Vikan - 22.03.1979, Blaðsíða 24

Vikan prófar léttu vínin
12. grein
Tólf bestu
hvítvínin
Sjö af tólf bestu hvítvínum Áfengis-
og tóbaksverslunar ríkisins eru þýsk, og
sex af þessum tólf eru úr Riesling vín-
berjum. Hvort tveggja segir sína sögu.
Líklega eru Þjóðverjar heimsins bestu
hvítvínsgerðarmenn og Riesling
heimsins besta hvítvínsber.
í gæðaprófun Vikunnar á hvítvínum,
sem fást hér, kom í Ijós, að ekki nema 12
af 62 voru góð, það er að segja náðu sjö i
einkunn af tíu mögulegum. Og sjö er
einmitt lágmarkseinkunn vína, sem
tekur því að flytja milli landa.
Léleg frammistaða Ríkisins í hvítvíns-
gæðum stafar ekki af háu innkaupsverði
góðra vína. Um allan heim er fullt af
ódýrum vínum, sem jafnast í gæðum á
við vínin tólf, sem komust gegnum
nálarauga Vikunnar. Og meðalverð
vínanna tólf er litlu hærra en hinna 50,
sem fengu verri dóma.
Sjö þýsk vín komust gegnum nálar-
augað, tvö frá Luxembourg, tvö frá
Austurriki og eitt frá Frakklandi.
Siðasta talan er merkileg, því að Frakkar
slaga i hvítvínsgerð hátt upp í Þjóðverja.
Það er líka merkilegt, að ekkert ítalskt
og ekkert spænskt vín komst i þennan
flokk.
Sex Riesling-vín komust gegnum
nálaraugað, eitt úr Morio Muskat
berjum, eitt úr Auxerrois, eitt úr Muskat
Ottonel, eitt úr blöndu af Sylvaner og
Miiller Thurgau, eitt úr Chardonnay og
eitt úr Grúner Veltliner.
Athyglisvert er, að Chardonnay, sem
sumir telja jafnt Riesling að gæðum,
skuli aðeins eiga einn fulltrúa á þessum
lista. Einnig er merkilegt, að ekkert vín
úr Semillon og Sauvignon Blanc berjum
hefur komist í gæðaflokkinn.
Einkunnagjöfín
Einkunnagjöf Vikunnar var frá 0 og
upp í 10. Eitt hvítvín fékk níu í einkunn,
sem þýðir, að vinið er frábært. Þrjú
fengu átta i einkunn og eru mjög góð.
Átta fengu sjö í einkunn og teljast þar
með vera góð vín. Samtals eru þetta bara
tólf vín af 62.
Tíu vín fengu sex í einkunn, sem
þýðir, að þau eru sæmileg, þótt tæpast
taki því að flytja þau milli landa. Ellefu
vín fengu fimm í einkunn og teljast
þannig vera drykkjarhæf, en léleg.
Flest vín eða alls átján fengu fjóra í
einkunn og eru vond. Ellefu vín fengu
einkunnina þrjá eða lægri einkunnir og
dæmast ódrykkjarhæf.
Meöalverð ellefu bestu vínanna er
2.200 krónur flaskan, en meðalverð
hvítvina Ríkisins yfirleitt er 2.100
krónur flaskan. Af því má ráða, að góðu
vínin eru að meðaltali ekki nema örlítið
dýrari en vondu vínin.
1. Wormser Liebfrauenstift
Besta hvítvínið og hið eina, sem fékk
níu í einkunn, var WORMSER LIEB-
FRAUENSTIFT KIRCHENSTÚCK,
Riesling Spátlese, af árgangi 1976. Það
reyndist gullið og litdjúpt vín með
framúrskarandi Riesling-ilman og
meðalsætu bragði, er framlengdist.
Vínið var of sætt til að vera hentugt
matarvín og of gott til að láta borðhald
trufla það. Verðið er 2.800 krónur, sem
er í hærri kantinum.
2. Riesling Kabinett
Næst í röðinni með átta í einkunn var
RIESLING KABINETT, Bernkasteler
Schlossberg, af árgangi 1975. Það
reyndist dæmigert Móselvín, fölgult og
jafnvel grænleitt með aðlaðandi
Riesling-ilman og meðalþurru bragði,
sem var í góðu jafnvægi.
Verðið var 2.200 krónur og voru þetta
því bestu hvítvínskaup í Ríkinu, meðan
vínið fékkst Því miður seldist það upp
skömmu eftir birtingu greinar Vikunnar
um Móselvínin. 1 staðinn kom Riesling,
Bernkasteler Schlossberg, af árgangi
1977.
Nýja vínið hefur ekki gengið undir
gæðapróf Vikunnar og getur raunar
tæpast verið eins gott og fyrirrennarinn.
