Fréttablaðið - 11.11.2009, Side 16
16 11. nóvember 2009 MIÐVIKUDAGUR
Íslensk tryggingafélög
og fjarskiptafyrirtæki
verða vænlegir kostir
fyrir erlenda fjárfesta
í náinni framtíð. Þetta
kemur fram í nýrri skýrslu
ráðgjafarfyrirtækisins
Capacent Glacier sem
kynnt verður í dag.
Mikill meirihluti venjulegra Íslend-
inga og stjórnenda í íslenskum
fyrirtækjum er hlynntur erlend-
um fjárfestingum á Íslandi. Þetta
kemur fram í nýrri könnun sem
ráðgjafarfyrirtækið Capacent
Glacier lét gera fyrir sig og birtist
í nýrri skýrslu sem nefnist Erlend-
ar fjárfestingar á Íslandi: Lærdóm-
ur fortíðar, staðan í samtímanum
og tækifæri framtíðarinnar (e. For-
eign investment in Iceland: Past
lessons – present situation – future
opportunites) sem kynnt verður á
ráðstefnu á Grand Hótel í dag.
Magnús Bjarnason, forstjóri
Capacent Glacier, segir niður-
stöðurnar vera miklu jákvæð-
ari en hann bjóst við. „Það skipt-
ir gríðarlega miklu máli þegar
verið er að kynna Ísland erlend-
is að geta sýnt fram á að íbúarn-
ir séu hlynntir erlendri fjárfest-
ingu,“ segir Magnús, sem hefur
undanfarið heimsótt fjárfesta og
kynnt Ísland sem mögulegt land
tækifæra fyrir erlenda fjárfesta.
Fyrirtækið aðstoðaði meðal ann-
ars við kaup Magma Energy á hlut
í HS Orku.
Mikil þörf fyrir fjármagn á Íslandi
Magnús segir áhuga á fjárfest-
ingum á Íslandi vera mikinn og
enn fremur sé ljóst að mikil þörf
sé fyrir eigið fé inn í mörg fyr-
irtæki hér á landi. Áhugi stjórn-
enda íslenskra fyrirtækja á erlend-
um fjárfestingum komi því ekki
á óvart en í viðhorfskönnuninni
kemur fram að 86 prósent þeirra
eru hlynntir erlendum fjárfest-
ingum á Íslandi og 92 prósent telja
þær mikilvægar. Almenningur er
ekki alveg jafn hrifinn en þó er
mikill meirihluti þeirra sem svör-
uðu könnuninni hlynntur erlendri
fjárfestingu, eða 70 prósent, og 81
prósent telur hana mikilvæga fyrir
íslenskt hagkerfi.
Magnús segir reynslu erlendra
fjárfesta af Íslandi undanfarna
áratugi mjög góða. Álfyrirtækin
séu þar fyrirferðarmest en ekki
flest að tölu. Fyrsta stóra fjárfest-
ing erlendra aðila var álverið í
Straumsvík sem hóf starfsemi árið
1969. Í skýrslunni kemur fram að
sú fjárfesting var umdeild á sínum
tíma, rétt eins og álverið á Reyðar-
firði var áratugum síðar. Reynsl-
an af erlendum fjárfestingum sé
hins vegar góð. „Fjárfestingarnar
hafa gengið mjög vel upp bæðir
fyrir neytendur og fjárfesta. Nú
er reynslan orðin löng og farsæl,“
bendir Magnús á. Í skýrslunni
kemur enn fremur fram að þó að
viðhorf til erlendra fjárfestinga sé
almennt jákvætt eigi það ekki við
um fjárfestingar í öllum greinum.
Meirihluti sé til að mynda and-
vígur erlendum fjárfestingum í
sjávarútvegi og orkufyrirtækjum.
Þegar spurt var í framhaldi hvort
andstæðingarnir* væru tilbúnir að
skipta um skoðun, yrði sanngjarnt
gjald tekið fyrir notkunina á auð-
lindunum, kemur í ljós að mikill
meirihluti aðspurðra var til í það.
Sjóvá og VÍS til sölu
Magnús segir ljóst að veik staða
krónunnar heilli erlenda fjárfesta.
Tækifærin fyrir þá verði mýmörg
á næstunni, þegar fyrirtæki sem
nú séu í eigu eignaumsýslufélaga
bankanna verði seld á markaði.
Í skýrslunni eru tekin dæmi um
trygginga- og fjarskiptafyrirtæki
sem líklegt er talið að verði seld á
næstu árum. Þar á meðal er Sjóvá,
sem bent er á að hafi í raun verið
yfirtekið af ríkinu í gegnum eign-
arhald þess á Glitni og Íslands-
banka. Bent er á að Vörður sé
þegar í meirihluta Færeyjabanka.
Stærsta tryggingafyrirtæki lands-
ins, VÍS, er talið á meðal líklegra
tækifæra í náinni framtíð, og bent
er á að Vodafone sé nú að meiri-
hluta í eigu Landsbanka og endur-
skipulagning á fyrirtækinu miði
að því að fá inn nýja fjárfesta.
Magnús bendir á að í skýrslunni
séu leiddar líkur að því að þessi
fyrirtæki verði seld.
