Fréttablaðið - 11.11.2009, Blaðsíða 43

MIÐVIKUDAGUR 11. nóvember 2009
FÓTBOLTI Ísland laut í lægra haldi
gegn Íran er liðin mættust í vin-
áttulandsleik í Teheran í gær. Íran
vann 1-0 sigur og kom sigurmark-
ið á 54. mínútu. Það var sjálfsmark
hjá Kristjáni Erni Sigurðssyni.
Leikurinn fór fram á hinum
glæsilega Azadi-velli sem rúmar
níutíu þúsund manns. Leikurinn
vakti greinilega lítinn áhuga hjá
írönskum knattspyrnuáhugamönn-
um því örfáir áhorfendur sáu sér
fært að mæta á svæðið.
Þrír nýliðar voru í byrjunar-
liði Íslands í gær en dagurinn var
ekki alþjóðlegur landsleikjadagur
og því gat Ísland ekki teflt fram
öllum sínum sterkustu mönnum.
Íslenska liðið byrjaði leikinn
illa. Varnarlínan var ekki í nein-
um takti og Íranar komust hvað
eftir annað á bak við vörnina. Úr
varð oftar en ekki mikil hætta en
Íslendingar sluppu með skrekkinn.
Nokkur lykt var reyndar af dóm-
gæslunni en Íranar virkuðu ansi
oft rangstæðir án þess að flagg-
að væri. Að sama skapi var flagg-
að á íslenska liðið þegar íslensk-
ur sóknarmaður virkaði ekki
rangstæður.
Besta færi fyrri hálfleiks fékk
Ólafur Ingi á 21. mínútu. Heiðar
stal þá boltanum af varnarmanni
og renndi honum út í teiginn á Ólaf
sem var einn gegn markverði en
hann hitti ekki markið. Íranar
fengu þó mun fleiri færi.
Íslenska vörnin var algjörlega
úti á þekju í upphafi síðari hálf-
leiks og Árni Gautur bjargaði
glæsilega úr dauðafæri í upphafi
hálfleiksins. Hann kom þó engum
vörnum við á 54. mínútu er Íranar
fengu skyndisókn. Sending kom af
vinstri kanti á nærstöng þar sem
tveir Íslendingar og einn Írani
renndu sér í boltann. Hann fór í
tána á Kristjáni Erni og þaðan í
netið.
Íslenska liðið gerði sitt besta
til þess að jafna undir lokin og
Matthías Vilhjálmsson var ekki
fjarri því að skora á 84. mínútu.
Hann skallaði þá að marki eftir
hornspyrnu en Íranar björguðu á
línu.
Það var frekar fátt um fína
drætti í íslenska liðinu, sem að
hluta til skýrist af því að margir
leikmanna liðsins hafa ekki leikið
saman áður. Indriði bar af í vörn-
inni og Ari Freyr sýndi skemmti-
lega takta þó svo að hann hafi
stundum gleymt sér í varnarvinn-
unni. Árni Gautur var mjög traust-
ur á milli stanganna. Helgi Valur
og Ólafur Ingi létu vel finna fyrir
sér á miðjunni en takmarkað kom
út úr sókninni henry@frettabladid.is
Tilþrifalítið í Teheran
Hálfgert B-landslið Íslands sýndi lítið gegn Íran í vináttulandsleik í Teheran í
gær. Íran vann eins marks sigur en fékk tækifæri til þess að skora fleiri mörk.
FYRIRLIÐINN Heiðar Helguson var fyrirliði Íslands í gær. FRÉTTABLAÐIÐ/ANTON
ÍRAN - ÍSLAND 1-0
Byrjunarlið Íslands í leiknum:
Árni Gautur Arason
Ari Freyr Skúlason
Indriði Sigurðsson
Kristján Örn Sigurðsson
Birkir Már Sævarsson
Jónas Guðni Sævarsson
Helgi Valur Daníelsson
Ólafur Ingi Skúlason
Steinþór Freyr Þorsteinsson
Atli Guðnason
Heiðar Helguson
KÖRFUBOLTI Nú liggur ljóst fyrir
hvaða lið mætast í 16 liða úrslit-
um Subway-bikars karla og
kvenna í körfubolta en dráttur-
inn fór fram í húsakynnum ÍSÍ
í gær.
Hjá konunum er boðið upp á
stórleik KR og Hamars auk þess
sem Keflavík og Grindavík mæt-
ast í grannaslag en fátt er um fína
drætti karlamegin og í raun eng-
inn stórleikur í boði. Þar mætast
Snæfell og Hamar í eina innbyrð-
isleik liða í Iceland Express-deild-
inni en Grindavík mætir Ármanni
og Njarðvík sækir Hrunamenn
heim. Dráttinn í heild sinni má
sjá á netmiðlinum visir.is. - óþ
Dregið var í 16 liða úrslit Subway-bikars karla og kvenna í körfubolta í gær:
Boðið upp á stórleik hjá konunum