Vikan - 28.05.1981, Page 37

4. hluti
Framhaldssaga
fara til Madagaskar. Hún ætlaði að fara
þangað og tala við þennan Dassak —
sýna sig og heyra hvað hann segði.
Vel var hugsanlegt að hann vissi meira
en hann vildi segja foreldrum hennar. Ef
vil vill hafði hann verið hræddur um að
særa þau.
Lengra vildi hún ekki hugsa. En nú
komst ekki annað fremur að í huga
hennar um stund en þessi fyrirætlun: að
fara til Nossí Be og fá að vita sannleik-
ann. Hvað gerast mundi síðar gat hún
ekki hugsað um nú. Fyrst varð hún að
Ijúka stúdentsprófinu í vor, því næst
ætlaði hún að vinna fyrir fargjaldinu
suður eftir hvað sem foreldrar hennar
segðu. Þeir hlutu að geta skilið að það
mikilvægasta af öllu fyrir hana var að fá
að vita sannleikann um hana sjálfa.
NÆSTU MÁNUÐI var Vanja önnum
kafin. Hún gerði sér fyllilega ljóst að
hún þurfti að lesa margt sem hún hafði
vanrækt á glaumgosaskeiði sínu, eins og
hún kallaði það sjálf, þegar hún var
mikið á ferðinni með hinum og þessum
til þess að reyna að gleyma ástarsorgum
sínum. Hún gerði sér fljótt grein fyrir að
lesturinn var besta meðalið sem hún gat
fengið og leit tæpast upp tímum saman.
Hann varð einnig til þess að hún fór að
sjá viðburðinn á Hótel Holti frá öðru
sjónarhorni. Sársaukinn fór smám
saman að réna og að lokum kenndi hún
aðeins í brjósti um Leif og móður hans
sem var svona taugaveikluð.
Ekki varð þessi hugarfarsbreyting
vegna þess að vandamál hennar
minnkaði heldur varð henni smám
saman ljóst að hún hafði tekið þessari
reynslu með röngum hætti. Það hafði
verið heimskulegt af henni að taka þetta
svona nærri sér þar sem hún hafði ekki
einu sinni verið skotin í Leifi. Einhvern
tima í framtíðinni hlyti henni að takast
að hitta pilt sem væri nógu sjálfstæður
og frjáls til að þora að standa fast við
sínar eigin skoðanir en ekki móður