„Ísland hefur gott orðspor erlend-
is, það er stórlega búið að oftúlka
hinn svokallaða ímyndarhnekki
sem Ísland hefur beðið á alþjóða-
vettvangi,“ segir Magnús, sem
hrósar stjórnvöldum fyrir að hafa
komið fram af ábyrgð eftir hrunið
og komið í veg fyrir að eignir væru
seldar hér á brunaútsölu. Nú sé búið
að búa svo um hnúta að umhverfið
sé gott fyrir alvöru erlendar fjár-
festingar og margir sýni þeim
áhuga. „Og það er engin ástæða til
að óttast að erlendir aðilar færi sér
ástandið hér í nyt.“
Viðhorf til fjárfestinga í sjávarútvegi og orkuiðnaði
Nei
34,2%Já
65,8%
Stjórnendur
FRÉTTASKÝRING: Ísland og erlendir fjárfestar
Já
58,4%
Nei
41,6%
Nei
41,6%
Já
58,4%
Almenningur Stjórnendur
Ertu hlynnt(ur) eða
andvíg(ur) fjárfestingum
erlendra aðila í sjávarút-
vegsfyrirtækjum ef tryggt
væri að auðlindin væri í
eigu Íslendinga og sann-
gjarnt verð væri greitt fyrir
nýtingu hennar?
Já
55,7%
Nei
44,3%
Almenningur
Ertu hlynnt(ur) eða
andvíg(ur) fjárfestingum
erlendra aðila í orkufyr-
irtækjum ef tryggt væri
að auðlindin væri í eigu
Íslendinga og sanngjarnt
verð væri greitt fyrir
nýtingu hennar?
Hlynntur
40,0%
Andvígur
45,6%
Ert þú hlynnt(ur)
eða andvíg(ur) fjár-
festingum erlendra
aðila í íslenskum
orkufyrirtækjum?
Hvorki né
14,4%
Andvígur
50,2%
Hlynntur
29,3%
Hvorki né
20,5%
Almenningur Stjórnendur
Ert þú hlynnt(ur)
eða andvíg(ur) fjár-
festingum erlendra
aðila í íslenskum
sjávarútvegsfyrir-
tækjum?
Andvígur
55,6%
Hvorki né
20,8%
Hlynntur
23,6%
Hlynntur
37,7%
Andvígur
45,4%
Hvorki né
16,9%
Stjórnendur
Hversu mikilvægt eða lítilvægt telur þú fyrir íslenskt efnahagslíf að fá erlenda aðila til að
fjárfesta hér á landi?
Almenningur Stjórnendur
Mikilvægt
81,2%
Lítilvægt
9%
Hvorki né
9,8%
Mikilvægt
91,8%
Lítilvægt
3,4%
Hvorki né
4,8%
Ert þú hlynnt(ur) eða andvíg(ur) fjárfestingu erlendra aðila á Íslandi?
Almenningur Stjórnendur
Hlynntur
69,9%
Andvígur
15,3%
Hvorki né
14,8%
Hlynntur
85,9%
Andvígur
6,1%
Hvorki né
8,0%
Viðhorf til erlendra fjárfestinga á Islandi
Capacent Gallup framkvæmdi könnunina fyrir Capa-
cent Glacier í september síðastliðnum. Tveir hópar
voru spurðir í könnuninni, annars vegar almenningur
og hins vegar stjórnendur. Úrtakið í stjórnendahópnum
var tilviljunarúrtak úr fyrirtækjaskrá og Viðhorfahópi
stjórnenda. Haft var samband við fyrirtæki með fjóra
starfsmenn eða fleiri. Endanlegt úrtak var 956 manns
og svarhlutfallið 52,2 prósent.
Í hópnum sem hér er kallaður almenningur var
upphaflegt úrtak 1.300 manns en endanlegt úrtak var
1265. Svarhlutfallið var 58-59,8 prósent.
Flestir hlynntir erlendum fjárfestingum
FRÉTTASKÝRING
SIGRÍÐUR B. TÓMASDÓTTIR
sigridur@frettabladid.is
Nýlegar breytingar
í utanríkis málum Færeyja:
Ófullvalda ríki í
alþjóða samfélaginu
Latest Developments in Faroese Foreign Affairs:
A Non-Sovereign State in the International Arena
Hádegisfundur í Norræna húsinu,
fimmtudaginn 12. nóvember frá klukkan 12.00 til 13.30
Beinta í Jákupsstovu, dósent í stjórnmálafræði við Fróð skapar-
setur Færeyja og Molde háskóla í Noregi, flytur erindi á vegum
Alþjóðamálastofnunar Háskóla Íslands, Norræna hússins og
ræðismannsskrifstofu Færeyja á Íslandi.
Fyrirlesturinn fer fram á ensku og er opinn öllum.
Boðið verður upp á léttar veitingar frá kl. 11.30.
Beinta mun fjalla um breytingar í utanríkismálum
Færeyja, þar á meðal nýstofnaða nefnd sem skoðar
hugsan legar breytingar á samskiptum Færeyja við
Evrópusambandið.
Fundarstjóri: Alyson JK Bailes, aðjúnkt við stjórnmála-
fræði deild Háskóla Íslands.
Beinta í JákupsstovuAlyson JK Bailes
Almenningur
MISVELKOMNIR ÚTLENDINGAR Almenningur er ekki sérlega jákvæður í garð fjárfest-
inga erlendra aðila í sjávarútvegi. FRÉTTABLAÐIÐ/VILHELM