Vikan - 27.09.1979, Qupperneq 30

Mig
dreymdi
Hann var holdvotur
Kæri draumráðandi!
1 nótt dreymdi mig langan og
flókinn draum sem ég mundi mjög
ógreinilega þegar ég vaknaði, að
undanskildu einu atriði sem stendur
mér Ijóslifandi fyrir hugskotssjónum.
Bið ég þig nú að ráða fyrir mig þennan
hluta draumsins. Undanfari hans var
sá að ég var stödd með vinkonum
mínum í íbúð sem við ætlum að búa
í næsta vetur. Við vorum að taka
okkur til fyrir ball. Ég átti í miklum
erfiðleikum með að komast í bol sem
ég ætlaði að vera í, hann var alsettur
spennum og krœkjum sem þrengdu að
og særðu mig. Á endanum minnir mig
að ég hafi komist í bolinn með aðstoð
frá vinkonum mínum, en var ekki
allskostar ánægð, enda var þetta mjög
óþægilegflík. Bolurinn var svartur og
einnig var eitthvert vesen með gervi-
tennur sem ég átti að vera með, þær
særðu mig víst, en allt þetta man
mjög óljóst. Er nú komið að fyrr-
nefndum hluta draumsins. Eg þurfti
eitthvað að bregða mér út og er ég
kem út á götuna gengur út úr nœsta
húsi strákur sem var skólabróðir minn
fyrir nokkrum árum og ég var mjög
hrifin af. í draumnum var hann dálítið
ólíkur því sem hann er í raun, allar
bólurnar og örin horfin af andlitinu og
var hann kominn með alskegg sem fór
honum bara vel. Við heilsuðumst glað-
lega og ég spurði hann hvort hann
ætlaði ekki á ballið (þangað sem ég
ætlaði). Hann játaði því og vissi ég
ekki fyrr en ég rauk á hann og kyssti
hann blíðlega á varirnar (þetta eina
andartak sem við snertumst fannst mér
hann vera holdvoturfrá hvirfli til ilja,
en aðeins þetta eina andartak). Hann
leit á mig eins og hann vildi biðja mig
einhvers eða segja eitthvað og
muldraði eitthvað í barm sér, en brosti
til mín og sagðist tala við mig á
ballinu.
Eg vona að þú getir leyst eitthvað
úr þessu. Með fyrirfram þökk.
Rökkursál.
P.S. Eg tek það fram að ég hef ekki
séð þennan strák í marga mánuði og er
löngu hætt að hugsa um hann.
Draumurinn sem slíkur þarf ekki að
standa í neinu sambandi við þennan
tiltekna mann, en er líklega fyrirboði
giftingar þinnar áður en mjög langt um
líður. Gættu þin á vanhugsuðum
skyndisamböndum við hitt kynið, þvi
það getur orðið þér afdrifaríkt. Farir þú
varlega í ákvarðanatökum ættirðu að
verða ótrúlega lánsöm í framkvæmdum
á næstunni.
Andinn talaði við okkur
Kæri draumráðandi!
Vilt þú ráða fyrir mig þennan
draum, en hann er svona:
Mér fannst ég vera í kennslustofu
með vinkonu minni. 1 stofunni voru 5
ára krakkar og allt upp í minn aldur,
eða 16 ár. Eg og vinkona mín vorum
að tala glaðlega saman þegar allt í einu
einhver stendur við hlið okkar á hægri
hönd, við sátum hlið við hlið. Þegar
við horfum þangað er það skuggi, sem
horfir á okkur. Hann skýrist óðum en
var samt í þoku líkt og andi. Þessi
maður var þrekinn og svo stór að
hann náði upp undir loft. Svo tók
hann að tala við okkur en þó meira
við vinkonuna. Mér fannst hann
áminna hana um að vera ekki svona
sjálfsörugg. Ég vildi vera dugleg í
augum þessa manns og hann var
frekar góður andi, einskonar dómari,
held ég. Þegar hann hafði talað við
okkur, bað hann okkur að biðja og við
tvær fórum með stutta bæn. Við litum
upp er við höfðum lokið við að biðja
en þá var hann horfinn. Krakkarnir í
bekknum fóru líka með bæn en þau
sáu aldrei andann, aðeins ég og
vinkona mín. Draumurinn endaði svo
þannig að við vorum báðar ákafar og í
dálitlu uppnámi eftir þessa sýn.
Með fyrirfram þökk.
H.Ó.
Ymislegt í draumnum bendir til að þið
vinkonurnar ættuð að leggja ykkur
meira fram við námið, svo þið verðið
ekki fyrir slæmum vonbrigðum síðar.
Andinn í draumnum er sennilega fylgja
einhvers manns, sem vill ykkur vel, og
væri ykkur happadrýgst að fara meira
að hans ráðum.
Sjalið ljókkaði
skyndilega
Kæri draumráðandi!
Mig langar til að biðja þig að ráða
fyrir mig þennan draum, þó nokkuð
langt sé síðan mig dreymdi hann.
Mig dreymir að dóttir mín kemur til
mín með herðasjal svo fallegt að ég
hefi aldrei séð nokkuð eins fallegt. Mér
finnst hún segja: „Þú mátt hafa það
eins lengi og þú vilt, því það mun
enginn gera tilkall til þess. ” Eg lagði
það yfir herðarnar á mér og það varð
alltaf fallegra og fallegra, líkast sem
það væri ofið úr silfri og silki. Mér
finnst égsegja: „Ég verð að fara í
íslenska búninginn minn. ” Síðan vildi
égfara út til að sýna öðrum, hvað
sjalið væri fallegt, og fannst mér því
að ég tæki sjalið aftur og ætla að
leggja það yfir mig. En þá bregður svo
við að sjalið verður svo Ijótt, að ég
hætti við að nota það. Mér fannst það
verða eins og prjónað með garða-
prjóni, úr alls konar bandspottum sem
voru hnýttir saman og fannst mér
druslurnar úr hnútunum lafa niður.
Tek ég þá sjalið af mér og treð því
niður í kommóðuskúffu og stóð svo
fyrir kommóðunni til þess að enginn
skyldi vita að svona Ijót fík væri til í
húsinu. Svo var égalvegí vandræðum,
hvernig ég œtti að koma því út. Eg
vildi ekki láta það í sorptunnuna út af
hræðslu við að þeir sem hreinsa
tunnurnar myndu sjá hvað Ijót fík
kæmi úr húsi mínu.
Við það vakna ég.
Sigurbjörg
Samband þitt við ákveðna persónu er
ekki alveg sem æskilegast fyrir þig sjálfa.
Þarna gæti verið um samband við aðila
af hinu kyninu að ræða. Ýmislegt því
tengt tekur óvæntum breytingum og þú
ættir að fara varlega í stofnun sambands
við ókunnuga. Einfeldni í dómum um
annað fólk gæti orðið þér mikill fjötur
um fót og valdið þér sárum
vonbrigðum.
30 Vikan 39. tbl.