Fréttablaðið - 20.11.2009, Blaðsíða 58

38 20. nóvember 2009 FÖSTUDAGUR
menning@frettabladid.is
ath. kl. 12.15.
Hádegistónleikar Tríós Reykjavík-
ur í Listasafni Reykjavíkur – Kjar-
valsstöðum í dag eru að þessu sinni
helgaðir tónskáldum frá Tékklandi
með áherslu á verk eftir Antonin
Dvorák og Josef Suk. Tríó Reykja-
víkur skipa Guðný Guðmundsdóttir
fiðla, Gunnar Kvaran selló og Peter
Maté píanó.
Jesús litli eftir þau Bene-
dikt Erlingsson, Berg Þór
Ingólfsson, Halldóru Geir-
harðsdóttur og Kristjönu
Stefánsdóttur er glænýtt
íslensk leikrit byggt á
eldgamalli sögu sem allir
þekkja. Verkið verður frum-
sýnt annað kvöld á Litla
sviði Borgarleikhússins.
Hópurinn hefur tekið ekki minna
bókmenntaverk en Biblíuna og
brýtur sjálft Jólaguðspjallið til
mergjar. Sagan á bak við guðspjall-
ið er sögð með augum nútímans og
með tilliti til tvö þúsund ára sögu-
túlkunar. Hópurinn hefur áður ráð-
ist á sígild bókmenntaverk; Berg-
ur og Halldóra voru í sýningu sem
byggði á Hinum guðdómlega gleði-
leik Dantes í fyrra og tókst vel upp,
Benedikt lauk á þessu sumri sýn-
ingum á Mr. Skallagrímsson sem
hann vann úr Egilssögu og þau
Halldóra gerðu garðinn frægan
fyrir nokkrum árum í Gunnlaugs
sögu ormstungu. Þetta er því vant
fólk og löngu þekkt fyrir frjáls,
fyndin og frumleg tök í trúðleik
sínum. Kristjana Stefánsdóttir
bætist nú í hópinn fyrir endur-
vinnslu sögunnar um Jesúbarnið
en hún er kunnust sem afbragðs
söngkona og raddþjálfi. Hún semur
tónlist við sýninguna og tekur
virkan þátt í leiknum.
Í Jesú litla nálgast höfundarnir
jólaguðspjallið úr algerlega nýrri
átt og gera söguna að sinni. Það
eru trúðarnir einlægu en sann-
söglu sem við þekkjum úr Dauða-
syndunum, þau Barbara og Úlfar,
sem standa fyrir þessari nýju
túlkun með nýjum liðsstyrk. Þau
hafa fengið trúðinn Bellu, sem
Kristjana Stefánsdóttir leikur, og
leikstjórann Benedikt Erlingsson
í hópinn. Saman kryfja þau Jóla-
guðspjallið og skoða hvað ligg-
ur á bak við söguna um fæðingu
frelsarans. Á kirkjan einkarétt á
Jesú eða kannski bara leikhúsið?
Af hverju er fimmta guðspjallið
um fæðingu frelsarans ekki prent-
að? Hvers vegna fæðir kona barn
í stríðshrjáðu landi þar sem keis-
arinn hefur fyrirskipað barna-
morð? Það eru stórar spurningar
sem hópurinn veltir fyrir sér og
fjallar um þær umbúðalaust eins
og honum einum er lagið. Hér er
á ferðinni bráðfyndin leiksýning,
ekki aðeins fyrir þá sem þora að
sjá hefðbundnum gildum ögrað
heldur einnig fyrir alla hina.
Heimkynni trúðanna eru eins
og áður Litla svið Borgarleik-
hússins. Þar ræður einfaldleikinn
ríkjum og áherslan er á nálægð
áhorfenda við leikarana. Hlátur-
inn hefur ómað á Litla sviðinu öll
kvöld það sem af er vetri og er
Jesús litli viðbót við gamansem-
ina sem hefur hreiðrað þar um
sig.
Höfundar Jesú litla eru þau
Benedikt Erlingsson, Bergur Þór
Ingólfsson, Halldóra Geirharðs-
dóttir og Kristjana Stefánsdóttir.
Leikarar eru Bergur Þór Ingólfs-
son, Halldóra Geirharðsdóttir og
Kristjana Stefánsdóttir. Leikmynd
og búninga hannar Snorri Freyr
Hilmarsson og um lýsingu sér
Kjartan Þórisson. Kristjana Stef-
ánsdóttir annast tónlist og Bene-
dikt Erlingsson leikstýrir. Jesús
litli er frumsýndur laugardaginn
21. nóvember næstkomandi kl. 20
á Litla sviðinu.
pbb@frettabladid.is
FRELSI MANNANNA, FRELSISINS LIND
LEIKLIST Trúðarnir Bergur, Kristjana og Halldóra undirbúa komu frelsarans á fæðingardeildinni í Betlehem. MYND/LR/GRÍMUR BJARNASON
> Ekki missa af
Hammondtríói Þóris Baldurs-
sonar á Rosenberg í kvöld og
annað kvöld ásamt Andreu
Gylfadóttur. Hammond-
meistarinn Þórir Baldursson
ásamt saxófónleikaranum
Jóel Pálssyni og trommu-
leikaranum Einari Scheving
hóta að rífa þakið af Café
Rosenberg. Munu þeir, ásamt
Andreu, spila og syngja grúf-
og blúskennda djasstónlist.
