Vikan - 12.12.1963, Blaðsíða 11
þótt það eigi annars íyrst og fremst að fara undir íbúðarbygg-
ingar til styrktar hinum eiginlega miðbæ.
Og þá er næst að lýsa skipulaginu eins og við höfum gert ráð
fyrir því:
Við gengum fyrst og fremst út frá því, að Reykjavikurflugvöll-
ur yrði að fara þaðan, sem hann nú er. í upphafi hugsuðum við
okkur, að flytja miðstöð borgarlífsins út á flugvöllinn, en hurf-
um fljótt frá því ráði, einkum vegna þess, að slík miðstöð hefði
ekki tekið nema mjög lítinn hluta af öllu því flæmi. Önnur
ástæða var sú, að í gamla miðbænum er allt raunverulegt við-
skiptalíf, þar er fjárfestingin og peningarnir, sem er undirstaða
allrar borgarbyggingar. Okkur varð því ljósara, sem ið sökktum
okkar lengra niður í viðfangsefnið, að hinn gamli kjarni borg-
arinnar yrði að halda sér og myndi alltaf halda sér. Allar bolla-
leggingar um að flytja hann yrðu lítt framkva:manlegar.
Við snerum því aftur ofan í miðbæ og komumst að þeirri
niðurstöðu, að elzti kjarninn, Austurvöllur og svæðið kringum
hann, Dómkirkjan og Alþingishúsið, væri hinn eiginlegi mið-
depill. Kringum miðpunktinn röðuðum við svo annarri starf-
semi, sem heyrir miðborgum til, og höfum reynt að láta hvað
taka við af öðru og mynda sem samfelldasta heild.
Áður en við hófum skipulagninguna, fengum við upplýsing-
ar um, hvaða hús á þessu svæði væru byggð úr varanlegu efni,
steini, og höfum alls staðar leitazt við að láta þær byggingar
Framhald á bls. 45.
Loftmynd af miðbæjarkjamanum séð að vestan. Höfnin er
aðeins fyrir farþegaskip, og þeir sem koma sjóleið til landsins,
eru eftir andartak komnir inn í Miðbæjarkjarnann, eða upn á grösug-
an Arnarhól, allt eftir því, hvernig þeir eru stenundir.
Séð úr lofti yfir miðbæjarsvæðið. I»ar má glöggt sjá, hvernig Tjörnin
er látin ná undir Hringbrautina yfir í háskólahverfið. Myndin sýnir vel virðu-
lega legu stjórnaraðsetursins.
VIKAN 50. tbl.
11