Vikan - 13.01.1966, Page 25

inétBin og koni 6 sinum fyrstir í marh
Bílarnir skullu all-harkalega saman og ég sé á eftir keppinaut
mínum þar sem hann fór í gegnum tvöfalda öryggisgirðingu
og þeyttist út í móa.
Ég hélt áfram, en þegar ég kom í næstu beygju á um 200
, kílómetra liraða, lét bíllinn ekki að stjórn. Hann kastaðist
til á brautinni, svo að ég varð að minnlca hraðann og láta
mér nægja áttunda sæti. Þegar ég hafði stöðvað bílinn, sá
ég að hjóla- og stýrisútbúnaðurinn var allur úr lagi genginn.
Bíllinn var þá orðinn heldur óhrjálegur og vélin farin að gefa
sig. Ég hafði engan bifvélavirkja né hefi haft; alltaf þurft að
gera við bílinn sjálfur.“
Ég kom svo heim í september þetta ár og vann hér þar til
í marz í fyrra. Þá fór ég aftur út og til sama mannsins. Nú
keppti ég fyrir skólann sem ökumaður „númer eitt“. Ég var
sendur til að aka í erfiðustu keppnunum. Ég fékk nýjan bíl,
Brabham-FORMULA þrír. Það kom síðar í ljós að þetta var
óláns farartæki. Ég átti í eilífu basli og erfiðleikum með hann.
Vélin var kraftlítil og alltaf að bila. Ég reyndi að fá þetta í
lag, en það var alltaf eitthvað að gefa sig í vagninum.
Fyrsta keppnin, sem ég tók þátt í þetta vor, var á Ítalíu.
Ég ók þangað. Hafði kappakstursbílinn á vagni, sem ég
festi síðan aftan í lítinn bíl, er ég átti og á reyndar ennþá.
Maður svífur ekki á bleikum amerískum kvikmyndaskýjum
á þessum ferðalögum. Við fáum ekki krónu, nema ef að við
sigrum. Umboðsmenn okkar, sem í mínu tilfelli er skólinn,
koma okkur aðeins í samband við stjórnendur kappaksturs-
brautanna. Annað gera þeir ekki. Þeir vita sem er þessir
karlar, að við fórnum öllu til að fá að taka þátt í orrustu á
frægri braut, þar sem ekki eru tómir kálfar og nýliðar og
sæmileg verðlaun í boði. Þetta er ein greinin í leikreglunum.
Við þurfum að hafa náð talsverðum árangri áður en þessir
fuglar fara að gera eitthvað fyrir okkur!
Ég keppti tvisvar á Ítalíu, en vélin gerði sigurvonir mínar
að engu. Ég fór aftur til Lundúna og fékk nýja vél. Hún var
mér á engan hátt hliðhollari. Þó fékk ég sérstök verðlaun
í einni keppninni fyrir að fara einn hring á skemmri tíma en
nokkur annar keppandi. f sjálfri keppninni beið ég ósigur.
Þá komum við að þeim kafla á kappakstursferli mínum,
sem flestir hér heima kannast við. Það hefur líklega verið í
fyrsta sinn, sem Tslendingar heyrðu talað eða sagt frá íslenzk- v
VIKAN 2. tbl. 25