Vikan - 26.07.1979, Side 31

Þó að fyrstu frægðarspor Donnu
Summer séu stigin i Þýskalandi er hún
borin og barnfædd í Bandaríkjunum.
nánar tiltekið í Boston þann 31.
desember 1948. Faðir hennar var slátr-
ari en móðirin kennslukona. Það var
þröngt í búi á uppvaxtarárum Donnu
enda átti hún alls sjö systkini.
Strax í æsku var Donna hrifin af söng
og sú persóna sem hafði einna mest
áhrif á hana var gospel-söngkonan
Mahalia Jackson. Donna vildi líkjast
henni og byrjaði 6 ára göntul að syngja í
kirkjukór. 10 ára gömul var hún farin
að hlaupa í skarðið ef einsöngvari
veiktist.
Eftir skólanám sitt fór Donna
Summer til New York, því hún hafði
heyrt að það væri verið að leita eftir
söngfólki fyrir söngleikinn Hair. Hún
fékk ekkert hlutverk í New York en
svissneskur umboðsmaður réð hana til
að leika í Hair í Þýskalandi og var
frumsýningin í Múnchen.
Hún ferðaðist víða um í Þýskalandi
því Hair var sýnt þar i öllum stór-
borgum. Þar kynntist hún lika manni
sínum, leikaranum Helmut Sommers.
Þau skildu eftir stuttan tíma. Donna
hélt þó tvennu til ntinningar um hjóna-
bandið. listamannsnafninu Summer og
5 ára dóttur þeirra hjóna, Mirni.
í Múnchen hitti Donna líka plötu-
útgefandann Giorgio Moroder. Hann
gerði samning við hana og fyrsta plata
hennar, Hostage, seldist eins og heitar
lummur, sérstaklega í Hollandi. Það var
á þessum árum sem Þórir Baldursson
vann fyrir Donnu Summer og útsetti lög
hennar.
Næst kom plata sem átti eftir að slá
öll met og festa Donnu Summer í sessi
sem súperstjörnu, þ.e. Love to love you.
Síðan er eins og allt sem Donna kemur
nálægt verði að gulli, nýjasta plata
hennar Bad Girls varð metsöluplata og
ekki má gleyma því að Donna var ein
þeirra sem gáfu allan ágóða af einu laga
sinna til Barnahjálpar Sameinuðu
þjóðanna.
30.tw!