Fréttablaðið - 11.11.2009, Síða 38

26 11. nóvember 2009 MIÐVIKUDAGUR
folk@frettabladid.is
Börkur Gunnarsson hefur
búið til manifestó, eða
nokkurs konar leikreglur
yfir það hvernig gera skal
kreppubíómyndir á Íslandi í
framtíðinni.
Börkur telur að íslensk kvikmynda-
gerð sé í hættu og að við því þurfi
að bregðast. Gera þurfi kvikmynd-
ir þar sem sagan og persónurn-
ar séu í algjörum forgrunni. „Ég
hef alla mína ævi verið í kreppu.
Ég gerði mína fyrstu bíómynd í
kreppu í Tékklandi 2004 þegar allt
var í fullum blóma hér heima og
þróaði bara með mér skjalið út frá
kreppuaðstæðum,“ segir Börkur
og á þar við myndina Sterkt kaffi
sem var gerð fyrir aðeins tuttugu
milljónir. Hún hlaut Menningar-
verðlaun DV sem besta íslenska
myndin og naut einnig mikillar
hylli erlendis.
Leikreglur Barkar eru sextán
talsins og eru í anda dogma-stefn-
unnar, vinnubragða leikstjórans
Mikes Leigh og hinnar svokölluðu
frönsku bylgju. Á meðal þeirra skil-
yrða sem Börkur setur þeim sem
vilja spreyta sig á kreppubíómynd-
um er að þær fjalli um samtímann,
handritið skuli skrifað með kvik-
myndavélinni, leikarar noti eigin
föt, aðeins sjö manns megi vera í
kvikmyndateyminu og að veðrið
megi aldrei koma í veg fyrir tökur.
„Það er gaman að skoða hvað getur
komið út úr því að vinna úr svona
aðstæðum þegar þú býrð til stíl.
Hvort sem þú ert að gera skáld-
sögu eða bíómynd þarftu að skoða
hvernig útkoman verður ef þú ein-
beitir þér að þessum stíl. Ég held að
þetta verði mjög spennandi, fyrir
utan að núna eru Ísland og kreppa
nátengd orð eins og ást og hatur.
Þetta er líka frábært markaðstæki
úti,“ segir Börkur, sem hefur feng-
ið góð viðbrögð hjá vinum sínum úr
kvikmyndabransanum.
Börkur heldur á morgun boð-
sýningu á mynd sinni Sterkt kaffi
í Laugarásbíói í tilefni af útgáfu
hennar á mynddiski. Þar ætlar
hann að nota tækifærið og kynna
þessar nýju leikreglur sínar, sem
gætu orðið áberandi í íslenskri
kvikmyndagerð í framtíðinni.
freyr@frettabladid.is
GHOSTIGITAL Einar Örn Benediktsson og
Curver eru forsprakkar Ghostigital.
Hljómsveitin Ghostigital heldur
tvenna tónleika í New York í vik-
unni. Fyrri tónleikarnir verða í
kvöld á staðnum Monkey Town í
borginni Williamsburg þar sem
Casper Electronics sér um upp-
hitun. Á morgun kemur sveitin
fram á listahátíðinni Performa
09 ásamt Casper og listamann-
inum Finnboga Péturssyni. Þar
flytja þeir stutt verk ásamt hópi
annarra listamanna. - fb
Spila tvisvar
í New York
BÖRKUR GUNNARSSON Börkur hefur búið til leikreglur um hvernig gera skal kreppu-
myndir á Íslandi. FRÉTTABLAÐIÐ/VILHELM
Semur leikreglur um kreppubíó
Tvöföld tónleikaplata með Megasi og Senuþjófunum,
Segðu ekki frá (með lífsmarki), er komin í búðir. Platan
inniheldur tónleikaupptökur frá árinu 2007 þar sem Megas
og Senuþjófarnir ferðuðust um landið og léku allar helstu
perlur meistarans af mikilli list. Alls eru 26 lög á plötunum
tveimur og að sögn Kidda úr Senuþjófunum var úr miklu
af góðu efni að moða. „Það voru ekki endilega tekin best
spiluðu lögin heldur líka þau sem höfðu sögulegt gildi eins
og þegar brunabjallan fer í gang eða þegar Megas missir
röddina,“ segir Kiddi.
Upptökurnar eru frá Bræðslunni á Borgarfirði eystra,
Græna hattinum á Akureyri, Edinborgarhúsinu á Ísafirði
og Laugardalshöll og innihalda þær lög á borð við Lóa
Lóa, Ragnheiður biskupsdóttir, Reykjavíkurnætur,
Spáðu í mig og Paradísarfuglinn. Platan er sú fyrsta
með Megasi sem Borgin – hljómplötuútgáfa gefur út.
Von er á nýrri hljóðversplötu frá Megasi og Senuþjóf-
unum og er Megas þessa dagana í óða önn að semja efni á
hana. Líklegt er að upptökur fari í gang á næsta ári og að
platan líti dagsins ljós næsta sumar. -fb
Brunabjalla og raddmissir
> ALDREI HLUSTAÐ Á JAY-Z
Söng- og leikkonan unga, Miley Cyrus, sagðist fyrir
stuttu ekki hlusta á popptónlist og að hún hefði aldrei
heyrt tónlist rapparans Jay-Z. Lag henn-
ar Party in the USA þykir svipa mjög
til lags eftir Jay-Z en þegar Cyrus var
spurð út í lagið sagðist hún ekki
hafa samið það sjálf. „Þetta er ekki
minn stíll. Ég samdi ekki lagið. Ef
ég á að vera hreinskilin þá vant-
aði mig bara skemmtilegt lag fyrir
fatalínu mína. Ég bjóst ekki við
að lagið mundi ná þessum vin-
sældum,“ sagði stúlkan.
MEGAS Megas og Senu-
þjófarnir hafa sent frá sér
tónleikaplötuna Segðu
ekki frá (með lífsmarki).
FRÉTTABLAÐIÐ/VALLI
4