Vikan - 19.12.1968, Page 21

Ekki hefur annað hjónaband þótt sæta meiri tíðindum í
seinni tíö en þegar þau Onassis útvegsmaður og Jacque-
iine Kennedy gengu í það heilaga. Skoðanir manna hafa
verið allmjög skiptar um þá ráðstöfun, sem kunnugt er,
og þykir mörgum sem Jackie hefði getað verið smekk-
legri í mannvalinu. Hjónabandið svipti hana í eitt skipti
fyrir öll píslarvættiskórónunni, sem bandaríska þjóðin og
heimurinn í heild sæmdi hana - en sjálfsagt hefur aum-
ingja konan verið búin að fá nóg af því þreytandi og leiði-
gjarna hefðartákni.
í*
i
Hér er Jackie heldur en ekki hress í
bragði að baða sig í sjónum við Skorpí-
ónsey, sem spúsi hennar á eins og hún
leggur sig. Þar á hún að geta fengið frið
fyrir forvitnum hlaðamönnum og öðrum,
því að eyjarinnar er vandlega gætt af
varðmönnum Onassisar, og ef þeir duga
ekki, getur hann kallað gríska flotann og
flugherinn á vettvang. Þessi sterkefnaði
útgerðarmaður er nefnilega einn trygg-
ustu vina herforingjastjórnarinnar marg-
umtöluðu.
Ilinar myndirnar á síðunni eru úr brúð-
kaupsveizlunni. Á þeim er ekki að sjá að
hörn hinnar fyrrverandi frú Kennedy séu
mjög lukkuleg yfir þessum tímamótum.
Á efstu myndinni er Jackie greinilega að
telja um fyrir dóttur sinni, og til hægri
viðrar Onassis sig árangurslaust upp við
stjúpson sinn. John-John litli er dapur og
þrjózkur — myndar sig jafnvel til að
reka út úr sér tunguna.