Vikan - 28.01.1971, Blaðsíða 48

málshátturinn
• Nálægur veggur hitn-
ar, þá er hinn næsti brenn-
di.
V_________________)
Hún var látin gjalda þess aS hún var telpa
Hún heitir Fathme Fais Eisa og
hún er fimmtán mánaða gömul.
En þegar hún fannst í neðanjarð-
arskýli eftir borgarastríðið í Jór-
daníu, var hún aðeins 10 pund.
Systir hennar var látin, þegar hjálp-
in barst. En þrír braeður hennar
voru við beztu heilsu.
Glæpur Fathme var ekki ein-
göngu sá að hún var flóttamaður
frá Palestínu, heldur var hún líka
telpa. Hún mun ekki verða skæru-
liðaforingi, þegar hún vex upp,
eins og bræður hennar. Það verð-
ur hlutskipti bræðranna að berjast
við ísraelsmenn til að bjarga föð-
urlandi sínu.
Frú Marjorie Patterson, sem er
hjúkrunarkona við barnahjálpina í
Amman segir: — Flóttamenn frá
Palestinu eru ekki fullgildir fyrr
en þeir hafa eignast son, sem get-
ur tekið við baráttunni fyrir föður-
landið. Stúlkur skipta ekki máli,
það er sorglegt, en það er samt
satt.
í sextán daga, áður en barna-
hjálpin kom, hafði Fathme og
fjölskylda hennar dregið fram líf-
ið í neðanjarðarskýli á tei, tómöt-
um og brauði.
Stríðið hafði komið í veg fyrir
matvælaflutninga til skæruliðanna
í Baqua, sem höfðu aðsetur sitt
tólf mílum fyrir utan Amman, þar
sem 52.000 flóttamenn lifa von-
lausu lífi.
Nú hefir Fathme fengið góða
hjúkrun, henni er gefin næring á
tveggja tíma fresti og hún hefir
þyngst um tvö pund á sex dögum.
Læknirinn segir að hún muni ná
sér. En það eru önnur börn í sama
ástandi og það er táknrænt að
það eru allt telpur.
Hjúkrunarkona frá Palestínu sem
annast Fathme sagði: — Bræður
hennar þrír voru við beztu heilsu.
Foreldrar þeirra sögðu mér að
þeir hefðu gefið drengjunum allt
sem þeir gátu náð í, enda þurftu
þeir ekki aðra hjúkrun en að fá
góða máltíð, en Fathme var að
dauða komin. Hún hefði eflaust
dáið, ef við hefðum ekki komið i
tæka tíð.
geturðu botnað? Sama graut í sömu skál
Lesendur gátu svo sannarlega
botnað fyrripartinn, sem við send-
um út í fyrsta tölublaði þessa árs.
Botnarnir, sem okkur bárust, losa
vel hundraðið, og er það miklu
betri þátttaka en við áttum von á.
Margir botnanna eru mjög líkir,
og eins og ævinlega reyndist
vandasamt að skera úr um, hver
væri beztur.
Ritstjórn Vikunnar hefur komið
sér saman um að veita tveimur
botnum viðurkenningu, en auk
þess eru margir fleiri botnar birtir,
bæði vegna gæða og eins til að
sýna fjölbreytileikann.
Eftirfarandi botnar hljóta viður-
kenningu, bókarverðlaun, sem
verða send höfundunum í pósti:
Víst er nóg um vandamál,
versnar heimur okkar.
Sama graut í sömu skál
sífellt lífið kokkar.
Sigurður Magnússon,
Hverfisgötu 14, Hafnarfirði.
Ekkert nema príl og prjál,
pillur og rauðir sokkar.
Guðmundur Valur Sigurðsson
Nesvegi 5, Reykjavík.
Aður en við birtum fleiri botna,
viljum við þakka góða þátttöku I
þessum leik, og vonum, að sem
flestir haldi áfram að botna fyrri-
partana okkar.
Mengun ógnar mannsins sál
og miklast rauðir sokkar.
Asgrímur Sigurðsson,
Oddagötu 13, Akureyri.
Gerist fátt um fagra sál,
flestir drullusokkar.
Allt er þetta taumlaust tál,
en tildurmennskan lokkar.
Egill Halldórsson,
Sörlaskjóli 86, Rvík.
Tölvan brátt mun sigra sál,
synd þá engan lokkar.
Jón Agnar Eggertsson,
Bjargi, Borgarnesi.
Fleka marga fróma sál
fagurrauðir sokkar.
Guðmundur Arnfinnsson,
Hlégerði 29, Kópavogi.
Sama graut í sömu skál
sjóða flestir kokkar.
Fram i djúpan feigðarál
fávís lýður skokkar.
Skröggur.
Hefur marga hneykslað sál
hass og rauðir sokkar.
Sigurður Jónsson,
Mávahlíð 2, Reykjavík.
í djöfuls eldinn alheims sál
endanléga skokkar.
Ranki.
Eitur slæðist oft í sál
og allt forbannað lokkar.
Verðstöðvunin virðist tál,
veslings stjórnin brokkar.
Gunnar Guðmundsson,
frá Hofi, Þingeyri.
Þó er enn í sumra sál
sólskinsljóðaflokkar.
Og ekki virðist þjóðin þjál
þeim, sem spilin stokkar.
Guðmundur Valur Sigurðsson.
Gjarnan reynist gylling, tál,
glepur, seyðir, lokkar.
G.
Súpa mengað seyði af ál
svika- og gervikokkar.
Einar H. Guðjónsson,
Seyðisf irði.
Hvenær eignast eina sál
allir rauðir sokkar?
Ágúst Guðbrandsson,
Miklubraut 16, Rvík.
Margra raska ró í sáI
rauðir ullarsokkar. ___
Sigurður Magnússon,
Hverfisgötu 14, Hafnarfirði.
Vísubotnar frá Hala í Suður-
sveit, Austur-Skaftafellssýslu, ort-
ir af 6 manns á aldrinum 9 ára til
78 ára.
Vísan mörgum virðist hál
vefst um tungu okkar.
(9 ára)
Og ekki lagast lífsins prjál,
er litast rauðir sokkar.
(14 ára)
Ihaldið með auma sál
alla vegi brokkar.
(14 ára og 25 ára)
Hestamaður við hestaskál
hratt um veginn brokkar.
(25 ára)
Ymsir fórna sinni sál,
satan marga lokkar.
(25 ára)
Viðreisnin er versta tál,
veraldarauðinn plokkar.
(47 ára)
Heiðarlega hetjusál
heilla rauðir sokkar.
(55 ára)
Hann er mörgum herjans tál
og helzt til marga lokkar.
(78 ára)
48 VIKAN 4- tbi.