Vikan - 31.08.1961, Qupperneq 26

Nú ætlum við ekki að biðja ykkur um að lita mynd eða ráða gátur,
heldur búa til vísu. Og vísan á að vera um svaninn, sem er liér á
myndinni. Við efumst ekki um, að þið gelið flest búið til visu, ef þið
bara reynið. Það er alveg sama, hvort útkoman verður atómijóð eða
hefðbundið form með stuðium og höfuðstöfum, bara að þið mælið
það af munni fram, sem ykkur dettur í hug. Þau, sem eiga beztu vís-
urnar, fá að sjálfsögðu verðlaun, og þar að auki verður visan birt hér
á siðunni. Og við ætlum að biðja yk'kur að skrifa, hvað sem ykkur dettur
í hug. Þetta er nefnilega enginn vandi. Verðlaunin verða:
Flugdreki eða saumavél. Önnur verðlaun spilaseria og fjöldi auka-
verðlauna.
Leggið vísuna i umslag og sendið VIKUNNI, pósthólf 149.
Nafn ........................................ Aldur .............
Heimili ..........................................
GÁTA
Smyglari ferðaðist oft fram og til baka yfir landamærin milli
tveggja landa. 1 hvert sicipti geymdi hann dýrmæta gimsteina í
tannkremstúbu.Túpan var svo snilldarlega vel gerð og opið að aftan,
þar sem gimsteinarnir voru settir, svo vel falið, að enginn tók eftir
því. En þrátt fyrir það sáu tollverðirnir dálitið grunsamlegt við
þetta og komu upp um smyglarann. Hvað var það, sem hann tók
ekki með í reikninginn? Lausn á 30. bls.
Þriðji verðlaunahafinn í keppninni, Valdís Magnús1-
dóttir, sendi okkur þessa skemmtilegu mynd með lituðu
myndinni. Þetta er að sjálfsögðu Þyrnirós í sínum fínasta
skrúða, og fannst okkur viðeigandi að birta hana hér með
úrslitunum.
Morgunverðarboðið
Kom inn, kom inn, sagði Merlin
galdrakarl og opnaði fyrir þeim
Kláusi og Tedda Birni. Þeir voru
komnir til að heilsa upp á hann í
liöllinni hans, sem hann nefndi
Galdrahöllina.
Þetta var skrýtið hús, enda var
það bústaður galdrakarls. Útihurð-
in var bak við bókahilluna í barna-
herberginu.
— Væri ekki tilvalið að fá sér
svolitinn morgunverð? sagði galdra-
karlinn, um leið og hann bauð þeim
Kláusi og Tedda Birni inn.
— Ég þakka, sagði Kláus, — en
ég er bara ekkert svangur.
— Ekki ég heldur, sagði Teddi
Björn.
Galdrakarlinn hló, eins og hann
var vanur.
Nú, ef þið viljið ekki fá morgun-
verð fyrir daginn i dag, þá viljið
þið kannski borða hjá mér morgun-
verð fyrir daginn á morgun. Þið
verðið áreiðanlega svangir þá.
Kláus og Teddi Björn urðu sam-
mála um, að þeir mundu verða
svangir á morgun og að þeir gætu
svo sem vel borðað morgunmatinn
fyrir morgundaginn fyrir fram.
— Það er ágætt, sagði galdra-
karlinn. — Hvað vilt þú fá, Kláus?
— Soðið egg, brauðsneið með osti
og kakó, sagði Kláus.
— Og hvað vilt þú, Teddi? spurði
galdrakarlinn.
Mig langar í heitar bollur með
sírópi og mjólkurglas, sagði Teddi,
— og líka dálítið afjtökum.
— Ég skal sjá um þetta, sagði
Merlin. Gerið svo vel að setjast við
borðið.
Kláus og Teddi litu i kringum sig
í herberginu.
— Fyrirgefðu, — en, sagði Kláus
feiminn, — við getum ekki, við sjá-
um ekkert borð til að setjast við.
