Vikan - 28.05.1981, Síða 28

Litmyndirnar i opnunni tóku ferðalangarnir sjálfir.
Að hafa augun opin er það eina sem gildir.
Eg hef alltaf haft áhuga á mótor-
hjólum og reyndar átt hjól sjálf frá 18
ára aldri. Ferðina gekk ég með i
maganum ansi lengi og í upphafi astlaði
ég með vini mínum árið áður. En hann
komst ekki þá og ég fór að tala um
ferðina við Boggu, en hún er systir
vinkonu minnar. Það varð úr að við
fórum þetta saman og sjáum alls ekki
eftir því.
Ferðalagið var í sjálfu sér ekkert erfitt
en það hefði verið betra að við gætum
báðar stjórnað hjólinu. Svona stíf ferð
getur orðið þreytandi fyrir þann sem
ekur ef farin er löng leið í einu. En það
varð að hafa það, ég ók alla leiðina og
Bogga sat bara og hélt sér fgst.
Aðalatriðið er maðurinn sjálfur
Það skiptir engu meginmáli þegar þú
ferðast hvort þú ert kvenmaður eða karl-
maður og því getur kvenfólk fullvel
bjargað sér á slíku ferðalagi. Aðalatriðið
er maðurinn sjálfur og að fólk viti hvað
það er að gera, ani ekki hugsunarlaust
áfram.
Fyrir ferðalag sem þetta er nauðsyn-
legt að verða sér úti um alþjóðlegt öku-
skírteini og þar þarf að koma fram að
viðkomandi hafi próf á mótorhjól.
AIK & sínum stað I upphafi ferðar — ð bllsi
Helstu hlutir í far-
angurinn
Göngutjald, vindsæng, svefn-
poki, góð ferðahandbók (td.
Europe Touring), breska blaðið
Sports Calendar, uppsláttarritið
Camping and Caravanning in
Europe, tryggingaplögg,
puncture pilot (efni til þess að
sprauta í spmngið dekk til að
komast hjá skiptingu á staðnum).
Mikilvægt er að hafa hjálm á höfðinu
þegar ferðast er um á mótorhjóli og þá
hvort sem um stutta eða langa leið er að
ræða. Það þarf fyrst að setja upp hjálm-
inn og síðan leggja af stað í öllum
tilvikum.
Á ferðum erlendis er best að hafa
peninga í ferðatékkum og bera þá alltaf
á sér. Á mörgum tjaldstæðum eru verðir
eða einhverjir staðir þar sem hægt
er að láta geyma fyrir sig verðmæti og
sjálfsagt að notfæra sér slíka þjónustu.
Skartgripi er best að skilja eftir heima,
en klukka verður þó að vera með í
ferðinni. Gisting á farfuglaheimilum og
tjaldstæðum er háð tíma, því þar þarf
bæði að mæta innan ákveðinna tíma-
marka og einnig að losa plássið. Því er
víst betra að vita hvað tímanum líður.
Gott getur verið að hafa í fórum
sínum vasaorðabækur i málum þeirra
landa, sem ferðast er um, ef maður er
ekki sjálfur sleipur í málinu. Enskan og
þýskan fleytti okkur þó nokkuð í þessu
ferðalagi og danskan hjálpaði í
Danmörku. En það segir sig sjálft að
farangur allan þarf að skera mjög við
nögl og við tókum svo sannarlega ekki
blómakörfurnar með okkur.
28 Vlkan 22. tbl.