Fréttablaðið - 11.11.2009, Blaðsíða 29
MIÐVIKUDAGUR 11. nóvember 2009 3
„Við erum eins og í Spaugstofunni,
fólkið bak við störfin,“ segir Ólöf
Erla hlæjandi þar sem þær Inga
Dóra, tengdadóttir hennar, sitja
sjálfar við að pakka jólapappír með
íslenskum myndum og merkimið-
um í stíl. Þrjár arkir af pappír, tólf
merkimiðar og bönd fara í hvern
pakka. Það skal þó tekið fram að
þær prentuðu pappírinn ekki sjálf-
ar heldur sá Oddi um þann þátt.
Hér er sem sagt alíslensk afurð á
ferð.
„Þetta eru tvær mismunandi
línur og þrjú mynstur í hvorri. Á
pappír Ólafar Erlu eru myndir af
jólakúlum sem hún gerir úr postul-
íni með mismunandi bakgrunni en
minn pappír er óhefðbundnari því
á honum eru myndir af hangikjöts-
máltíð, Nóa-konfektmolum og malti
og appelsíni á hvítum grunni,“
segir Inga Dóra.
Arkirnar eru í stærðinni 100X70
svo hægt er að hafa pakkana stóra.
„Við ætluðum fyrst að hafa pappír-
inn í rúllum,“ segir Ólöf. „En það er
erfitt hér á landi svo við enduðum
með hann í svona glæsiörkum.“
Íslenski jólapappírinn var meðal
þess sem bar fyrir augu gesta á
hinni stóru sýningu Handverks og
hönnunar í Ráðhúsinu nýverið og
þeir sýndu honum mikinn áhuga
að sögn höfundanna. Sem stend-
ur er hann til sölu í Kirsuberja-
trénu við Vesturgötu, blómabúð-
inni Dans á rósum á Baldursgötu,
safnbúðum Þjóðminjasins og Lista-
safns Íslands, Melabúðinni og Rósa
Design á Skólavörðustíg.
gun@frettabladid.is
Pakkað inn í íslenskan
jólapappír í fyrsta sinn
Íslenskar jólakúlur og hefðbundinn hátíðamatur landans prýða nýjan jólapappír. Það eru Ólöf Erla
Bjarnadóttir leirkerasmiður og Inga Dóra Jóhannsdóttir, nemi í vöruhönnun, sem að framtakinu standa.
Jólakúlurnar íslensku taka sig vel út á
pappír.
Maltið og appelsínið má ekki vanta. Þjóðarréttur á jólum, hangikjöt, laufa-
brauð og grænar baunir.
Ólöf Erla og Inga Dóra, með Freyju Benediktsdóttur á handleggnum, sýna nýju fjöl-
skylduafurðina. FRÉTTABLAÐIÐ/STEFÁN
Smáauglýsingar
Fréttablaðsins
eru einnig á visir.is
Auglýsingasími
– Mest lesið