Vikan - 12.07.1979, Blaðsíða 31

Boney M:
EIGA RÆTUR í LES
HUMPHRIES SINGERS
OG BIBLÍUNNI
Þau hafa þegar fengið útnefninguna
„Nýja Abba ársins 1979” og þá er að
sjálfsögðu átt við hljómsveitina Boney
M sem farið hefur sigurför um
heiminn, nú síðast með laginu:
Hurrayh! Hurrayh! En þau sem
standa að Boney M hafa engar áhyggj-
ur af því, hverja fjölmiðlar útnefna
sem diskódrottningar og diskókónga
því þau vita að þau eru þau bestu og
vinsælustu. Þau eiga alls staðar
metsöluplötur og i hvert skipti sem út
kemur ný hljómplata slá þau öll fyrri
met hvað snertir sölu.
En þó táningar og fleira fólk líti
margir hverjir á Boney M sem einhvers
konar guði i poppheiminum i dag, þá
líta meðlimir Boney M aftur á móti á
sjálfa sig sem manneskjur en ekki
neinar goðsagnapersónur og eru í raun
mjög trúaðar manneskjur. Þau segja
að Guð hafi hjálpað þeim áfram á
framabrautinni, og tvö af vinsælustu
lögum þeirra, Rivers of Babylon og
Mary’s Boy Child, eru einmitt með
trúarlegu ívafi. Biblían er þeim ómiss-
andi förunautur á hljómleikaferða-
lögum, en þau eyða um það bil 200
dögum á ári í það að ferðast um
heiminn og halda hljómleika.
Boney M er stofnuð upp úr leifum
af hljómsveit, sem í eina tíð var meðal
annars mjög vinsæl hér á íslandi —
Les Humphries Singers. Frank Farian
var búinn að vera sem söngvari en
hugmyndir vantaði aftur á móti ekki.
Honum fannst Les Humphries Singers
orðin stöðnuð og leiðinleg og vildi þess
vegna stofna hljómsveit eftir eigin
uppskrift. Honum tókst að finna fólk
við sitt hæfi eftir langa og stranga leit,
og á endanum urðu fyrir valinu þau
Bobby Farrell, Liz Mitchell, Marcia
Barrett og Maizie Williams. En þó
framkvæmdastjórinn Frank Farian
ráði öllu í sambandi við lagaval, fram-
komu og klæðaburð hljómsveitarinnar,
þá segjast fjórmenningarnir vera
ánægðir með ástandið eins og það er.
Þau viðurkenna að allt sem Frank
Farian dettur í hug og framkvæmir sé
það eina rétta, og á meðan þau
hagnast á því að vera með Boney M
mun hljómsveitin prýða efstu sætin á
vinsældalistum í heiminum!
28. tbl. Vikan 31