Vikan - 22.03.1979, Blaðsíða 63

Vandamál hinnar er það að
hún er orðin ástfangin. Hingað
til hefur hún alltaf haft mikinn
árangur meðal stráka. Hún
hefur haft mjöggaman af að
daðra við þá, en núna er hún
orðin alvarlega ástfangin. En
henni til mikiliar sorgar fékk
hún að vita það, að nýi
sjarmörinn ætti fasta vinkonu.
Þar sem þau eru í sömu hljóm-
sveit, hittast þau oft. Og þá er
hann alltaf svo almennilegur
við hana, en ekkert meira.
Hvernig getur hún sýnt honum
að henni þyki vænt um hann?
Ætli hann verði kannski öfund-
sjúkur, ef hún færi að daðra
við vin hans?
Með kœrri þökk fyrir
birtinguna (fyrirfram).
Melónan og Peran
Þið eruð á þeim aldri að
Pósturinn óttast að þegar þetta
bréf birtist verðið þið löngu
búnar að gleyma þessum
„hræðilegu vandræðum” og
komnar með önnur vandamál,
sem ykkur finnst þá stundina
alveg hræðileg. Hvað þá fyrri
snertir má hún bara þakka fyrir
að geta þó ennþá roðnað á
þessum síðustu og verstu tímum
..hm (tókuð þið Póstinn nokkuð
alvarlega þarna) og hvort hún á
að láta undan eða ekki fer að
sjálfsögðu eftir því hver strákur-
inn er, sem í hlut á. Varla getur
hún farið að faðma og kyssa
hvern sem er? Hvað hina
stúlkuna snertir ætti hún að
leyfa föstu vinkonunni að hafa
félagann í friði. Það er ósiður að
reyna að spilla annarra
sambandi, enda nóg af strákum
sem ekki eru á föstu. í þessu sem
öðru gildir að reyna að valda
ekki öðrum sorg og hún ætti
bara að daðra við einhvern
annan, án tillits til þess hvort
hinn gæti orðið öfundsjúkur eða
ekki.
Á bak við eyrun
Póstur góður.
Mikið væri gott, ef þið
gætuð komið því við, að hafa
lausnarseðlana á lausu. Mér
finnst eyðilegging á blaðinu að
þurfa alltaf að klippa út úr því.
En þar fyrir veit ég að það er
ekki hlaupið að því að gera
öllum til hœfis, en þið ættuð
nú að hafa þetta bak við
eyrun. Svona líkt og innstungu-
blaðið með áskrifendaauglýs-
ingunum var.
Bestu kveðjur.
Stella
Við könnumst ekkert við það
hér á ritstjórninni að hafa haft
innstungublaðið með
áskrifendaauglýsingunni á bak
við eyrun. En tillagan um
lausnarseðlana hefur verið
margrædd og athuguð og enn
hefur okkur ekki tekist að finna
hentuga lausn, en ekki er öll
nótt úti enn og því ekki að vita
nema svo verði síðar.
Ég gæti farið
með Kela í
göngutúr
Kæri Póstur!
Komdu sæll og blessaður, ég
hef aldrei skrifað þér áður og
vona að þú hjálpir mér í þetta
fyrsta skipti. Ef til vill verður
það líka það síðasta. En mig
langar að biðja þig um að
hjálpa mér, með því að segja
mér, eða gefa mér upplýsingar
um hann KELA, sem skrifaði
þér í 7. tbl. 15. feb. Ég get
stytt honum stundir með því
að skrifa honum eða fara með
honum í göngutúr og reyna að
sjá til þess að hann kafni ekki í
kolsýringseitrinu eða verði fyrir
bíl. Ég ætla að gefa þér fullt
nafn og heimilisfang og síma
og vona að þú getir hjálpað
mér (kannski honum um leið).
Ég vil helst ekki að þú birtir
bréfið, en ef þú gerir það, settu
bara Solla undir.
Með fyrirfram þökk.
Solla
PS. Mér finnst Vikan gott
blað, ef það gleður þigi Vona
að þú getir hjálpað mér að
kynnast þessum einmana
„sveitapilti". Mér sýnist á
bréfinu hans, að við eigum
mjög margt sameiginlegt (ég og
hann).
Æ, æ, nú fór í verra. Pósturinn
finnur hvergi bréfið hans Kela,
nafnið þitt geymir Pósturinn
hins vegar vandlega. Því þarf
Keli aðeins að hafa samband við
Póstinn og þá getur hann (með
þínu leyfi) fengið nafnið þitt og
heimilisfangið. Og nú er bara að
vona að Keli sjái Vikuna og láti
heyra í sér.
