Vikan - 10.05.1979, Side 23

það er lengra á milli þeirra, er hætta á því
að barnið geti ýtt höfðinu út á milli þeirra
og það sitji fast.
Gætt skal að því að dýnan í rúminu sitji
föst og að sængin sé ekki of stór. Of stór
sæng getur auðveldlega lagst yfir andlit
barnsins.
Margir setja plast undir lak i barnarúmi.
Plast mýkist þegar það hitnar af líkams-
hitanum, og við núning getur myndast
rafmagn. Ef barnið getur ýtt lakinu til
hliðar getur plastið límst við andlit barnsins
og kæft það. Ef plast er notað er réttast að
sauma lakið eins og poka sem nær alveg
yfir dýnuna.
Barnavagn
Barnavagnar eiga að vera tryggir og ekki
of háir. Háir vagnar velta auðveldlega um
koll. Betra er að velja vagna í ljósum lit, þar
sem dökkir vagnar hitna oft mikið í sól.
Ef barnið á að biða úti í vagni, verður
bremsan að vera í góðu lagi. En best er að
ganga þannig frá vagninum að hann sé
keyrður upp að vegg svo hann geti ekki
runnið, þrátt fyrir að bremsan bili skyndi-
lega.
Best er að komast hjá því að nota beisli í
vagni, því barnið getur kafnað í því. Ef
beisli er notað er öruggast að nota það sem
kallað er „kajakapoki”. Hann er bundinn í
bakið og nær eins og lak niður á fætur.
Barnagrind
Einna öruggasti staðurinn fyrir börn sem
ekki er stöðugt hægt að líta eftir er grindin.
Barnagrind á að hafa fastan botn og örugga
rimla sem ekki er lengra á milli en 6 sm.
Einnig er gott að hafa mjúka ábreiðu i
botninum.
Grindur úr neti geta verið hættulegar,
t.d. ef barnið er í fötum með hnöppum eða
spennum. Þær geta fest í netinu og valdið
þvi að fötin festist um háls barnsins.
Baðborð og klæðaborð
Það er mjög þægilegt að sinna barni á
borði sem er í hæfilegri vinnuhæð. En
ungabörn geta hreyft sig skyndilega og
dottið niður á gólf. Þess vegna á aldrei að
skilja ungabarn eitt eftir á borðinu. Ef þarf
að ná í eitthvað rétt hjá bað- eða klæða-
borðinu, er gott að venja sig á að leggja
barnið alltaf niður í rúmið á meðan. Einnig
er gott að venja sig á að safna öllu saman á
borðið sem á að nota áður en barnið er lagt
á það. Hluti má líka setja á borð við hliðina
þannig að hægt sé að teygja sig í þá.
Bali og baðker
Það á aldrei að láta ungabörn eða lítil
oörn sitja ein í bala eða baðkeri. Ef síminn
eða dyrabjallan hringir á að taka barnið
með sér. Börn geta drukknað í mjög litlu
vatni.
Margir þvo litlum börnum i hand-
laugum. Það á aldrei að láta vatnið renna á
meðan barnið er í handlauginni, því að það
getur skyndilega hitnað og þá getur barnið
brennt sig. Einnig á alltaf að gá að því
hvort vatnið sé ekki hæfilega heitt áður en
barnið er lagt í það. Þetta má gera með þvi
að dýfa olnboganum í vatnið.
Leikföng
Leikföng barna eiga að vera traust. Þau
eiga ekki að hafa skarpar brúnir eða kanta,
og efnið í þeim á að vera það traust að ekki
myndist skarpir kantar ef leikföngin
brotna.
Leikföng eiga ekki að innihalda lausa
smáhluti sem geta komist fyrir í munni,
nefi eða eyrum. Börn reyna oft að setja
smáhluti í munn, nef o.s.frv. Þetta er
eðlilegt viðbragð, en það er ekki
hættulaust.
Gæta verður að því að börn noti ekki
plastpoka til að leika sér að. Ef barnið setur
pokann á höfuðið á sér getur það kafnað.
19. tbl. Vikan 23