Vikan - 22.03.1979, Blaðsíða 40

Hiðfullkomna rán
Vinkonurnar kinkuðu kolli
sælar á svip, og Estrella fór fram
til að hita meira kaffi. Það var
áliðið, þegar Ingeborg kvaddi,
því að það tekur langan tíma að
klippa niður hundruð eftir
hundruð af seðlum, sem þurfa
að vera nákvæmlega jafnir að
stærð.
Næsta morgun kinkuðu
konurnar íbyggnar kolli hvor til
annarrar. Eins og venjulega
voru þær með kaffibrúsa með
sér, og jafnvel útibússtjórinn
gerði sér að góðu að þiggja hjá
þeim kanelbollur.
Peningarnir streymdu inn, og
þær búntuðu þá strax og færi
gafst og létu hverfa ofan í tösku
Ingeborgar. í staðinn settu þær
pappírsbúntin með ekta seðli
efst í hverju búnti.
Dagurinn leið. Eftir því sem
leið á daginn jókst spenningur
kvennanna.
— Hugsaðu þér bara, ef þeir
koma ekki í dag, hvíslaði Inge-
borg titrandi röddu. — Útibús-
stjórinn er vanur að fletta
búntunum, áður en við setjum
peningana í skápinn. Hugsaðu
þér ....
Báðar konurnar voru
skelfdar, og kaldur sviti spratt út
um líkama þeirra. Tilhugsunin
um að verða gripnar sem þjófar,
eftir flekklausa þjónustu, var
óbærileg. Þeim fannst útibús-
stjórinn strax vera farinn að líta
grunsemdaraugum til þeirra, og
Estrella gerði nokkuð, sem
aldrei hafði hent hana fyrr —
hún skrifaði ranga dagsetningu í
eina bankabókina.
Báðar voru náfölar í framan,
nú voru aðeins átta mínútur þar
til lokað yrði, síðasti viðskipta-
vinur dagsins var líklega einmitt
að koma.
— Ég vona sannarlega, að
Sandén fari á snyrtinguna, áður
en við lokum, hvíslaði Ingeborg
angistarlegri en fyrr, við getum
þá skipt aftur á búntunum.
Estrella, sem þegar var búin
að gefa upp vonina og vissi að
Sandén fór næstum aldrei fram
á snyrtingu, hvíslaði til baka:
— Hvað heldur þú að við
fáum mörg ár? Kannski verðum
við að sitja mörg ár í fangelsi.
Ætli sé sjónvarp í kvenna-
fangelsinu?
— Uss, hvíslaði Ingeborg.
Hún hneigði höfuðið í átt til
útibússtjórans, sem var staðinn
á fætur og gaf í skyn með löng-
um geispa, að vinnudegi væri nú
senn að ljúka. Hann fylgdi
síðasta viðskiptavininum til
dyra, og síðan myndi hann fara
að setja seðlana i skápinn.
4* Vlkan XX. tbl.