Vikan - 26.07.1979, Page 37

Rabat: Stúlkur við vefnað.
Rabat í Marokkó
Þegar börn í Marokkó hafa lokið trúar-
bragðanámi sínu, 7 ára gömul, er tími til
kominn að þau fari að reyna að komast í
læri einhvers staðar.
Margs konar handverk bjóðast þeim —
strákarnir geta lært málm-eða leðuriðn og
stúlkurnar vefnað og útsaum.
Atvinnurekendur taka börnunum
opnum örmum, því að í þeim sjá þeir ódýrt
vinnuafl. Stúlkurnar vinna yfirleitt fram að
14-15 ára aldri, en þá finna foreldrarnir
eiginmanri handa þeim. En það er ekki þar
með sagt að allri vinnu sé lokið, nema síður
sé.
Með ótrúlegum dugnaði vefa stúlkurnar
8 fermetra teppi á viku sem síðan er selt á
sem svarar 5000 ísl. kr. Börnin standa við
vefnaðinn allan daginn og eru ómissandi í
iðninni vegna þess að hendur fullorðinna
gætu aldrei hnýtt litlu hnútana í ullina, en
smáar barnahendurnar fara létt með það.
Þegar þau koma heim að loknum
löngum vinnudegi þýðir lítið að fara að
leika sér því þá taka húsverkin við.
Istanbúl f Tyrklandi
í Istanbúl úir og grúir allt af fólki í
atvinnuleit, jafnt börnum sem fullorðnum.
Lífið er harður húsbóndi á þeim slóðum.
Þegar fiskur berst að landi, flykkjast strák-
arnir niður að höfn og verka fisk sem þeir
síðan falbjóða hverjum sem kaupa vill. Þau
börn sem ekki eru í fiski vinna við uppþvott
á ódýrum veitingahúsum.
Þeir heppnustu komast kannski í læri hjá
bifvélavirkja og það er ekki óalgeng sýn að
sjá 10 ára gutta vera að greina bilun í bíl.
En þeir geta það þó svo að þeir séu litlir.
Maghalaya: Drangir draga kol út úr þröngum
námugöngunum.
Meghalaya á
Indlandi
Meghalaya er eitt af þeim svæðum á
Indlandi sem eru hvað fátækpst, og er þá
mikið sagt. Þó töluvert sé um ferðamenn á
þessum slóðum eru yfirvöld lítt hrifin af því
að fréttamenn séu að snuðra þar um. Það
er nefnilega vafasöm landkynning að birt
séu viðtöl við börn í Cherrapunji, einum
skítnasta bæ á jarðarkringlunni þar sem
meðalúrkoma á ári er um 5 metrar.
Þar hafa kolanámur enn ekki verið
þjóðnýttar og eru því í eigu einkaaðila sem
leggja mikið upp úr ódýru vinnuafli. Ódýrt
vinnuafl sækja þeir að mestum hluta til
Nepal — og mest börn. Tvær ástæður eru
helstar fyrir því að atvinnurekendurnii vilja
frekar börn en fullorðna í vinnu. Önnur ci
að börnum þarf ekki að greiða svo ýkja
hátt kaup, og hin að börn eiga betra með að
fóta sig í námugöngunum sem eru ekki
nema 1,50 m há. Neðst í námunum höggva
fullorðnir kolin en börnin síðan notuð til
að draga þau upp á yfirborðið eftir
þröngum og lágum göngunum.
Á þessu svæði er einnig algengt að sjá
börn vinna að viðhaldi vega og þess háttar.
Istanbúl: Lítill drengur gætir götusölu af mikilli
alvöru. 30. tbl. Vikan 37