Vikan - 23.04.1969, Blaðsíða 6

Hér er Kúta gamli Sentaría ásamt tuttugu og fjögurra ára gömlum syni
sínum, sem hann gat á hundraðasta og þriðja aldursári. En þetta rösklega
gamalmenni er langt frá því nokkurt einsdæmi 1 Kákasuslöndum.
Hér er Sitsjinava prófessor, höfundur boðorðanna seytján, að taka púlsinn
á Kúta gamla. Þegar hann fyrst leit dagsins ljós, var Nikulás fyrsti sar í
Rússlandi, Viktoría hafði setið að ríkjum í Bretlandi í þrjú ár, Lúðvík Fil-
ippus, „borgarakóngurinn“, sat að völdum í Frakklandi og Kristján áttundi
í Danmörku. Þýzkaland og Ítalía voru enn sundruð í mörg smáríki. Kúta
var fimm vetra sveinn þegar Jónas Hallgrímsson dó, ellefu ára þegar þjóð-
fundurinn var haldinn í Reykjavík og þrjátíu og fjögurra ára þegar við
fengum stjórnarskrá. Hann var þrjátíu og níu ára þegar sá landi hans, er
frægastur hefur orðið, Jósef Stalín, var í þennan heim borinn nokkru austar
í landinu. Hann var sjötíu og sjö ára „öldungur“ þegar bolsévikkabyltingin
var gerð. Á æskuárum hans voru járnbrautir í bernsku og bílar óþekktir,
hvað þá flugvélar. Karlinn hefði því getað orðið vitni að hinu og þessu
heimssögulegu, en líklega hefur hann nú ekki lagt alltof mikið upp úr því
að fylgjast með heimsfréttunum.
BODOiBIN SEYTJAN
EFIIR ÞEIM VERDUR AD
RREYTA VILJI MADUR
VERDA HUNDRAD ÁRA
í sjálfstjórnarfylkinu Abkasíu, sem er hluti af Sovétlýðveldinu
Georgíu, býr hundrað tuttugu og sjö ára gamall bóndi að nafni
Kúta Sentaría. En varla getur þessi öldungur talizt neitt fenómen
þar í landi. íbúar Abkasíu eru um fjögur hundruð sextíu og fimm
þúsund, en af þeim eru ekki færri en seytján hundruð sextíu og
fjórir komnir yfir nírætt og hundrað þrjátíu og sjö eru yfir hundr-
að ára.
Gamalmenni þessi þykja, sem von er til, harla forvitnileg, og í
borginni Súkúmi við Svartahafið er sérstök rannsóknarstofnun,
sem hefur ekki annað að gera en fylgjast með líðan þeirra og
draga þar af lærdóm. Forstöðumaður stofnunarinnar, Sitsjinava
prófessor, hefur lagt fram seytján boðorð, sem hann telur mönn-
um hollt að fylgja, vilji þeir ná hundrað ára aldri. Þau eru þessi:
1. Þú skalt alltaf stunda líkamlega vinnu, helzt frá unglingsár-
um og í fersku lofti ef mögulegt er.
2. Þú skalt ekki fitna, ekki heldur þegar þú eldist.
3. Þú skalt borða sem mest af jurtafæðu, hnetum og kjörnum.
Við Kákasusmenn verðum ævagamlir af því að við tökum maís-
velling, kál, hýðiskorn og salat fram yfir aðra fæðu.
4. Þú skalt borða hvítt brauð, helzt ósýrt. Ég mæli með maís-
brauði.
5. Þú skalt borða fisk og ávexti þó enn írekar.
6. Þú skalt borða ferska fæðu með vítamínum, ef hægt er.
7. Þú skalt gæta þess að fæðan, sem þú neytir, sé jafnheit lík-
amanum. Of heitur matur er slæmjur og of kaldur enn verri.
8. Þú skalt. vín drekka, þó því aðeins að það sé sætt. Og
drekktu í hófi.
9. Þú skalt reykja, að minnsta kosti banna ég það ekki. Káka-
susmenn reykja fram á grafarbakkann. Ég þekki hundrað tuttugu
og fjögurra ára gamla konu, sem svældi svo kappsamlega að
bandarískur ferðamaður spurði: „Með hverju er þessi kvenmaður
hitaður upp?“
10. Þú skalt ekki neyta jurta, sem sprottið hafa við tilbúinn
áburð, eða skordýraeitri og öðrum varnarmeðulum hefur verið
stráð á. Ekki skaltu heldur drckka klórmengað vatn.
11. Þú skalt búa hátt yfir sjávarmáli, helzt uppi i fjöllunt. —
Borgir, þar sem mikið er um reykjandi skorsteina, skaltu forðast
eins og heitan eldinn.
12. Þú skalt ekki liggja konur, fyrr en þú hefur náð tvítugs-
aldri, og sakar þó ekki að láta það dragast heldur lengrur. En þeg-
ar þú ert á annað borð byrjaður á þessu, skaltu gera það eins oft
og þig langar til og eins lengi og þú getur — en gæta þess þó að
oíreyna þig ekki.
13. Þú skalt ekki sofa hjá öðrum konum en þinni eigin, en
hins vegar sakar ekki að kvænast nokkrum sinnum. Við þekkj-
um einn öldung, sem er rétt að ganga i hjónaband í þrettánda
skiptið.
14. Þú skalt hafa með ungum konum aðeins, sé þess kostur.
Þær yngja þig upp um allan helming.
15. Þú skalt sofa að minnsta kosti átta stundir sólarhring hvern.
16. Þú skalt hafa stjórn á skapi þínu, reiði og geðshræring
hafa slæmar afleiðingar fyrir heilsuna. Þó er enn verra að birgja
inni í sér einhverja vonzku, el' mjaður getur ekki eytt henni með
öllu. Þá er betra að æsa sig upp annað veifið.
17. Þú skalt alltaf vera íatækur. Auðæfi eru banvæn plága,
l'Iytja með sér stöðugar áhyggjur og gremju.
Þetta eru þá boðorð Ianglífisins, og getur hver reynt að fylgja
þeim sem vill. ★
V_______________________
6 VIKAN 17-tbl-