Lesendur eru beðnir um að athuga vel,
að einkunnagjöf Vikunnar gildir aðeins
um hin prófuðu vín, en ekki um aðra
árganga og aðra gæðaflokka vína með
sama heiti. í Ríkinu verða oft fyrirvara-
Iaus skipti á slíku.
3. Hochheimer Daubhaus
Þriðja í röðinni, einnig með átta í
einkunn, var HOCHHEIMER
DAUBHAUS, Riesling Kabinett, af
árgangi 1975. Þetta reyndist dæmigert
Rheingauvín, gullið að lit, með
hreinlegri Riesling-ilman og lítillega sætt
á bragðið, tæplega eins heppilegt
borðvín og framangreint vín var. Verðið
er 2.300 krónur.
4. Kallstadter Kobnert
Fjórða í röðinni og hið síðasta með
átta í einkunn var KALLSTADTER
KOBNERT, Morio Muskat Kabinett, af
árgangi 1976. Það reyndist hafa
aðlaðandi og sérkennilega ilman, sem
endurspeglaðist í skemmtilegu krydd-
bragði, meðalþurru. Verðið er 2.300
krónur.
Öll þessi fjögur vín eru þýsk. Hið efsta
er frá Rheinhessen, annað frá Mosel,
þriðja frá Rheingau og hið fjórða frá
Pfalz.
5. Auxerrois
Fimmta í röðinni var vín frá
Lusembourg með sjö í einkunn,
AUXERROIS, Ehnen Bromelt, af
árgangi 1975. Það var gott vín með öll
einkenni Móselvína, þótt vínberið sé
ekki hið sama. Verðið er 1.850 krónur,
hið lægsta af þessum tólf vínum.
6. Riesling (lux)
Sjötta 1 röðinni, einnig með sjö í
einkunn, var annað vín frá Luxem-
bourg, RIESLING, Domaine de l’Etat
de Dreiborn, af árgangi 1975, mjög
svipað vín og fimmta vínið í röðinni.
Bæði þessi vin voru í þurrara lagi og
henta því vel sem borðvín. Verð þessa
víns er 2.000 krónur flaskan.
7. Riidesheimer Burgweg
Sjöunda vínið var aftur þýskt, frá
Rheingau. Það fékk einnig sjö í einkunn.
Það var RODESHEIMER
BURGWEG, Riesling, af árgangi 1977.
Inæstu Viku:
Portúgölsk rauðvín
Það reyndist einfait og heiðarlegt vín,
meðalþurrt og örlítið súrt. Verðið er
2.300 krónur.
8. Chablis
Áttunda vínið var franskt Búrgundar-
vín, einnig með sjö í einkunn. Það var
CHABLIS, af árgangi 1977, mjög þurrt
sjávarréttavín með aðlaðandi ilman.
Verðið er 2.500 krónur flaskan.
9. Blue Nun (Bernkastel)
Niunda vinið í röðinni var svo enn eitt
þýska vínið, Móselvínið BLUE NUN,
Bereich Bernkastel, af árgangi 1977, líka
með sjö 1 einkunn. Þetta vin var óvenju
glært, jafnvel af Móselvíni að vera, hafði
góðan ilm og var fremur sætt. Því má
ekki rugla saman við Blue Nun
Liebfraumilch, sem fékk mun lægri
einkunn. Verðið er 2.000 krónur
flaskan.
10. Edelfráulein
Tiunda vínið var austurrískt,
KREMSER EDELFRÁULEIN,
Muskat Ottonel, af árgangi 1976. Þar
endurspeglaðist sérkennilegt vínber í
góðu kryddbragði, hvorki þurru né sætu.
Einkunnin var sjö og verðið 2.050
krónur.
11. Sylvaner & Miiller Thurgau
Ellefta vínið í röðinni, einnig með
sjö í einkunn, var eitt af þýsku vín-
unum, 1 þetta sinn frá Pfalz. Það var
SYLVANER & MOLLER
THURGAU, Kirrweiler Römerberg, af
árgangi 1973. Það hafði daufan lit, en
bæði ilman og bragð endurspegluðu
Sylvaner og Múller Thurgau vínberja-
blönduna og minntu á kerfil. Ákveðið og
sérkennilegt vín, sem líklega er ekki við
allra hæfi. Verðið er 2.200 krónur.
12. Griiner Veltliner
Tólfta og síðasta vínið með sjö í
einkunn var austurrískt, KREMSER
GRONER VELTLINER, af árgangi
1976, meðalþurrt vín með hreinlegri
ilman. Verðið er hvorki meira né minna
en 3.200 krónur, það er að segja allt of
hátt. Þótt vínið sé gott, eru ekki góð
kaup í því.
Skipta þarf um hin
Að lokum er tilhlýðilegt að geta ódýr-
asta hvítvínsins í Ríkinu. Það er
MISKET frá Búlgaríu, sem kostar ekki
nema 1.450 krónur flaskan. Ekki
reyndist það gott vín, fékk aðeins fjóra 1
24 Vikan 12. tbl.