRAM DULUXSTAR®
Jóhann Ólafsson & Co. | Krókhálsi 3 | sími 533-1900 | www.olafsson.is
OSRAM sparperur fást í þremur flokkum
DÓMSTÓLAR Búist er við úrskurði
innan fjórtán daga um hvort afhenda
eigi Vilhjálmi Bjarnasyni, lektor og
fjárfesti, upplýsingar um 24 millj-
arða króna veðlaust lán Glitnis til
fjárfestingarfélagsins Fons. Vil-
hjálmur stefndi bæði skilanefnd
Glitnis og þrotabúi Fons vegna máls-
ins. Málflutningur fór fram í Hér-
aðsdómi Reykjavíkur í gær.
Guðni Ásþór Haraldsson, lögmað-
ur Vilhjálms, segir að Vilhjálmur
telji sig, ásamt öðrum þeim sem átt
hafi hlut í Glitni, hugsanlega geta
haft hagsmuni af því að sjá hvers
vegna Fons hafi fengið lán án þess
að fyrir því láni væru fullar trygg-
ingar. „Hann vill því fá að sjá lána-
gögnin er lágu að baki kröfulýsing-
unni í búið. Skiptastjórinn neitar af
því að hann telur að Vilhjálmur hafi
ekki sýnt fram á þá hagsmuni sem
hann hafi af því að sjá gögnin og
skilanefnd Glitnis þorir ekki annað
en að neita af því að hún telur sig
bundna bankaleynd.“ Málið er hið
fyrsta sinnar tegundar hér og segir
Guðni það snúast um grunngildi
í því hvort bankaleynd nái út yfir
gröf og dauða, eða hvort hún falli
niður þegar félag fari í þrot. „Við
byggjum mál okkar á því að í þrota-
búinu verði til nýr aðili sem taki
ekki við óhlutbundnum réttindum á
borð við bankaleynd.“
Guðni segir þó að önnur sjónar-
mið kunni að eiga við þegar ein-
staklingur fari í þrot. „Þegar búið
er að skipta hlutafélagi er það ekki
lengur til, en einstaklingur sem fer
í þrot heldur áfram að lifa.“ - óká
RÆÐA MÁLIN Vilhjálmur Bjarnason fjár-
festir og Gunnar Þ. Andersen, forstjóri
Fjármálaeftirlitsins, ræða málin á árs-
fundi Seðlabankans í vor. FRÉTTABLAÐIÐ/VALLI
Mál Vilhjálms Bjarnasonar á hendur gamla Glitni var flutt í héraði í gær:
Vill gögn um lán án trygginga
FÉLAGSMÁL Ingibjörg Hinriksdóttir,
stjórnarmaður í Knattspyrnusam-
bandi Íslands (KSÍ), telur að ekki
hafi verið tekið rétt á málum fjár-
málastjóra sambandsins, en millj-
ónir voru teknar af korti sam-
bandsins sem hann var með á
nektarstað í Sviss. Ingibjörg telur
að málið hefði átt að vera opinbert
frá fyrstu stundu.
„Mér finnst þetta mál ömurlegt
í heild sinni og mér var verulega
brugðið þegar ég heyrði fyrst af
því í fjölmiðlum á fimmtudag. Ég
þekkti Pálma [fjármálastjórann]
ekki af öðru en að vera æruverð-
ugur og heiðarlegur maður. Sú leið
sem var farin var ekki sú sem ég
hefði kosið fyrst. Ég hefði kosið að
stjórnin hefði verið kölluð saman
og upplýst og málið rætt.“
Ingibjörg segir að málið sé KSÍ
ekki til sóma og það skaði knatt-
spyrnu á Íslandi. Setja verði siða-
reglur fyrir sambandið. „Það hefði
mátt vera ákvörðun fyrrum fram-
kvæmdastjóra og núverandi for-
manns að setja slíkar siðareglur.
Það tækifæri nýtti hann því miður
ekki. Ég held að það sé rangt að
fara í felur með svona mál. Það
er heiðarlegast að hafa allt uppi á
borðinu.“
Geir Þorsteinsson, formaður
KSÍ, segir að stjórnin muni fara
yfir erindi menntamálaráðherra,
en líkt og Fréttablaðið greindi frá
í gær, hefur Katrín Jakobsdótt-
ir krafist skýringa frá samband-
inu. Málið verði rætt í stjórn sam-
bandsins 19. nóvember. Hann hafi
ekki enn kynnt sér dóminn sem
féll í Sviss en hann muni gera
það.
Ingibjörg hafði ekki heyrt af
stjórnarfundinum þegar Frétta-
blaðið náði tali af henni. „Mér
finnst málið nú komið í ógöngur
og veit ekki hvaða skref eru best
í því. Við í stjórninni þurfum að
taka þau skref í sameiningu.“
kolbeinn@frettabladid.is
Stjórnarmaður KSÍ
vill setja siðareglur
Stjórnarmaður í KSÍ vill að sambandið setji sér siðareglur í kjölfar máls fjár-
málastjóra í Sviss. Málið hafi skaðað knattspyrnu á Íslandi og ekki hafi verið
tekið rétt á því. Málið verður rætt á stjórnarfundi eftir viku.
ÓSÁTT Í STJÓRNINNI Ingibjörg telur að upplýsa hefði átt þegar um málefni fjármála-
stjóra, en 3,2 milljónir króna voru teknar af korti KSÍ á nektarstað í Sviss. Hún kallar
eftir siðareglum. FRÉTTABLAÐIÐ/VILHELM