Fréttablaðið - 11.11.2009, Blaðsíða 46
34 11. nóvember 2009 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. kviður, 6. borðaði, 8. hár, 9. tilvist,
11. óhreinindi, 12. flottur, 14. gort, 16.
hvað, 17. titill, 18. kærleikur, 20. utan,
21. högg.
LÓÐRÉTT
1. líkamshluti, 3. tvíhljóði, 4. planta,
5. angan, 7. æxlast, 10. fley, 13. skarð,
15. klasi, 16. rámur, 19. í röð.
LAUSN
LÁRÉTT: 2. magi, 6. át, 8. ull, 9. líf,
11. im, 12. smart, 14. grobb, 16. ha,
17. frú, 18. ást, 20. án, 21. stuð.
LÓÐRÉTT: 1. háls, 3. au, 4. glitbrá,
5. ilm, 7. tímgast, 10. far, 13. rof, 15.
búnt, 16. hás, 19. tu.
„Við höfum fengið vilyrði fyrir áframhaldandi sam-
starfi frá stjórnendum Topshop ef við höldum áfram
að selja svona vel,“ segir Heba Hallgrímsdóttir,
annar eigenda íslenska tískumerkisins Elabel.
Elabel hefur verið til sölu í verslun Topshop í Lund-
únum í tvær vikur og að sögn Hebu hefur salan
gengið vel. „Enn hafa ekki allir stílarnir frá okkur
farið í sölu því þessu er skipt niður. En fyrir helgi
fengum við þær góðu fréttir að Elabel var sölu-
hæsta fatamerkið í Edit-deildinni í viku númer tvö,“
segir Heba.
Heba og Ásta Kristjánsdóttir meðeigandi segj-
ast vera hæstánægðar með fréttirnar og vonast
eftir því að merkið verði áfram það söluhæsta því
það geti þýtt áframhaldandi samstarf við Topshop.
„Þetta var stórt skref sem við tókum þegar við
ákváðum að fara inn í Topshop þar sem við þurftum
að fjármagna allan lagerinn sjálfar,“ segir Heba.
„Við ákváðum að gera þetta því hægt og örugglega,
þannig að við ráðum vel við allt sem við tökum
okkur fyrir hendur. Við erum einnig að fara í sam-
starf við verslunina Imperial á Akureyri, þannig að
við erum hægt og rólega að færa út kvíarnar.“ -sm
Elabel söluhæst í Topshop
STÆKKA VIÐ SIG Ásta Kristjánsdóttir og Heba Hallgrímsdóttir
eru hæstánægðar með árangur Elabel.
Tónlistarmaðurinn Ólafur Arnalds
hefur gert höfundarréttarsamning við
eitt stærsta umboðs- og útgáfufyrirtæki
heims, Nettwerk. „Þau eru alveg frábær
og eru að gera frábæra hluti fyrir mig,“
segir Ólafur. Hann var áður á mála hjá
breska fyrirtækinu Burleywood, sem er
nú í eigu Nettwerk.
Samningurinn virkar þannig að Nett-
werk greiðir Ólafi nokkrar milljónir
fyrir höfundarréttinn að lögunum á
næstu þremur plötum hans og nær
samningurinn til tíu ára. Stefgjöldin
sem fást af lögunum skiptast síðan á
milli Ólafs og Nettwerk. „Ég sé ekki
eftir þessu. Það er líka öryggi að fá
svona fyrirframgreiðslur,“ segir Ólafur
og telur að hann geti nú einbeitt sér
enn betur að tónlistinni næstu árin.
Fyrirtækið mun leggja mikla áherslu á
að koma lögum Ólafs að í kvikmyndum
og sjónvarpsþáttum, enda á miklu að
græða ef það gengur eftir.
Nettwerk er sama fyrirtæki og Lay
Low rifti útgáfusamningi sínum við, eins
og kom fram í Fréttablaðinu í gær. Í kjöl-
farið gerði hún höfundarréttarsamning,
líkan þeim sem Ólafur gerði, við banda-
ríska fyrirtækið Songs Publishing.
Ólafur er þessa dagana að vinna að
nýrri plötu með aðstoð Barða Jóhanns-
sonar. Stuttskífa hans Found Songs, sem
hann gaf á netinu fyrr á árinu, kemur
út á geisladiski hérlendis í lok nóvem-
ber. Jafnframt er væntanleg útgáfa á
tónlist Ólafs við dansverkið Dyad 1909
eftir hinn virta höfund Wayne McGregor.
Ólafur er án útgáfusamnings, rétt eins og
Lay Low, og er þessa dagana að íhuga til-
boð frá nokkrum útgáfufyrirtækjum. - fb
Ólafur Arnalds semur við Nettwerk
ÓLAFUR ARNALDS Ólafur hefur gert höfundarréttarsamning við
umboðs- og útgáfufyrirtækið Nettwerk. FRÉTTABLAÐIÐ/ANTON
„Mér finnst plokkfiskurinn á
Þrem frökkum mjög góður,
sömuleiðis pitsurnar á Wilsons
Pizza.“
Tinna Þórarinsdóttir stjórnmálafræðingur.
BESTI BITINN Í BÆNUM
Rapparinn Emmsjé
Gauti vandaði Ingó
Veðurguði ekki
kveðjurnar í síðasta
tölublaði Popps,
sem fylgdi með
Fréttablað-
inu í enda
október.
