Vikan - 01.02.1979, Blaðsíða 34

Erfiðleikar í sam-
bandi við
$júkdómabama
Mörg börn verða einhvern tíma fyrir þeirri reynslu að fara á sjúkrahús. Getur
þá brugðið til beggja vona hvort sú reynsla verður óþægiieg og jafnvel
skaðvænleg til langframa, eða hvort hún verður ánægjuleg og jafnvel
þroskandi. Við höldum nú áfram þar sem frá var horfið í síðasta þætti.
Guöfinn
Börnin og við
Spurningar barna í sambandi við
sjúkdóma
Hvernig verður framtíðin? Þetta eru
spurningar sem börn á skólaaldri eru
upptekin af. Að sjálfsögðu spyrja þau ekki
á þennan hátt, miklu fremur eitthvað á
þessa leið: Verð ég orðin frísk um jól? Hvað
á að taka margar röntgenmyndir enn? Get
ég lesið þegar ég kem í skólann? Get ég
spilað fótbolta aftur? Er það sama að mér
og henni sem situr í hjólastólnum? (þ.e.:
þarf ég líka að sitja í hjólastól?)
Allar þær spurningar sem barnið spyr í
sambandi við sjúkdóminn, bæði um fortíð
og framtíð, á barnið helst ekki að vera eitt
með og þurfa að svara sjálft. En barnið þarf
að vera i mjög góðum tilfinningalegum
tengslum við hina fullorðnu til að það
spyrji eða segi frá því sem sækir á það í
sambandi við sjúkdóminn. Spurningarnar
geta t.d. snúist um að fá vissu sína um
ímyndaða sök þess sjálfs á sjúkdómnum.
Einnig geta spurningarnar fjallað um með-
höndlun, hvað á að gera og hver árangur-
inn af meðhöndluninni verður. Hinir
fullorðnu þurfa að vera hreinskilnir og
raunhæfir og þeir þurfa að svara því sem
spurt er um. Þeir mega ekki afgreiða
spurningarnar með athugasemdum eins og
„Vertu ekki að hugsa um það, þetta er ekki
neitt. Þú þarft ekkert að vera hrædd.”
Þetta er fölsk huggun og það veit barnið.
Það hjálpar barninu að kalla þá hræðslu
sem það situr inni með upp á yfirþorðið og
standa andspænis því sem það hræðist —
með hjálp fullorðins sem er nógu sterkur til
að veita slíka hjálp.
Foreldrar veikra barna eiga
líka erfitt
Hversvegna einmitt okkar barn? Höfum
við gert eitthvað rangt sem réttlætir það að
okkar barn verði veikt? Var ekki allt í lagi á
meðgöngutímanum? Reykti ég of mikið?
Var það hættulegt að bragða rauðvín?
34 ViKan S. tbl.