—■ IMikil skelfing, sagði Merlin.
Ég hef gleymt að segja borðinu að
koma með morgunverðinh. Biðið
þið andartak.
Merlin klappaði saman höndun-
um og hrópaði hárri röddu: Borð,
komdu strax með allt, sem með þarf!
Það heyrðist einkennilegt krafs-
andi hljóð á dyrunum. Merlin opn-
aði, og borð kom labbandi inn. Það
'labbaði á fjórum fótum og stað-
næmdist fyrir framan gluggann. Á
því var skínandi hvítur dúkur, hníf-
ar, gafflar og skeiðar, pipar, salt,
munnþurrkur og stór krukka með
sírópi.
Kláus og Teddi brostu ánægðir
og settust hvor á sinn stól, settu á
sig þurrkuna og biðu eftir því, að
einhver kæmi inn með morgunverð-
inn.
Og þá kom dálítið einkennilegt
fyrir. Merlin galdrakarl klappaði
aftur saman höndunum, og inn kom
Iiæna með egg. Pottur, fullur af
sjóðandi vatni, kom hoppandi inn
um gluggann, og eggið stökk ofan
í vatnið. Brauðsneið kom þjótandi
inn um dyrnar og kom sér fyrir á
diskinum hjá Kláusi. Eggið brá sér
svo upp úr pottinum og settist í
eggjabikarinn.
Bolli, fullur af heitu kakói, kom
á fullri ferð niður i gegnum reyk-
liáfinn og lenti, án þess að nokkur
dropi skvettist úr honum, fyrir
framan Kláus.
Ofnplata kom fljúgandi með ný-
bakaðar bollur, og þar á eftir kom
kýr með mjólkurglas. Saltkarið
stökilt fram og saltaði eggið hjá
Kláusi, og sírópskrukkan hellti slr-
ópi á nýbakaðar bollur hjá Tedda.
Gerið svo vel, kæru gestir, að
byrja að borða, sagði Merlin. Og
það þurfti hann ekki að segja tvisv-
ar. Kláus og Teddi Björn nutu mat-
arins til fulls. Þetta er bezti morgun-
verður, sem ég hef nokkurn tíma
smakkað, sagði Teddi Björn og
sleikti út um. — Já, það finnst mér
líka, sagði Kláus. Ég vildi, að ég
gæti galdrað eins og Mlerlin, þá
mundi ég fá mér morgunverð fyrir
næsta dag á hverjum degi.
örslit hun i iitaannkeppnínni
Nú eru úrslit kunn í fyrri litasamkeppninni, þar sem lita átti mynd
af Þyrnirósu. Fyrstu verðlaun hlaut Birna Jóhannsdóttir, 12 ára,
Hellusundi 3, Reykjavík. Önnur hlaut Kristján Jóhannsson, einnig
12 ára, Túngötu 10, Siglufirði. Þriðju verðlaun hreppti svo Valdís
Magnúsdóttir, 11 ára, Birkimel 6, Reykjavík. Þar sem þátttaka var
geysimikil, sáum við okkur ekki annað fært en veita aukaverðlaun, og
hlýtur þau einn úr hverjum aldursflokki.
5 ára, Kristján Bredðdal, Hagamel 43, Reykjavík,
6 ára, Guðrún ísleifsdóttir, Reykjahlíð 10, Reykjavík,
7 ára, Kormákur Jónsson, Rauðá, S.-Þing.,
8 ára, Sigrún Grendal Magnúsdóttir, Grænuhlíð 7, Reykjavík,
9 ára, Valgerður Erlendsdóttir, Álfheimum 42, Reykjavik,
10 ára, Ólafur Ingólfsson, Grænás 2, Keflavíkurflugvelli,
11 ára, Lilja Steinþórsdóttir, Lönguhlíð 45, Akureyri,
12 ára, Þórður Jónsson, Fálkagötu 9a, Reykjavík,
13 ára, Ellnborg Jónsdóttir, Bólstaðarhlíð 31, Reykjavík.