Ingó svaraði fyrir sig á dögunum
og sagðist hreinlega aldrei hafa
heyrt um Emmsjé Gauta og spurði
hvort hann væri ný tegund af
hamborgara. Nú hefur Prikið gripið
deilurnar á lofti og hóf að bjóða
upp á McGauta-hamborgara fyrr í
vikunni. Gauti sjálfur sást gæða sér
á einum slíkum í vikunni, en Ingó
hefur ekki ennþá nýtt sér tilboðið.
Spurning hvort það þurfi að bjóða
upp á Bahama-borgara
svo hann láti sjá sig?
Leikstjórinn Ragnar
Bragason getur
loksins slakað á eftir
vinnutörn síðustu
vikna sem skilur eftir
sig Fangavaktina
og kvikmyndina
Bjarnfreðarson.
Fangavaktinni
lauk á dram-
atískan hátt síðasta sunnudag, en
kvikmyndin sem rekur smiðshögg-
ið á ævintýri Georgs, Daníels og
Ólafs Ragnars verður frumsýnd um
jólin. Ragnar hefur stýrt mörgum
af helstu leikurum þjóðarinnar
eins og herforingi undanfarið, en
álagið sagði til sín í gær þegar hann
lagðist í bælið með flensu á fyrsta
alvöru frídeginum eftir törnina.
Ný skáldsaga Steinunnar Sig-
urðardóttur, Góði elskhuginn,
kemur út í dag. Þrátt fyrir það
verður Steinunn fjarri góðu gamni
á útgáfudaginn því hún hefur verið
á miklu upplestrarferðalagi um
Þýskaland, þar sem bók hennar
Sólskinshestur kom nýverið út.
Steinunn, sem er búsett í
Berlín, er væntanleg
hingað til lands 16.
nóvember og mun
taka þátt í upplestr-
arkvöldum þangað
til hún flýgur af
landi brott tæpum
tveimur vikum
síðar. - afb, fb
FRÉTTIR AF FÓLKI
Aðeins eitt verð
1.190, - kr/kg
Fiskikóngurinn • Sogavegi 3 • sími 587 7755
Ath! Sama hvað það er.
Allur ferskur fi skur, allir fi skréttir
....allur fi skur í fi skborði.
Tilboðið gildir alla vikuna.
Blaðberinn
bíður
þín
Þú færð Blaðberann þinn í
Skaftahlíð 24 alla virka daga
frá kl. 8-17.
...góðar fréttir fyrir umhverfið
Blaðberinn...
„Við verðum á svakalega flottu
hóteli og svo ferðumst við jafn-
vel um fleiri eyjar – þannig að það
verða fleiri en eitt hótel,“ segir
fyrirsætan Jórunn Steinsson.
Ferðamálaráð Kanaríeyja blés í
lúðra í október og bauð Íslending-
um að hitta fulltrúa þeirra, sem
ætluðu að velja fimmtíu manns til
að fara í fría ferð til eyjanna. Jór-
unn var ein af þeim sem voru valin
og með í för verður kærastinn,
plötusnúðurinn Jóhann D. Bianco.
„Við vorum send inn í herbergi
þar sem um tuttugu Spánverjar
biðu. Svo var þetta eins og hrað-
stefnumót,“ segir Jórunn um
hvernig staðið var að valinu, en um
2.000 manns sóttu um. „Maður var
spurður fullt af spurningum í eina
mínútu, svo var blásið í flautu og
þá skipti maður um sæti. Ég var
löðrandi í svita þegar ég kom út úr
þessu. Ég var í eitt skipti beðin um
að standa upp og dansa macarena-
dansinn og gerði það.“
- Og dansinn hefur kannski ráðið
úrslitum?
„Já, það gæti vel verið. Það er
aldrei að vita.“
Jórunn og Jóhann fljúga út 25.
nóvember og dvelja í viku á lúx-
ushótelum í hitabeltisparadísinni.
Þau fá ekki miklar upplýsingar um
ferðina fyrr en stuttu fyrir brott-
för. „Við fáum ekki einu sinni að
vita hverjir fara með okkur út,“
segir Jórunn. Þau gátu þó valið
um fjögur þemu fyrir ferðina:
vatnasport-, eldfjalla-, slökunar-
og fjölskylduþema. „Við völdum
slökun; nudd, spa og svoleiðis – og
náttúrulega partí. Það verður ekki
betra.“
Jórunn er augljóslega mjög
spennt fyrir ferðinni, sem hún
segir farna á besta mögulega tíma.
Ferðalangarnir skuldbinda sig til
að vinna nokkur verkefni fyrir
ferðamálaráð Kanaríeyja, þó að
ferðin sé fyrst og fremst frí. „Það
verður fínt að fara út og hafa nóg
fyrir stafni,“ segir hún að lokum.
atlifannar@frettabladid.is
JÓRUNN STEINSSON: „VIÐ FÁUM EKKI AÐ VITA HVER FER MEÐ OKKUR“
Dansaði macarena og fékk
fría lúxusferð til Kanarí
FRÍTT Í SÓLINA Jórunn og Jóhann fara til Kanaríeyja í boði ferðamálaráðs eyjanna í nóvember. FRÉTTABLAÐIÐ/STEFÁN