Rosa blíð í
aukatfmum
Hœ Póstur góður og Helga (ég
vona að í þessu tilfelli sért þú
ekki mjög svöng, því þetta er
frekar mikilvægt bréfl.
Sko, ég stunda nám við
gagnfrœðaskóla. Ég hef yfirleitt
verið mjög dugleg að krækja
mér í stráka, en nú kemur
verra til sögunnar. Ég er svo
yfir mig hrifin af einum
kennaranum í skólanum, að ég
held að ég sé að deyja (þó að
ég sé kannski einum of ung til
að eltast við kennara, þá eru
þetta bara örlög). Hann er
frekar ungur og roðnar alltaf
þegar við stelpurnar tölum við
hann. Hann rœður ekkert við
okkur. Hvað á ég að gera, sko
mér gengur ágætlega í þeirri
grein sem hann kennir. Ætti ég
kannski að fara að vera lakari í
tímum hjá honum, svo að ég
þurfl að fara í aukatíma og
vera rosa blíð við hann?
Þú verður að ráðleggja mér
eitthvað. Annars ferst ég úr
ást (og það er ekkert grín).
Ekki láta Helgu gleypa þetta
og afsakaðu skriftina.
Frk. kennaravandamál
Satt að segja virðist þú alls ekki
þurfa nokkuð á aðstoð Póstsins
að halda. Þú hefur bæði mikið
hugmyndaflug og áræði, svo
varla er á bætandi. Að vísu
hefur Pósturinn þá einkaskoðun
að þú ættir að láta kennarana
alveg í friði, kennarastarfið er
nógu erfitt samt. Þar að auki er
hann örugglega miklu eldri en
þú heldur og giftur og að
minnsta kosti fimm barna faðir.
Óánægður með
poppkornið
Hæ.
Ég er fastur áskrifandi að
Vikunni og er í flesta staði
ánægður með efni blaðsins.
Hrifnastur hef ég verið af
poppfrœðiritinu og harma það
að sá þáttur skuli vera hættur í
Vikunni. Ástœðan fyrir því að
ég skrifa blaðinu er sú að ég vil
lýsa óánægju minni yfir hinum
nýja þœtti Vikunnar „popp-
kornið ”. Ég er í alla staði mjög
óánægður með þennan þátt og
tel hann særa tónlistarsmekk
þeirra lesenda Vikunnar, sem
hlusta á raunverulega tónlist.
Ég tel að Helgi Pétursson fari í
þessum þætti út í algjöra
smekkleysu. I þessum þætti er
efnið 99% um diskótónlist eða
diskógarg.
Ég tel að hægt sé að gera
þennan þátt miklu betri með
því að birta fréttir af virki-
legum tónlistarmönnum, en
ekki alltaf þetta Gibba gibb og
Boney M og því um líkt
djöfulsins garg. Ég skora hér
með á Helga Pétursson og
Vikuna að sýna drengskap sinn
í því að birta almennilegar
poppfréttir, svo sem af: Al Di
Miola, Pink Floyd, Mike Old-
field, Peter Gabriel, Erank
Zappa og öllum þeim, sem
spila TÓNLIST, reglulega
þróaða góða tónlist. Það er
alveg nóg skrifað um fyrir-
bærið diskó í öllum dagblöðum
landsins svo að Vikan þarf ekki
að vera að skrifa svo mikið um
það.
Látið diskóið sitja á hakanum
og komið með fréttir af heil-
brigðum tónlistarmönnum.
3871-7111
P.S. Afsakið allar stafsetningar
villurnar. HMP
Það eru ekki allir undir sólinni
sammála um alla hluti, sem
betur fer, enda væri þá lítið
gaman að lifa. Poppfræðiritið
hafði verið nokkuð lengi svo
ýmsum þótti ástæða til að söðla
um og fá annan þátt sem færi að
einhverju leyti út í aðra sálma.
Fyrir þá sem ekki voru nema
poppfróðir í meðallagi reyndist
poppfræðiritið of fræðilegt og
nú er reynt að koma til móts við
þann lesendahóp.
Pcnnavimr
Mrs. Lidiga Shpilko, 683000,
Petropawlovsk — Kamchatskij A. B.
Yas, no. 46. U.S.S.R. er 42ja ára og
óskar eftir pennavinum. Hún hefur
mikinn áhuga á póstkortasöfnun og
skrifar á ensku, þýsku og rússnesku.
12. tbl. Vtkan 63