Vikan - 18.01.1979, Síða 31

„Hún er einstaklega
hýr og látlaus"
segir Gunnar Þórðarson um OHviu
Newton-John
Olivia slappar af 6 svertasetri sinu
Kvikmyndaferill Oliviu er langt frá þvi að fara i hundana, þó
hún sjálf virðist aftur á móti á góðri leið með það.
Við höfðum frétt á skotspónum, að
Gunnar Þórðarson hefði setið eina
kvöldstund í partíi hjá Oliviu Newton-
John, og þegar ákveðið var að birta
plakat af þeirri margfrægu söng- og
leikkonu, ákváðum við að inna hann
nánar eftir málsatvikum.
„Ja, það var nú svosum ekkert merki-
legt. Ég var að gera plötusamning við
kærasta hennar, Lee Kramer, fyrir
tveimur árum í Los Angeles. Þá bauð
hann mér og Björgvini Halldórssyni í
mat heim til sín eitt kvöldið, en hann og
Olivia búa í Malibu á stóru gömlu herra-
setri. Hann sótti okkur á hótelið, þar
sem við bjuggum, en til að komast inn á
landareignina urðum við að fara í
gegnum stórt og mikið járnhlið, sem
hann opnaði með sjálfvirkum rafút-
búnaði. Þetta eru varúðarráðstafanir,
sem frægt fólk verður að láta sér lynda.
Það fyrsta, sem við sáum, þegar við
keyrðum upp að húsinu, voru risastórir
Dobermanhundar, sem voru heldur
illilegir á svip. Ef ég á að segja þér eins
og er, þá var ég alveg skíthræddur við
þá. Þar tók Olivia síðan á móti okkur,
einstaklega hýr og látlaus kona, og bauð
okkur að setjast að borðum. Ég man, að
hún sagði um leið og við settumst: „Ég
hef ekkert smakkað á þessu. Það getur
þess vegna verið óætt.” Mín skoðun er
nú sú, að hún sé afbragðs kokkur.
Það gafst nú ekki mikill tími til að
ræða við hana sjálfa, þar sem við
ræddum mest um viðskipti, en hún vissi
þó, að ísland er akkúrat hinum megin á
hnettinum miðað við Ástralíu!!”
Eins og flestir vita var Olivia Newton-
John alin upp í Ástralíu. Hún fluttist
til Melbourne fimm ára, þar sem faðir
hennar tók við skólastjórastöðu við
Ormond-háskólann, og bjó þar næstu
ellefu árin. Þá vann hún nokkurs konar
hæfileikakeppni, þar sem verðlaunin
voru ferð til Englands. Það varð til þess,
að hún sneri aldrei aftur til baka. En
hún segir, að Ástralía eigi alltaf sérstakt
sæti í huga hennar og henni finnist hún
veraáströlsk.
Árið 1973 vann hún „Grammy”-
verðlaunin fyrir að vera besta þjóðlaga-
söngkonan, og eftir það hefur líf hennar
verið dans á rósum. Og nú hefur hún
einmitt bætt einni rós í hnappagatið
með hlutverki sínu í „Grease”, þar sem
hún leikur aðalhlutverkið á móti John
Travolta. HS
3. tbl. Vikan 31