Tónleikarnir hefjast kl. 22 bæði
kvöldin.
Í tilefni af falli Berlínarmúrsins
fyrir 20 árum flytur Sinfóníu-
hljómsveit unga fólksins um
helgina eitt magnaðasta verk
tónlistarsögunnar, sjálfa 9.
sinfóníu Beethovens. Fjórði
þátturinn er frægastur fyrir
Óðinn til gleðinnar, en þar
hefur Háskólakórinn upp raust
sína og fjórir einsöngvarar:
Auður Gunnarsdóttir sópran,
Sigríður Aðalsteinsdóttir alt,
Snorri Wium tenór og Jóhann
Smári Sævarsson bassi. Stjórn-
andi er Gunnsteinn Ólafsson. Samtals taka um
130 manns þátt í flutningnum. Þetta er í fyrsta
sinn sem ungir hljóðfæraleikarar og söngvarar
flytja verkið hér á landi.
Níunda sinfónía Beethovens í d-moll, opus
125, er jafnframt síðasta sinfónía tónskáldsins.
Hún er ein glæsilegasta tónsmíð Beethovens
og á meðal frægustu verka
í vestrænni tónlistarsögu.
Aldrei áður hafði tónskáld
notað söngraddir í sinfónísku
verki. Smíði verksins tók
langan tíma. Í skissubókum
tónskáldsins má rekja fyrstu
drög að verkinu allt aftur
til ársins 1811. Beethoven
hóf vinnu af fullum krafti
við verkið árið 1818 og lauk
smíðinni 1824. Hann taldi
Vínarbúa ekki skilja tónlist
sína – þeir væru of hallir
undir ítalskar óperur Rossinis – og hugðist frum-
flytja sinfóníuna í Berlín. Vinir hans fengu hann
ofan af því og verkið var frumflutt í Kärntnertor-
óperunni í Vínarborg 7. maí árið 1824.
Tónleikarnir eru laugardaginn 21. nóvember kl.
17.00 og mánudaginn 23. nóvember kl. 20.00,
bæði skiptin í Langholtskirkju.
Sú níunda flutt af ungum listamönnum
TÓNLIST Auður Gunnarsdóttir sópran
er ein fjögurra einsöngvara sem koma
fram í sinfóníu Beethovens um helgina.
Var Jörgen Jörgensen, Jörund-
ur hundadagakonungur eins og
íslensk nafngift hans var, bíræf-
inn sólargapi eða lýðræðishetja? Í
ár eru liðin 200 ár frá valdatöku
danska skipstjórans Jörgens Jörg-
ensen á Íslandi sumarið 1809. Af
því tilefni heldur Sagnfræðistofn-
un Háskóla Íslands ráðstefnu
um Jörgen Jörgensen á morgun í
Odda kl 13.30 sem varir fram eftir
degi.
Anna Agnarsdóttir sagnfræðing-
ur er aðalhvatamaður stefnunnar
en hún hefur lengi sinnt rannsókn-
um um ástandið sem hér skap-
aðist fyrir tveimur öldum þegar
breska heimsveldið hafði brotið á
bak aftur danska flotann og þar
með tekið forræðið á norðurhluta
Atlantshafsins sem stóð allt til
fundar Roosevelts og Churchills
1941 þegar Íslandi var skákað
inn á valdasvæði Bandaríkjanna.
Ráðstefnan er styrkt af mennta-
og menningarmálaráðuneytinu,
danska sendiráðinu og Háskóla
Íslands.
Á þingið koma tveir spennandi
fyrirlesarar að utan, þau Sarah Bla-
kewell, rithöfundur (sjá http://www.
sarahbakewell.com/) og Jörn Dyr-
holm, fræðimaður, sem bæði hafa
kynnt sér sögu Jörundar. Sarah
hefur m.a. ritað eftirtektarverða
bók um Jörund (The English Dane).
Fundarstjóri verður Ragnheiður
Kristjánsdóttir sagnfræðingur, en
eftir setningu menntamálaráðherra
mun Óli Már Hrólfsson sagnfræði-
nemi gera grein fyrir viðhorfum
Íslendinga til Jörgensens. Þá flyt-
ur Blakewell erindi sitt sem hún
nefnir: „We, Jorgen Jorgensen“:
the many selves and countries of
Iceland’s Dog-Day Revolutionary.
Eftir kaffihlé kl. 15.10 heldur Jörn
Dyrholm fræðimaður erindi sitt:
„The Danish Connection“, en Anna
lýkur erindum dagsins með erindi
sínu „Jörgen Jörgensen verndari
Íslands“. Þá hefjast umræður með
eftirtöldum á palli og stýrir Anna
umræðum: Fanney Hólmfríður
Kristjánsdóttir sagnfræðinemi,
Guðbrandur Benediktsson sagn-
fræðingur, Gunnar Karlsson próf-
essor emeritus og Pétur Gunnars-
son rithöfundur leggja þar hönd á
plóg.
Sem fyrr segir hefst þinghaldið
í Odda kl. 13.30 á morgun. - pbb
Jörundarmessa
JÖRGEN JÖRGENSEN Jörundur hunda-
dagakonungur.